logo

जिल्ला प्रहरी कार्यालय बारामा मोबाईल बोक्न प्रतिबन्ध

      11/6/2017 गते 00 00 मा प्रकाशित     1256   पटक पढिएको

कलैया, २० कात्तिक :

जिल्ला प्रहरी कार्यालय बाराले प्रहरी कार्यालय परिसर भित्र मोबाईल प्रयोग गर्न प्रतिबन्ध लगाईएको छ । सोमबारदेखि कार्यालय परिसर भित्र मोबाईल प्रयोग गर्न नपाइने सूचना नै जारी गरेको हो । 

प्रहरी कार्यालय भित्र प्रवेश गर्दा मोबाइल स्वीच अफ गर्नुपर्ने व्यहोरा सहितको सूचना जिल्ला प्रहरी कार्यालय बाराको मुख्य प्रवेशद्वारमा टाँसिएको छ । बाराका प्रहरी उपरीक्षक राजकुमार वैदवारले प्रहरी कार्यालय परिसरमा छलफलमा बस्दा मोबाइल प्रयोग गर्न नपाइने व्यवस्था मिलाइएको बताए । ‘विभिन्न मुद्दाको छलफलमा भएका कुराकानीको रेकर्ड गरी गाउँघरमा लगेर सेवाग्राहीहरुबीच झै झगडा भएको जानकारी आयो ।’ उनले भने ‘यस्ता क्रियाकलाप नहोस भनेर मोबाईल प्रयोगमा प्रतिबन्ध लगाएका हौं ।’ 

उनले अनौपचारिक कुराकानी पनि सेवाग्राहीहरुले मोबाइलमा रेकर्ड गर्ने गरेका कारण मोबाइल प्रयोगमा पूर्ण रुपमा रोक लगाइएको जानकारी दिए ।

सञ्चार सम्बद्ध संघ संगठनद्वारा आपत्ती

प्रहरी कार्यालय परिसरमा मोबाईल प्रयोगमा प्रहरीले लगाएको प्रतिबन्ध प्रति पत्रकार सम्बद्ध विभिन्न संघ संगठनले आपत्ति जनाएका छन् ।

 नेपाल पत्रकार महासंघ बाराका पूर्व अध्यक्ष लक्ष्मी साहले जिल्ला प्रहरी कार्यालय परिसरमा मोबाइल प्रयोगमा प्रतिबन्ध लगाउने कार्य निन्दनीय भएको बताए । ‘जुनसुकै बहानामा पनि मोबाइल प्रयोगमा रोक लगाउनु प्रहरीको निन्दनीय कार्य हो ।’ उनले भने । 

प्रेस चौतारी नेपाल बाराका अध्यक्ष दिवाकर भण्डारीले पनि मोबाइल प्रयोगमा बन्देज लगाउनु प्रहरीको उचित कदम नभएको बताए । ‘अहिलेको जमानामा पनि प्रहरी कार्यालय भित्र सेवाग्राहीलाई सुरक्षाको नाममा मोबाईल जस्तो संचारको साधनबाट बञ्चित गराउन खोज्नु प्रहरीको गलत र निन्दनीय कदम हो ।’ उनले भने ‘प्रहरी अधिकारीहरुले तत्काल यो निर्णय सच्याउनुपर्छ ।’ 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

भारतमा लोकतन्त्रमाथि संकट,चुनावी निरंकुशता कायमः वी-डेम

नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।

भारतमा मिडीयामाथि “बेशर्म हमला”लोकतन्त्रकोलागि राष्ट्रपति द्रौपदी मुर्मुसँग हस्तक्षेप गर्न आग्रह

बीरगंज । गत सोमबार भारतको नयाँ दिल्लीमा विभिन्न सञ्चारमाध्यमले संविधानबमोजिम अभिव्यक्ति स्वतन्त्रता, पेशा र जीविकोपार्जनको सुरक्षा सुनिश्चित गर्न राष्ट्रपति द्रौपदी मुर्मुसँग हस्तक्षेप गर्न आग्रह गरेका थिए ।

खेलकुद

जीतपुरसिमरा क्रिकेट कपको उपाधि मकवानपुरलाई, पर्सा ७ विकेटले पराजित

सिमरा । प्रथम जीतपुरसिमरा क्रिकेट कपको उपाधि मकवानपुर क्रिकेट संघले जितेको छ । जीतपुरसिमरा ४ स्थित सेज क्रिकेट मैदानमा शनिबार सम्पन्न फाइनल खेलमा पर्सा क्रिकेट संघलाई ७ विकेटले पराजित गर्दै मकवानपुरले उपाधि उचालेको हो ।

जीतपुरसिमरा क्रिकेट प्रतियोगीता, जनकपुरद्धारा भैरहवा ४८ रनले पराजित

सिमरा । जीतपुरसिमरा क्रिकेट कप प्रतियोगिता अन्तर्गत बिहीबार भएको खेलमा जनकपुर पिस फाउण्डेशन ४८ रनले बिजयी भएको छ । समूह ‘बी’ अन्तर्गतको दोस्रो खेलमा जनकपुरले खुकुरी क्रिकेट क्लब भैरहवालाई पराजित गरेको हो ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.