logo

नागरिकको रक्षाका लागि दायित्व निर्वाह गरेका हौं : अध्यक्ष चौधरी 

      1414   पटक पढिएको

हरिनारायण चौधरी
अध्यक्ष 
पटेर्वा सुगौली गाउँपालिका

कोरोना भाईरस (कोभिड–१९) को रोकथाम र नियन्त्रणका लागि अहिले स्थानीय तहहरुको मत्वपूर्ण भूमिका रहेको छ । खासगरी सीमाक्षेत्रसँग जोडिएका नेपालको प्रदेश नम्बर २ जोखिममा छ । भारतबाट नेपाल आएकाहरुको क्वारेन्टीन, आईशोलेशन, पीसीआर टेष्ट लगायतका कामहरु मुख्य छन् । यसबाहेक स्थानीय तहका विपन्न नागरिकहरुको लागि जनजीवनलाई सामान्य बनाउन पनि स्थानीय सरकारको हैसियतले पनि स्थानीयतहको मुख्य दायित्वभित्र पर्छ । यसको लागि स्थानीय तहको सरकारहरुबीचको समन्वयकारी भूमिका पनि महत्वपूर्ण हुन्छ । भौगोलिक सीमाक्षेत्र र अधिकार क्षेत्र बाहेक मानवको जीवन बचाउनका लागि स्थानीय सरकारले खेल्ने भूमिकाले पनि कोरोना महामारी नियन्त्रणमा सहयोग पुग्छ । यहि समन्वय र सहकार्यको भूमिकामा पर्साको पटेर्वा सुगौली गाउँपालिका देखिएको छ । कोभिड–१९ नियन्त्रण र रोकथामका लागि सक्रिय भूमिकामा रहेको वीरगन्ज महानगरपालिकाकै लयमा पटेर्वा सुगौली गाउँपालिका पनि देखिएको छ । जनताको घर आँगनको सरकारबाट नागरिकले जुन अपेक्षा गरेका छन्, वास्तविक रुपमा संकटको घडीमा वीरगन्ज महानगरपालिका र पटेर्वा सुगौली गाउँपालिकाको सहकार्य र समन्वय अन्य स्थानीय तहहरुको लागि पनि उदाहरणीय बन्न सक्छ । गाउँपालिकामा कोरोना रोकथाम र नियन्त्रणका लागि गरेको गतिविधि र सक्रियताको बारेमा पटेर्वा सुगौली गाउँपालिकाका प्रमुख हरिनारायण चौधरीसँग इसीमानाले गरेको कुराकानीको सम्पादित अंश :

कोरोना रोकथाम र नियन्त्रणका लागि गाउँपालिकाले अहिले के गरिरहेको छ ? व्यावस्थापन कसरी भईरहेको छ ? 

  •  सबैभन्दा पहिले हाम्रो गाउँपालिका लगायत पर्साका स्थानीय तहहरु भारतीय सीमासँग जोडिएका छन् । मेरो आप्mनो गाउँपालिकाको जनताको सुरक्षाका लागि महामारी जुन हिसाबले बढ्दो क्रममा छ । त्यसलाई मध्यनजर गर्दै भोलीको सम्भावित विपतीबाट आईपर्ने जोखिम न्यूनिकरणका लागि केन्द्रीत गरेको छु । अहिले पटेर्वा सुगौली गाउँपालिकामा पहिलोपटक पाँचजना संक्रमित भेटिएको थियो । त्यसले गाउँपालिकाका नागरिक निकै त्रसित भए । त्यसले थप संक्रमण नफैलियोस भनेर हामीले गाउँपालिकाभित्र सबै वडामा क्वारेण्टीनको व्यावस्था गरेका छौं । भारतबाट आएका प्रत्येक व्यक्तिलाई क्वारेण्टिनमा राखेर चेकजाँच गराई संक्रमण नदेखिएमा मात्रै घर पठाउने काम गरेका छौं । गाउँपालिका भित्र प्रवेश गर्ने शंकास्पद व्यक्तिहरुलाई हामीले स्वास्थ्य जाँच गराएर मात्रै छिर्न दिने गरेका छौं । हाम्रो सूचना प्रणाली एकदमै चुस्त दुरुस्त राखेका छौं हरेक वडामा आउनेहरुलाई निगरानी गर्ने काम गरेका छौं । 

स्थानीय सरकारको देखिने काम भनेको राहत वितरण पहिलो नम्बरमा छ । तपाँईको गाउँपालिकामा चाहिँ कसरी राहत वितरण गरिएको छ ? 

  • कोरोनाको संक्रमण फैलिएपछि सरकारले घोषणा गरेको लकडाउनले विपन्न नागरिक निकै प्रभावित भए । हाम्रो गाउँपालिकामा रहेका विपन्न गरिब परिवारहरुको लागि भनेर राहत वितरण शुरु गरियो । हाम्रो गाउँपालिकामा अहिलेसम्म २६०० घर परिवारलाई राहत वितरण गरेका छौं । तर, कस्तो विडम्वना यो राहत भन्ने चिजलाई सरकारले दिएको र आपूmले पाउनै पर्ने अधिकारको रुपमा हेरेर हुँदा खानेहरुले भन्दा हुनेखानेले पनि लोभ लालच देखाए । यसले पटेर्वासुगौली गाउँपालिकामा रहात वितण गर्न निकै चुनौती थियो । तथापी हामीले सबै नागरिकले राहत पाउनुपर्छ भन्ने मान्यता राखेर सकेको जति राहत वितरण ग¥यौं । हामीले पहिलो चरणमा वितरण गरेको बाहेक प्रदेश सरकारले हरेक वडामा ९० जनालाई घरेलु तथा साना उद्योग मार्पmत पठाएको र त्यसमा पनि नपुग राहत गाउँपालिकाबाट थप गरेर दोश्रो चरणको वितरण गरियो । 

क्वारेन्टीनको व्यावस्थापन कसरी मिलाउनुभएको छ ? 

  • वडा नम्बर ५ को माध्यामिक विद्यालयमा सुरक्षाकर्मीहरु सहित राखेर सबै व्यवस्थित मिलाएर राखेका छौं । क्वारेण्टीनमा बस्ने उहाँहरुको ज्वरो तथा सामान्य चेकजाँच गर्ने र लक्षण देखा पर्ने र शंका लागेमा एम्बुलेन्स बोलाएर पनि नारायणी अस्पतालमा पठाउने व्यावस्था मिलाएका छौं । भारतबाट आएकाहरुलाई घरजान नदिएर क्वान्टिीनमा नै राख्ने व्यावस्था गरिएको छ । स्वाब टेष्टहरु गराउने गरेका छौं । 

 
अहिले संक्रमितको संख्या बढ्दै जाँदा पटेर्वा सुगौली गाउँपालिकामा पनि संक्रमित बढेका छन् । महानगरलाई रकम सहयोग गर्नुभएको छ । किन ? 

  • हामी हाम्रो जनतालाई सुरक्षित राख्नुपर्छ । केही दिन अगाडि टाउनहलमा सर्वदलीय बैठक भएको थियो । सांसद, प्रदेशसभा सदस्य तथा स्थानीय तह र राजनीतिक दलका प्रतिनिधिहरुको उपस्थितिमा भएको बैठकमा सबैले सहकार्य गरेर जाने सहमति भयो । भोलीको दिनमा संभावित जोखिमबाट नागरिकलाई बचाउनका लागि केही योजनाहरु हुनुपर्छ भन्ने सोचले गाउँपालिकामा सुविधायुक्त भौतिक संरचनाहरु भएको अवस्था छैन । भोली संक्रमित बढ्दै गयो भने कुनै भेन्टिलेटर सहितको सुविधा भएको अस्पताल छैन । जुन सदरमुकाममा अहिले सरकारले गण्डक हस्पिटलमा नारायणीको कोभिड अस्पताल स्थापना गरेको छ । त्यसको व्यावस्थापन महानगरपालिकाले नै गरिरहेकोले हाम्रो पटेर्वा सुगौली गाउँपालिकाका संक्रमितहरु पनि उपचार गरिरहेको र थप संक्रमितहरु बढेमा उपचारमा सहज होस भनेर नै महानगरपालिकालाई गाउँपालिकाले २५ लाख सहयोग गरेको हो । अहिलेपनि भारतबाट आउने क्रम जारी रहेको छ । भारतबाट रेल सञ्चालन गरेपछि त्यहाँबाट आएर गाउँपालिकामा आएकाहरुबाट पोजिटिभ देखिएको हो । मैले महानगरपालिकालाई दिएको सहयोग होईन मेरो आप्mनो गाउँपालिकाका जनताको सुरक्षाका लागि सहयोग गरेको हो । 

महानगरपालिकाकालाई सहयोग गर्ने तपाई पहिलो गाउँपालिका हुनुभयो । अरु गाउँपालिकालाई के भन्न चाहानुहुन्छ ? 

  • सबै स्थानीय तहका प्रमुख ज्यूहरुलाई के आग्रह गर्न चाहान्छु भने । कहि संक्रमितहरु देखियो भने गाउँपालिकामा राखेर उपचार गराउने अवस्था र सम्भावना छैन । गण्डकमा रहेको कोभिड अस्पताल लगायत सदरमुकाममा व्यावस्थापन गरिएको आईशोलेशनहरुलाई सहयोग गर्न सकिए भोली हाम्रो गाउँपालिकाका जनतालाई पनि त्यहि लगेर उपचार गराउन सहज हुन्छ ।

    त्यसैले यो विपदको घडीमा हामीले को कहाँको भन्नुभन्दापनि आप्mनो गाउँपालिकाका जनताले कहाँ सही ढंगको उपचार पाउछ र कोरोनालाई पराजित गर्न सक्छौं भन्ने महत्वपूर्ण कुरा लागेर नै मेरो गाउँपालिकाले वीरगन्ज महानगरपालिकालाई साथ दिएको हो । पर्सामा अहिले कुनैपनि स्थानीय तहमा कोरोनाका संक्रमितलाई राखेर उपचार गराउने व्यावस्था छैन ।

    वीरगन्जमा संघ सरकारले स्थापना गरेको कोभिड अस्पताल भएपनि महानगरले व्यावस्थापन गरिरहेको छ । तर, हाम्रो आफ्नो गाउँपालिकाका संक्रमितहरुपनि उपचार गराईरहेको हुँदा उहाँहरुको लागि सहयोग गर्नु गाउँपालिकाको दायित्व हो । यसरी हामीले बुझेर पर्साका सबै गाउँपालिकाले सहयोग गर्न सक्यौं भने पर्साबाट कोरोनालाई सहजै परास्त गर्न सकिन्छ । 


 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु

ईसीमाना सम्वाद

अर्थतन्त्रमा नकारात्मक असर पर्छ भनेर मानवीय मूल्यलाई बिर्सन हुदैनः प्रधानमंत्री ओली

कोरोना भाइरस (कोभिड–१९) को विश्वव्यापी सङ्क्रमणबाट बच्न नेपालमा सुरक्षाका उपाय अवलम्बनसहित रोकथाम, नियन्त्रण र उपचारका काम भइरहेका छन् । महामारी बिफल पार्न सरकारले हवाई र स्थलमार्गबाट आवागमन रोकेर गत चैत ११ गतेदेखि लकडाउन जारी गरेको छ भने परीक्षणको दायरालाई जिल्ला–जिल्लामा विस्तार गरेको छ

कोरोनाको संक्रमण फैलिन नदिन सेल्फ आइसोलेसन जरुरी छ-प्रसीद्धि श्रेष्ठ

शुरूमा कोरोना संक्रमण भएको कसरी थाहा पाउनु भयो ?

कोरोना रोकथाममा हामी एशियामै सन्तोषजनक अवस्थामा छौँः मन्त्री ढकाल

विश्वका शक्तिशाली मुलुकलाई समेत हल्लाइरहेको कोरोना भाइरसको सङ्क्रमणको रोकथाम, नियन्त्रण र उपचारका लागि नेपालमा पनि सरकार र सम्बन्धित पक्षबाट उच्च प्राथमिकताका काम भइरहेका छन्

विश्वव्यवस्था तयारै नभएको भाइरसविरुद्ध लडिरहेका छौँ : परराष्ट्रमन्त्री ज्ञवाली

विश्वका अधिकांश सरकार र नागरिक विश्वका प्रायः सबै मुलुकमा फैलिइरहेको कोरोना संक्रमणको रोकथाम र नियन्त्रणका लागि यतिबेला हातेमालो गरिरहेका छन्

आधा आकाश

प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल

आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ

दाइजो बिरोधी अभियान चलाउन पीडितको नाममा प्रतिष्ठानको गठन

दाइजो प्रथाको न्यूनीकरणकोलागि काम गर्न एक प्रतिष्ठान निर्माण गरिने भएको छ

समाज

बालबिवाह गरेको आरोपमा बेहुला र बेहुलाको पिता प्रहरी हिरासतमा

बाल बिवाह गरेको आरोपमा प्रहरीले वीरगञ्ज महानगरपालिका वडा नं १६, लक्ष्मीनारायण टोलमा  वीरगञ्ज १६ नगवाका १९ वर्षीय बेहुला गुड्डु सर्राफ र उनका  ४६ वर्षीय बुबा कन्हैया सर्राफलाई लाई फाल्गुण १४ गते गिरफ्तार गरेको छ । 

सामाजिक संजालको प्रयोगबाट रकम ठगी गर्ने नेपाली र भारतीय दुई युवा पक्राउ

 सामाजिक सञ्जालको प्रयोग गर्दै ठगी गरेको आरोपमा पर्सा प्रहरीले दुई जनालाई पक्राउ गरेको छ ।

पटेर्वाको गादीमा निशुल्क नेत्र परिक्षण, मोतिबिन्दुका बिरामीको शल्यक्रिया गरिने 

पर्साको पटेर्वासुगौली गाउँपालिकाको वडा नं २ मा मा निःशुल्क आँखा शिविर सम्पन्न भएको छ । 

४९ लाख नेपाली सहित दुई भारतीय नागरिक बाराको जोतपुरबाट पक्राउ

स्रोत नखुलेको ४९  लाख नेपाली रुपैया सहित २ जना भारतीयलाई बारा प्रहरीले पक्राउ गरेको छ ।

खेलकुद

प्रथम पटेर्वासुगौली गोल्डकपमा बसन्तपुर यूनाईटेड चितवन सेमी फाइनलमा प्रबेश 

समता समाज नेपाल निचुटाद्वारा  पटेर्वासुगौली गाउपालिकामा वडा नं ५ निचुटामा संचालित प्रथम पटेर्वासुगौली गोल्डकपमा बसन्तपुर यूनाईटेड चितवन सेमी फाइनलमा प्रबेश गरेका छन।

प्रथम पटेर्वासुगौली गोल्ड कपमा बीरगंज युनाइडेट बिजयी भोलीको खेल निचुटा र अपौनी बीच हुने

पटेर्वासुगौली वडा नं ५ निचुटामा संचालित प्रथम पटेर्वासुगौली गोल्ड कपको आजको खेलमा बीरगंज यूनाईटेडले जित हासिल गरेको छ ।

दोश्रो मेयर रनिङ शिल्ड भोलीदेखि शुरु हुदै

दोश्रो मेयर रनिङ शिल्ड भोलीदेखि शुरु हुदैछ । वीरगन्ज महानगरपालिकाको आयोजनामा शुरु हुन लागेको दोश्रो मेयर रनिङशिल्ड प्रतियोगिताको उदघाटन प्रदेश नम्बर २ का आर्थिक मामिला तथा योजना मन्त्री विजय यादवले उदघाटन गर्नुहुनेछ ।

व्याडमिण्टन प्रतियोगितामा नेपाल प्रहरीको जित 

अन्तराष्ट्रिय भन्सार दिवसको अवसरमा आयोजित व्याडमिण्टन प्रतियोगितामा नेपाल प्रहरीले जित हासिल गरेको छ । वीरगन्ज भन्सार कार्यालय परिसरमा आज बिहान आयोजित प्रतियोगितामा भन्सार कार्मचारीको टिमलाई नेपाल प्रहरीको टिमले २–० को सोझो सेटमा पराजित गरेको हो ।
सम्पादक

कृष्णचन्द्र लामिछाने

९८५५०२२४९७

बिरगंज – १४, पर्सा

सम्पर्क

सीमाना मिडिया प्रा.लि. बिरगंज १४, पर्सा।सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2017 Simana Media Pvt. Ltd.

Design and Development by Cyberlink Pvt. Ltd.