माघ ९ हेटौडा /
मकवानपुर उद्योग वाणिज्य संघले २५ मिटरको विषयमा सर्वोच्च अदालतको मुआब्जा दिनु पर्दैन भन्ने फैसला गरेमा आफुहरु २५ मिटर फराकिलो पार्ने काममा बाधा अडचन नहाल्ने बताएको छ । आज हेटौँडामा पत्रकार सम्मेलनको आयोजना गर्दै संघले सर्वोच्चले गरेको फैसला कार्यन्वयनमा मकवानपुर उद्योग वाणिज्य संघले सहयोग गर्ने बताएको हो ।
पत्रकार सम्मेलामा बोल्दै मकवानपुर उद्योग वाणिज्य संघका बरिष्ट उपाध्यक्ष कृष्ण कटुवालले मुआब्जा र क्षतिपूर्तिको लागि २५ मिटर क्षेत्रवासीले दिएको रिटमा सर्वोच्चको फैसला कुरेको बताउँदै फैसला नआउदासम्म सडक डिभिजनलाई नीजि घरमा डोजर नचलाउनको लागि आग्रह समेत गरेका छन् । आफुहरु २५ मिटर क्षेत्रमा रहेको ब्यवसायीहरुको लगत संकलन गर्ने काममा लागिपरेको भन्दै पीडितहरुलाई मुआब्जा र क्षतिपूर्ति दिनको लागि सरकार गम्भिर हुनुपर्ने उनको धारणा रहेको छ ।
सरकारले हेटौँडा उपमहानगरपालिकाको २५ मिटर क्षेत्रमा रहेको घरमा डोजर चलाएपछि केहि घरधनी तथा ब्यवसायीहरुले सर्वोच्चमा रिट दिएका थिए । रिटको फैसला आज हुने भनिएपनि हुन सकेन ।
तपाईको प्रतिक्रिया