नेकपा एमालेका सासद सुरेन्द्र पाण्डेले आफूले शेर बहादुर देउवालाई प्रधानमंत्री बनाउने गरि कुनै हस्ताक्षर नगरेको बताउनु भएको छ ।
त्यसै गरि नेकपा एमालेका केन्द्रीय सचिवद्वय गोकर्ण बिष्ट र योगेश भट्टराई र जय कुमार राईले पनि शेर बहादुर देउवालाई प्रधानमंत्री बनाउने गरि आफूहरुले हस्ताक्षर नगरेको बताउनु भएको छ । योगेश भट्टराईले हस्ताक्षरमा असहमती जनाउएपछि उहाँको हस्ताक्षर मेटाइएको बताइएको छ ।
नेता पाण्डेले आफूले देउवालाई प्रधानमन्त्री बनाउन हस्ताक्षर नगरेको र पुरानै दस्तखत प्रयोग गरिएको हुन सक्ने बताउनु भयो ।
उहाँले माधव नेपाल लगायतका नेताहरुलाई त्यो बाटोमा नजान समेत भनेको बताउनु भयो । त्यस्तै गोकर्ण विष्टले माधव नेपालले पुरानो हस्ताक्षर दुरुपयोग गरेको भन्दै आपत्ति जनाउनुभएको छ ।
सासद जयकुमार राइले आफू एमाले विभाजन कुनै पनि हस्ताक्षरमा सहभागी नभएको बताउनु भएको छ । उहाँले आफू पार्टी एकताको पक्षमा रहेको र लाखौ कार्यकताृको यही भावनालाई सम्मान गर्दै पार्टी बिभाजनको पक्षमा सहभागि नभएको प्रष्ट पार्नु भएको छ ।
आफूले सदन विघटन अगाडि पुसमा सदन बोलाउने नाममा मात्रै हस्ताक्षर गरेको बताउदै राईले भन्नु भयो त्यही हस्ताक्षर देउवा प्रधानमन्त्री बनाउन भनेर प्रयोग भएको हो भने त्यो दुरुपयोग हो । मेरो त्यसमा कुनै समर्थन हुँदैन।”
तपाईको प्रतिक्रिया