कोरोना संक्रमणको रोकथाम र नियन्त्रणकालागि लेखनवृत्ति पत्रकारिता सम्मानबाट बीरगंजका पत्रकार सुरेश बिडारी सम्मनीत हुनु भएको छ । आफै कोरोनाबाट संक्रमीत भएपनि चेतनामुलक समाचार सामाग्री प्रवाहमा महत्वपूर्ण योगदान गरेको भन्दै पत्रकार बिडारीलाई सम्मान गर्न लागिएको होे ।
कोरोना संक्रमणको उच्च जोखिम रहेको बीरगंजमा आइसोलेशनमा बसेर पत्रकार बिडारीले कोरोना भाइरसको संक्रमण नियन्त्रणकालागि समाचार र बिचार प्रवाह गर्नु भएको थियो ।
अष्ट्रेलियामा बसोबास गरिरहेका नेपालीको साझा संस्था एनआरएनए अष्ट्रेलियाको सहयोग एवम् नेपाल पत्रकार महासंघसँगको सहकार्यमा विडारीसहित नेपालको विभिन्न स्थानमा रहेर काम गरिरहेका ३५ जना सञ्चारकर्मीलाई सम्मानित गरिने भएको छ ।
महासंघका अनुसार सम्मानित हुने सबैले नगद १० हजार र सम्मानपत्रसहित सम्मान गरिने छ । फिल्डमा रहेर काम गरिरहेको बेला नेपाल पत्रकार महासंघ पर्साका अध्यक्ष श्याम बन्जारा र पत्रकार बिडारी संक्रमित हुनु भएको थियो ।
पत्रकार बिडारीले कोरोना कहरमा जोखिम मोलेर गरेको कामको कदर भएको भएको टिप्पणी गर्नु भएको छ । उहाँले आउने दिनमा जोखिम मोलेर काम गर्ने हौसला समेत मिलेको बताउनु भएको छ । इसीमाना संग कुरा गर्दै पत्रकार बिडारीले काम गर्दा सम्मान पाइने रहेछ भन्ने पनि स्थापित भएको बताउदै थप जिम्मेवारी बढेको बताउनु भयो । पत्रकार बिडारी बीरगंजबाट अनलाईनखवर डटकमकालागि लेख्नुहुन्छ ।
तपाईको प्रतिक्रिया