वीरगन्ज-आर्थिक तथा व्यापारिक नगरी वीरगन्जमा बिक्रीबार शेयर खरिद बिक्री केन्द्र सञ्चालनमा आएको छ । शेयरधनीले अब वीरगन्जबाटै शेयर कारोबार गर्न सक्ने छन् । प्राइमो सेक्युरिटिज कम्पनी प्रालिले यहाको घडिअर्वामा शेयर खरिद बिक्री केन्द्र सञ्चालनमा ल्याएको छ । वीरगन्ज उद्योग वाणिज्य संघका अध्यक्ष ओमप्रकाश शर्मा र संघका सदस्य तथा युवा व्यवसायी नवनीत अग्रवालले एक कार्याक्रमका वीच बिहीबार विहान शेयर खरिद बिक्री केन्द्रको उद्घाटन गरेका थिए । नेपाल स्टक एक्सचेन्जमा सूचीकृत रहेको कम्पनीका प्रबन्ध निर्देशक मेघनाथ उपाध्यायले जनाकारी दिए ।
‘शेयरधनीले खरिद गरेको शेयर चार दिन भित्रै बिक्री गर्न सक्ने छन्,’ स्टक ब्रोकर नम्बर १६ रहेका उपाध्यायले भने, ‘अब मात्र फोनका आधारमा कारोबार गर्ने दिन गए, वीरगन्जका शेयरधनीले आफ्नो सामुन्ने शेयर कारोबार गर्न पाउने छन् ।’ संघका सदस्य नवनीत अग्रवालले वीरगन्जमा शेयर खरिद बिक्री केन्द्रको स्थापनाले शेयरधनीलाई धरै सहज हुने बताए । पछिल्लो समय शेयर कारोबारमा उद्योगी, व्यवसायी मात्र नभई सर्वसाधारणको समेत आकर्षण बढ्दो छ । आफ्नो सामुन्ने कारोबार गर्न पाउदा शेयरधनी ठगिने सम्भावना कम हुने संघका अध्यक्ष ओमप्रकाश शर्माले बताए । शर्माले बिहीबारै कम्प्युटरमा लग अन गरी शेयर कारोबारको सुरुवात गरेका थिए ।
तपाईको प्रतिक्रिया