वीरगन्ज महानगरपालिका र रेडक्रसबीच रक्तसञ्चार केन्द्रको भवन निर्माणका लागि सम्झौता,प्रादेशीक स्तरको केन्द्र बनाईने
नेपाल रक्तसंचार केन्द्रको आधुनिक भवन निर्माणकालागि बीरगंज महानगरपालिकाले जमिन उपलब्ध गराएको छ ।
रक्त संचार केन्द्रको संचालक संस्था नेपाल रेडक्रस सोसाइटी पर्सा र बीरगंज महानगरपालिकावीच बिहिवार सम्झौता भएको छ ।
वीरगन्ज महानगरपालिकाले रक्तसञ्चार केन्द्रको भवन निर्माण गरी प्रयोग गर्न दिने गरी नेपाल रेडक्रस सोसाईटी पर्साशाखासँग सम्झौता गरेको हो । वीरगन्ज महानगरपालिकाको स्वामित्वमा रहेको वडा नम्बर २ मालपोत कार्यालय नजिकै रहेको किता नम्बर २१ र ५६ को खाली जग्गा रक्तसञ्चार केन्द्र वीरगन्जको भवन निर्माण गरी प्रयोग गर्ने गरी महानगरपालिका र रेडक्रस सोसाईटी पर्सा शाखाबीच बिहीबार सम्झौता भएको महानगर प्रमुख बिजय कुमार सरावगीले बताउनु भयो ।
महानगरपालिकाका प्रमुख विजय कुमार सरावगीको उपस्थितमा महानगरपालिकाको तर्फबाट प्रमुख प्रशासकीय अधिकृत प्रदीप कुमार निरौला र नेपाल रेडक्रस सोसाईटी पर्सा शाखाका सभापति विरेन्द्रराज कडेँलबीच रक्तसञ्चार केन्द्रको भवन निर्माण गरी प्रयोग गर्ने सम्झौता भएको छ ।
वीरगन्ज महानगरपालिकाको नगर कार्यपालिकाको गत वर्ष माघ १३ गते भएको निर्णय बमोजिम कित्ता नम्बर २१ र ५६ को खाली जग्गा नेपाल रेडक्रस सोसाईटी पर्सा शाखालाई रक्तसञ्चार केन्द्रको भवन स्थापना गरी प्रयोग गर्न उपलब्ध गराएको वीरगन्ज महानगरपालिकाका नगर प्रमुख विजय कुमार सरावगीले जानकारी दिनुभयो ।
सम्झौतामा भवन निर्माण गर्दा वीरगन्ज महानगरपालिकाबाट नक्सा पास गराएर मात्रै निर्माण गर्नुपर्ने, भवन निर्माणको लागि लाग्ने खर्च रेडक्रस सोसाईटी आपैmले स्रोत जुटाउनुपर्ने, भवन निर्माण गर्दा भुईतल्लाको पूरै भाग सवारी पार्किङ्गको लागि राख्नुपर्ने सम्झौतामा उल्लेख गरिएको छ । त्यस्तै पार्किङ्ग शुल्क पहिलो पक्ष महानगर र दोश्रो पक्ष नेपाल रेडक्रसबीचको सहमतिमा निर्धारण गर्ने, पार्किङ्ग शुल्क बापत उठेको रकम पार्किङ्ग व्यावस्थापन, रक्तसञ्चारको व्यावस्थापन तथा सामाजिक कार्यमा लगाउनुपर्ने पनि सम्झौतामा उल्लेख गरिएको छ ।
त्यसैगरी भवन निर्माणपछि रक्तसञ्चार केन्द्रको प्रयोजनका लागि बाहेक अन्य प्रयोजनका लागि महानगरपालिकाको सहमति विना लगाउन नपाईने, यदि त्यस्तो गरेको पाईएमा महानगरपालिकाले रेडक्रस सोसाईटीलाई जानकारी गराई सम्झौता रद्द गर्न सक्ने पनि व्यावस्था राखिएको छ ।
रेडक्रस सोसाईटीले रक्तसञ्चार केन्द्रको भवन निर्माण प्रयोजन समाप्त भएमा वा अन्यत्र सरेर गएमा उक्त भवन महानगरपालिकाको स्वामित्वमा स्वतः हस्तान्तरण हुने पनि सम्झौतामा भनिएको छ । रक्तसञ्चार केन्द्रको भवन निर्माणका लागि सूर्य नेपाल प्रालिले गतबर्ष नै १० लाख उपलब्ध गराईसकेको रेडक्रस सोसाईटी पर्साका सभापति विरेन्द्रराज कडेँलले बताउनुभयो ।
उहाँका अनुसार रेडक्रस सोसाईटी केन्द्रले पनि केही रकम दिने आश्वासन दिएको बताउदै पर्सा, बाराका स्थानीय तहहरुलाई पनि रक्तसञ्चार केन्द्र भवन निर्माणको लागि आग्रह गरिने बताउनुभयो ।
प्रदेश २ मा अहिलेसम्म प्रादेशिक रक्तसञ्चार केन्द्र समेत स्थापना नभएको अवस्थामा निर्माण हुन लागेको रक्तसञ्चार केन्द्रको भवनलाई नै प्रादेशिक स्तरको रक्तसञ्चार केन्द्र बनाउने पहल गरिने र प्रदेश सरकारसँग पनि भवन निर्माणका लागि सहयोग माग गरिएको कडेलले बताउनुभयो । व रक्तसञ्चार केन्द्रको भवन राष्ट्रिय जनस्वास्थ्य प्रयोगशालाले तोकेको मापदण्डमा नै ख श्रेणी अन्तर्गतको बनाईने उहाँको भनाई छ ।
सम्बन्धित शीर्षकहरु
सीमापारी/अन्तराष्ट्रिय
भाजपा साँसद निषाद कांग्रेसमा सामेल हुदै, बिजेपीलाई लाग्ने भयो धक्का
मुजफ्फरपुर । बिहार राज्यको एक प्रमुख शहर मुजफ्फरपुरबाट लोकसभा सिटमा भाजपाबाट बिजयी अजय निषादको टिकट काटिएको छ । सन २०२४को लोकसभा निर्वाचनकोलागि उनको टिकट काटिएको हो ।
राष्ट्रसंघको मुख्यालयमा नेपाल प्रर्दशनी हुने
न्यूयोर्क ।अमेरिकाको न्यूयोर्कमा रहेको संयुक्त राष्ट्रसंघको मुख्यालयमा नेपालको पर्यटन, कला र संस्कृति प्रबर्द्धनका लागि प्रदर्शनी गरिने भएको छ ।
केजरीवालको गिरफ्तारीको बिषयमा अमेरिका र जर्मनीको चासो ,निष्पक्ष, पारदर्शी र कानुनी प्रक्रियाको पालनाको अपेक्षा
नयाँदिल्ली । दिल्लीका मुख्यमन्त्री अरविन्द केजरीवालको गिरफ्तारीबारे अमेरिकाको टिप्पणीप्रति कडा आपत्ति जनाउँदै भारतको विदेश मन्त्रालयले बुधबार एक वरिष्ठ अमेरिकी कूटनीतिज्ञलाई बोलाएको छ ।
भारतमा लोकतन्त्रमाथि संकट,चुनावी निरंकुशता कायमः वी-डेम
नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बीरगंज कलेजले कक्षा १२ का बिद्यार्थीलाई प्रशिक्षण सहित गर्यो बिदाई
वीरगन्ज । वीरगन्ज कलेजले कक्षा १२ को अध्ययन पूरा गरेका विद्यार्थीहरुलाई प्रशिक्षण सहित बिदाई गरेको छ ।
रामभौरी भाठाको दुग्धेश्वरनाथ महादेवको मन्दीरको बिकासमा ध्यान दिन वक्ताहरुको जोड
बीरगंज । दुग्धेश्वरनाथ महादेवको मन्दीर रहेको पर्साको प्रसिद्ध रामभौरी भाठाको भौतीक बिकास तथा धार्मिक बिकासकालागि अन्तरक्रिया कार्यक्रम सम्पन्न भएको छ ।
खेलकुद
छ बल छ छक्का ऐरीले बनाए बिश्व रिकाँर्ड,कतार ३२ रनले पराजित
वीरगन्ज । ओमानमा जारी एसीसी प्रिमियर कपमा नेपालका अलराउन्डर दीपेन्द्रसिंह ऐरीले आफनो नाममा अर्को बिश्व रेकर्ड बनाएका छन ।
एसएस ईभेन्ट्स र नेकोसको संयुक्त आयोजनामा कर्पोरेट सुपर सिक्सेस हुने
वीरगंज । एसएस एभेन्ट्स प्रा.ली. र नेकोसको संयुक्त आयोजनामा कर्पोरेट सुपर सिक्सेस सिजन–७ आगामी वैशाखको अन्तिम सातादेखि सुरु हुने भएको छ ।
तपाईको प्रतिक्रिया