logo

सिर्सिया सुक्खा बन्दरगाह संचालनको ठेक्का भारतीय कम्पनी प्रिन्स्टाईनलाई

बढी रकमको आर्थिक प्रस्तावले नेपालका सेवाग्राहीलाई भार पर्ने चिन्ता 

    वीरगन्ज, ४ असार ।   152   पटक पढिएको

वीरगन्ज, ४ असार । नेपालको समुद्रीमार्गसम्म रेलमार्गको सीधा सम्पर्क रहेको वीरगञ्ज स्थित सुक्खा बन्दरगाह सञ्चालनको जिम्मा नयाँ कम्पनी प्रिन्स्टाईन मेगा लजिष्टिकले पाउने भएको छ । नेपाल इण्टर मोडल यातायात विकास समिति (एनआईटीडीबी) ले न्यूनतम रू. २ अर्बको रकम तोकेर आह्वान गरेको ठेक्कामा प्रिस्टाइनले सर्वाधिक ३ अर्ब ३३ करोड रुपैयाँको प्रस्ताव पेश गरेको थियो ।

गएको जेठ २४ अर्थात अंग्रजी महिनाको जुन ६ तारिकका दिन खोलिएको आर्थिक प्रस्तावमा ५ कम्पनी मध्ये सबैभन्दा बढी रकम प्रिस्टाइनले पेश गरेको थियो । भारतीय रेलवे सेवाको भगिनी संस्था कन्टेनर कर्पोरेशन अफ इन्डिया (कोंकर) प्राविधिक प्रस्तावमा प्रिस्टाइन भन्दा अगाडि रहेको भएपनि आर्थिक प्रस्तावमा पिन्सटाईन अगाडि रहेकोले उसैले बन्दरगाह संचालनको ठेक्का पाउने भएको हो ।

प्रिन्स्टाईन बाहेक काठमाडौं तिनकुनेको अपना–हाईवे–जगदम्बा जेभी, भारत महाराष्ट्रको इन्टरनेशनल कार्गो टर्मिनल्स एण्ड इन्फ्राइस्ट्रक्चर, अदानी लजिष्टिक गुजरात भारत र कन्टेनर कर्पोरेशन अफ इण्डिया लिमिटेड (कोंकर) नयाँदिल्लीको कम्पनीले प्रस्ताव पेश गरेका थिए । मूल्यांकन समितिले प्राविधिक क्षमताको ६० र आर्थिक प्रस्तावको ४० अंकभार तय गरेको थियो । प्राविधिक प्रस्तावमा कोंकरपछि प्रिस्टाइन दोस्रो स्थानमा रहेपनि आर्थिक प्रस्तावमा अगाडि रहेको प्रिस्टाईनले ठेक्का पाउने भएको हो ।

आर्थिक प्रस्तावमा अपना–हाईवे–जगदम्बा जेभीले २ अर्ब ४६ करोड, इन्टरनेशनल कार्गो टर्मिनल्स एण्ड इन्फ्राइस्ट्रक्चरले २ अर्ब ४४ करोड ४८ लाख ८० हजार, अदानी लजिष्टिक गुजरात भारतले २ अर्ब ८० करोड ६० लाख र कन्टेनर कर्पोरेशन अफ इण्डिया लिमिटेड (कोंकर) नयाँदिल्लीको २ अर्ब ८१ करोड ९० लाख प्रस्तावमा उल्लेख गरिएको थियो । सन् २००४ देखि हालसम्म कोंकरकै मुख्य लगानी रहेको हिमालयन टर्मिनलले सुक्खा बन्दरगाह सञ्चालन गरिरहेको छ । १५ बर्षपछि सुक्खा बन्दरगाह सञ्चालनको जिम्मा प्रिन्स्टाईनले पाउने भएको हो ।

हिमालयन टर्मिनलको ५ वर्षे ठेक्का गएको जनवरी ६ मै सकिएको छ । अर्को ठेक्का नलागेसम्म आगामी जुलाई ६ सम्मकालागि सञ्चालनको जिम्मा उसैलाई दिइएको थियो । सरकारले तोकेको रकम बन्दा बढी मूल्यमा ठेक्का सकार गरेको नयाँ कम्पनीले बन्दरगाह संचालनमा लिने सेवा शुल्कले नेपाली व्यवसायीहरुलाई थप आर्थिक भार पर्ला भन्ने चिन्ता बढेको छ । भारतीय रेलवेको भगिनी संस्था कोंकरकै मुख्य लगानीमा ठेक्का लिएर संचालन गरेको सिर्सिया सुक्खा बन्दरगाहमा केही अप्ठ्यारो भएपनि टर्मिनलका अधिकारीहरुको सीधासम्पर्क कोंकरका अधिकारीहरुसँग हुने गर्दा पनि समाधानमा समय लाग्ने गरेको भन्दै नयाँ कम्पनीको सेवा कस्तो होला भन्ने चासो व्यवसायीहरुले लिएका छन् ।

नेपाल उद्योग वाणिज्य महासंघ अन्तर्गतको स्थल तथा पारवहन समितिका निवर्तमान सभापति राज शर्मा नेपाल सरकारले सरकारले तोकेको भन्दापनि बढी मूल्यमा ठेक्का सकार गर्नुमा केही आशंकाहरु रहेको बताए । बन्दरगाह संचालनको लागि ठेक्का लगाउने नेपाल इण्टरमोडल यातायात विकास समितिको नीतिगत रुपमै विदेशी र स्वदेशी कम्पनीहरुलाई पक्षपात गरेको आरोप लगाए । नेपाल जस्तो भौगोलिक विकटता भएको स्थानमा लजिष्टिक नै आर्थिक विकासको मेरुदण्ड भएपनि सरकारले यसक्षेत्रलाई वेवास्ता गरेको उनले बताए ।  सुक्खा बन्दरगाह संचालनका लागि ग्लोेबल टेण्डर आह्वान गर्ने तर, नेपाली कम्पनीहरुको लागि कुनै स्थान नै नराख्नुले यसमै शंका गर्नुपर्ने अवस्था रहेको बताए ।

विदेशी कम्पनीले तोकिएको रकम भन्दा बढीमा ठेक्का लिनुले त्यसमा सेवा शुल्कहरु वृद्धि हुने संकेत देखिएको र त्यो भोली गएर नेपाली व्यवसायीहरुसँगै लिने र नेपाली व्यवसायीहरुले पनि उपभोक्तालाई भार थुप्रिने भएकोले यसले महंगो हुने संभावना देखिएको बताए । उनले भने, लजिष्टिक भनेको अर्थतन्त्रको आमा भन्छन् । तर, हाईड्रोपावर, पर्यटन, उद्योगलाई महत्व दिन्छन् । लजिष्टिक प्राथामिकतामै पर्दैन । यो विडम्वना हो । रेलवे सम्झौता गर्दा २० प्रतिशत लजिष्टिक लागत घट्छ भन्थ्यो । तर, अब तोकिएको रकम भन्दा बढी रकममा ठेक्का सकारेपछि यसले त्यो लागत घटाएर कुन कम्पनीले काम गर्छ ? यो निकै गम्भीर प्रश्न छ ।

साना तथा मझौला व्यवसायलाई पनि प्रोत्साहन गर्नुपर्ने ठाउँमा नेपाली कम्पनीहरुले प्रतिस्पर्धा नै गर्न नसक्ने प्रावधानहरु राख्ने र एउटै प्रकृतिको कामलाई विदेशी कम्पनी र स्वदेशी कम्पनीहरुबीच भिन्न व्याख्या गरिदिँदा नेपालको लजिष्टिक क्षेत्रको विकास नै हुन नसकेको शर्माको भनाई छ । नेपाल सरकारको स्वामित्वमा रहेको नेपाल इण्टरमोडल यातायात विकास समिति (एनआइटिबिएल) को गठन आदेश अनुसार नै नेपाली कम्पनीहरुको क्षमता भन्दा बढीको प्रस्ताव आह्वान गर्ने गरेको छ । यसले नेपाली कम्पनीहरुको क्षमताले नै नभ्याउने नेपाल फ्रट एण्ड फरवार्ड एशोसिएनका कोषाध्यक्ष नरेश अग्रवाल बताउछन् । उनले भने, “नेपालको अर्थतन्त्रलाई दीगोपन दिनलाई विदेशी कम्पनीलाई बढी अधिकार दिनुहुदैन भन्ने हाम्रो मान्यता हो । नेपाली कम्पनीलाई पनि साझेदारी भूमिका दिनुपर्ने हो ।”

अर्थ मन्त्रालयले सरकारले यसलाई सामान्य ढुवानीको रुपमा मात्रै लिने गरेको छ । नेपालका लजिष्टिक कम्पनीहरुको लागि पनि केही खुकुलो नीति लिएको भए नेपालको आर्थिक विकासमा टेवा पु¥याउने नेपाली कम्पनीहरुको दावी छ । नयाँ कम्पनीले काम गर्ने भएकोले उसले दिने सेवा सुविधा हेरेर मात्रै भन्न सकिने वीरगन्ज उद्योग वाणिज्य संघका पूर्व अध्यक्ष प्रदीप केडियाले बताए । उनले भने, “काम गर्ने क्रममा समस्या आउछ । तर, त्यसको समाधानको पक्षपनि उत्तिकै महत्वपूर्ण दायित्व रहन्छ । सुक्खा बन्दरगाहमा भौतिक संरचनाको विस्तार तथा आन्तरिक क्रियाकलापको पनि केही सुधारको आवश्यकता थियो । अब भविष्यमा नयाँ कम्पनीका कर्मचारीहरुले गर्ने कामले नै कम्पनीको पनि मूल्यांकन मापन हुन्छ ।” स्रोतका अनुसार हिमालयन टर्मिनलमा काम गरिसकेका व्यक्तिहरुकै संलग्नता प्रिन्स्टाईनमा रहेकोले उनीहरुको काम गर्ने अनुभवले पनि केही सहजता आउनेमा व्यवसायीहरु पनि आशावादी रहेका छन् । 


नीरज पिठाकोटे

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

आर्थिक

एभरेष्ट बैंक र कर्पोरेट बैंकद्वारा वीरगन्ज महानगरलाई सहयोग रकम हस्तान्तरण 

बैंकका प्रतिनिधिहरुले महानगरपालिकाका नगर प्रमुख विजय कुमार सरावगीलाई कार्यकक्षमै भेटेर एभरेष्ट बैंकको तर्फबाट १ लाख पाँच हजार र कर्पोरेट डेभलपमेण्ट बैंकको तर्फबाट २ लाख नगदको चेक हस्तान्तरण गरेका छन् ।

कृषि, स्वास्थ्य, शिक्षा र भौतिक विकास पटेर्वा सुगौलीको प्रथामिकता,पोखरियाले बिनियोजन गर्यो ४१ करोड  

पटेर्वा सुगौली गाउँपालिकाले आगामी आर्थिक वर्षकालागि बजेटमा कृषि, स्वास्थ्य, शिक्षा र भौतिक विकासलाई प्राथमिकता दिइएको छ ।

वीरगन्ज महानगरको बजेट पौने चार अर्ब, कोभिड महामारीको संकटमा करदातालाई राहत  

कूल खर्च मध्ये क्षेत्रगत रुपमा पूर्वाधार विकास क्षेत्रलाई बढी बजेट विनियोजन भएको छ । पूर्वाधार विकास क्षेत्रमा १ अर्व ७७ करोड ६ लाख १२ हजार अर्थात ४५.८१ प्रतिशत, सामाजिक विकास क्षेत्रमा ८७ करोड ७७ लाख ३६ हजार अर्थात २२.७१ प्रतिशत, आर्थिक विकास क्षेत्रमा २५ करोड ९५ लाख २५ हजार अर्थात ६.७१ प्रतिशत, सुशासन तथा अन्तर सम्बन्धि क्षेत्र (वन, वातावरण तथा विपद् समेत) तर्फ २३ करोड ७५ लाख १६ हजार अर्थात ६.१५ प्रतिशत र कार्यालय तर्फ ७१ करोड ९८ लाख ०१ हजार अर्थात १८.६२ प्रतिशत विनियोजन गरेको छ ।

वीरगन्ज महानगरलाई पीसीआर मेशिन खरिदका लागि २७ लाख रकमको चेक प्राप्त  

बिहीबार प्राप्त २७ लाखको चेक र महानगरपालिकाले स्थापना गरेको १ करोडको कोष सहित कोरोना कोषमा अहिलेसम्म १ करोड ९९ लाख ६७ हजार ४ सय ७३ रुपैंया रकम जम्मा भएको महानगरपालिकाका प्रशासकीय अधिकृत विकास मिश्रले जानकारी दिनुभयो । 

आधा आकाश

प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल

आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ

दाइजो बिरोधी अभियान चलाउन पीडितको नाममा प्रतिष्ठानको गठन

दाइजो प्रथाको न्यूनीकरणकोलागि काम गर्न एक प्रतिष्ठान निर्माण गरिने भएको छ

समाज

बिकासकालागि बिश्वसनीय संरचना बनाएर आउनुहोस सहयोग गर्छुः महानगर प्रमुख सरावगी

बीरगंज महानगरपालिकाका प्रमुख बिजय कुमार सरावगीले आउने आर्थिक वर्षमा बीरगंजमा करिब एक लाख बिरुवा रोपिने र त्यसकोलागि रकम बिनियोजन गरिएको बताउनु भएको छ ।

स्व.कोइरालाको जन्मजयन्तीको अवसरमा पर्सामा दुई पत्रकार सम्मानीत

गिरिजा प्रसाद कोईराला फाउण्डेशन पर्साले स्व. गिरिजा प्रसाद कोईरालाको ९६ औं जन्म जयन्तिको अवसरमा पर्साका दुई पत्रकारहरुलाई सम्मान गरेको छ ।

ग्यासको पाइप लिक हुदा भएको आगलागीमा एकको ज्यान गयो दुई घाइते 

 पर्साको जगरनाथपुर गाउँपालिका वडा नं २ दसौतामा ग्याँसको पाइप लिक भएर आगलागी हुँदा एक जनाको मृत्यु भएको छ भने दुई जना घाइते भएका छन् ।

बारामा चट्याङ लागेर चार महिलाको ज्यान गयो 

बारामा चट्याङ लागेर चारजना महिलाको मृत्यु भएको छ । आज बिहान आएको पानीसंगै परेको चट्याङले कलैया उपमहानगरपालिका वडा नम्बर १२ शीतलपुरका दुईजना र फेटा गाउँपालिका १ त्रिवेणीका दुईजना गरी चारजना महिलाको ज्यान गएको हो । कलैया १२ की ३५ बर्षीया आशादेवी महतो र ४५ बर्षीया अलिमा खातुन तथा  फेटा गाउँपालिका वडा नम्बर १ की त्रिवेणीकी ३० बर्षिया सिन्दुदेवी र ४० बर्षिय सुनरपती देवीको मृत्यु भएको जिल्ला प्रहरी कार्यालय बाराका प्रहरी प्रवत्ता प्रहरी नायव उपरीक्षक गौतम मिश्रले जाकारी दिनुभयो ।

खेलकुद

बीरगंजमा एकताकालागि दौड सम्पन्न ४२ किमी म्याराथानमा बिभागीय कब्जा

एकतालागि दौड “बीरगंज म्याराथान”को उपाधी नेपाली सेनाका खगेन्द्र बहादुर भाटले जित्नु भएको छ । उहाँ त्रिभुवन आर्मी क्लबकासंग आवद्ध हुनुहुन्छ ।म्याराथानमा ४२ किलोमिटरको दौडको उपाधी भाट्ले जित्न सफल हुनु भएको हो

पर्सागढी गोल्डकपको उपाधी हेटौडालाई ,बिकासकालागि खेल स्पिरिट आवश्यकःमंत्री सोनल

पर्सागढी नगरपालीका को खेल मैदानमा पर्सागढी युवा स्पोर्टस क्लब बढनिहारले आयोजना गरेको प्रथम पर्सा गोल्डकपको उपाधी मकवानपुर फूटवल एकेडेमीले चुमेको छ

डेडलिफट्ट एण्ड बेञ्चप्रेस प्रतियोगीतामा सर्राफ प्रथम

बीरगंज फिजिकल फिट्नेस सेन्टरको आयोजनामा फ्रि ओपेन डेडलिप्mट एण्ड बेञ्चप्रेस प्रतियोगीता २०७६ बीरगंजको फिट्नेस कभडहलमा सम्पन्न भएको छ

वीरगन्जमा एकताका लागि दौड प्रतियोगिता हुने 

वीरगन्जमा एकताका लागि दौड प्रतियोगिता हुने भएको छ । नेपाल सरकार रक्षा मन्त्रालय, नेपाली सेनाको पृतना २८ नम्बर बाहिनी जीतपुरको आयोजना तथा बीरगंज महानगरपालिका, भिजिट नेपाल २०२० प्रदेश नम्बर २ र वीरगंज उद्योग बाणिज्य संघको सहआयोजनामा फागनु १७ गते ‘वीरगन्ज म्याराथुन २०२०’ हुने भएको हो ।
सम्पादक

कृष्णचन्द्र लामिछाने

९८५५०२२४९७

बिरगंज – १४, पर्सा

सम्पर्क

सीमाना मिडिया प्रा.लि. बिरगंज १४, पर्सा।सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2017 Simana Media Pvt. Ltd.

Design and Development by Cyberlink Pvt. Ltd.