भर्खरै निर्माण भएको हुलाकी सडकको सुवर्णपुर ठोरी खण्डमा सडक भत्किएको छ । दुईदिन देखीको परेको पानीका कारण सडक भत्किएको हो ।
हुलाकी सडकअन्तर्गत पर्साको चमरीहोलदेखि–ठोरीखण्डमा पर्ने ठोरी गाउँपालिकाको वडा नं ४ निर्मलबस्तीमा पिच बाटो भत्किएको हो ।
बानिया निर्माण सेवाले ठेक्का पाएको ठोरी सम्मको ३० किलो मिटर सडक गुणस्तरीय नभएकोले भत्किएको स्थानीयको भनाई छ । निर्माण कम्पनीले छिटो सम्पन्न गर्ने बहानामा हतारमा कमसल काम गरेको आरोप स्थानीयको छ ।
हुलाकी सडक निर्माण भएर हस्तान्तरण भएको दुई महिना पनि भएको छैन । स्थानीयले हतारमा हस्तान्तरण भएको भन्दै उतिबेलै बिरोध गरेका थिए । त्यस अवधिमा पनि ५ किलोमिटर सडक निर्माण पूरा नहुँदै सडक हस्तान्तरण गरिएपछि स्थानीयले विरोध गरेका थिए ।
झण्डै १५ मिटरसम्म लम्बाई पिच सडक चिरिएको छ । हुलाकी सडकको दोस्रो प्याकेज अन्तर्गत ३० किमि लामो खण्ड निर्माणको ठेक्का बानियाँरकालिका जेभीले पाएको थियो ।
२०७४ कात्तिक १३ मा १ अर्ब १७ करोड रुपैयाँमा ठेक्का सम्झौता भएको काम २०७७ जेठ २ सम्म काम सक्नुपर्ने थियो । लकडाउन तथा अन्य कारणले काम पूरा हुन नसक्दा ६ महिना म्याद थपिएको थियो ।
तपाईको प्रतिक्रिया