वीरगञ्ज, ८ माघ/वीरगञ्ज उद्योग वाणिज्य सङ्घका पूर्व अध्यक्ष एवं वीरगञ्ज उपमहानगरपालिकाका सद्भावना दूत तथा शालिमार समुहका निर्देशक उद्योगपति अशोक कुमार बैध भारतीय राजदूतावासको सहभागितामा नीति अनुसंधान प्रतिष्ठान नेपाल द्वारा अयोजीत सम्मान कार्यक्रममा सम्मानीत हुन भएको छ ।
प्रतिष्ठानले नेपालका विविध क्षेत्रमा सेवारत राष्ट्रको उन्नयनमा महत्वपूर्ण योगदान पु¥याएका र पु¥याउँदै आईरहेका ३२ जना विशिष्ठ व्यक्तित्वहरुलाई राजधानीमा एक भव्य समारोहका बीच सम्मान गरेको हो।
वीरगञ्ज उद्योग वाणिज्य सङ्घको २ वर्षिय अध्यक्षीय कार्यकालमा स्थानीय उद्योग व्यापारको प्रवद्र्धन र विकासका साथै वीरगञ्ज लगायत पर्सा–बारा क्षेत्रले बोकेका आर्थिक विकासका सम्भावनाहरुलाई विश्लेषणात्मक तवरबाट उजागर गर्नुका साथै स्थानीय समस्याहरुको समाधान, चुनौती र हाँकहरुलाई निराकरण गर्न निर्वहन गर्नु भएको प्रभावकारी भूमिकाको उच्चकदर गर्दै वहाँलाई सो सम्मान प्रदान गरिएको हो ।
तपाईको प्रतिक्रिया