शारदा देवीको कानुको संगठबाट मधेश राजनीतिमा लागेकी रेखा घिमिरेको २६ बसन्त सदभावना पार्टीको इति श्रीमै बित्यो । धेरैले उनलाई आश्चर्य ब्यक्त गर्दै जिज्ञासा राखे “तपाई सदभावना पार्टीमा ?” । रेखालाई यस्ता प्रश्नहरुले खासै अप्ठयारो पारेको थिएन । ०१५ सालमा पर्साको औराह गाविसको बहुवरी प्रसौनीमा जन्मिएकी घिमिरेको बिवाह पनि यही भयो । मधेश मै जन्मे हुर्केकाले उनलाई सदभावना पार्टीमा हुनुमा कुनै संकोच र समस्या थिएन । तर राजनीतिक जीवनका २६ वसन्त पार गर्दै गर्दा उनलाई “आफू पहाडिया भएर बिभेदामा” परेको अुनभव भयो ।
नेपाल सदभावना मंचबाट राजनीतिक शुरु गरेकी घिमिरे पछिल्लो पटक मधेश केन्द्रीत ६ पार्टी एक भएर बनेको राजपाको केन्द्रीय सदस्य पनि हुन । मधेश आन्दोलनको “इपिसेन्टर”को रुपमा रहेको बीरगंजको मितेरी पुलमा अरु झै रेखाको पनि सहभागिता हुन्थ्यो । त्यो बाहेक संगठनको निर्माण र परिचालन उनले राम्रोसंग गरेकी थिइन । थुनामा गइन ,बन्द हड्तालमा सहभागि भइन राजनीतिमै लाग्दा कपाल फूल्यो । जीवनका उर्जाशिल समय मधेश आन्लोलनमा ब्यतित भयो । तर उनी पार्टीको कुनै मूल्याकंनमा परिनन ।
राजनीतिमा लागेका अन्य महिलाहरुले अवसर पाएको भए समानुपातिकमा टिकट पाएको भए । उनको चित्त पनि दुऋने थिएन । पार्टीले चिन्दै नचिनेको मान्छेलाई आन्दोलनमा सहभागि नभएको मान्छेलाई समानुपातिकमा टिकट दिने पार्टीको ब्यवहारले उनको चित्त फाट्यो । आन्दोलनमा हामीले कहिल्यै नदेखेको मान्छेले समानुपातिकमा टिकट पाए उनले भनिन यस्तो गर्ने पार्टीले सामाजिक न्याय गर्छ भनेर पत्याउने आधार अव रहेन । रेखा घिमिरेसंग जसले टिकट दिने कुरा गरेको थियो । उसलाई काठमाण्डौ जान बाटा खर्च समेत दिएर पठाइन । उनले पार्टीले कामको मूल्याकंनको आधारमा अवसर दिए ठिक छै नत्र पैसा लिने भएपनि कति पैसा लिने हो म दिन्छु पनि भनिन । उनले ति भाइलाई अंक भनिन जति चाहिन्छ त्यती दिने कवुल गरिन । उनलाई पनि टिकट पक्का भनियो तर अन्तिममा उनले समानुपाति तर्फको टिकट पनि पाइनन ।
त्यतीबेला उनलाई आफना पार्टी अध्यक्ष राजेन्द्र महतोले गैर मधेशी समुदायको भनेर यस्तो गरेको होला भन्ने लाग्यो । मधेशमा हामी काँधमा काँध मिलाएर आन्दोलनमा छौ तर नेतृत्व साम्प्रदायीक बिभाजनलाई बढावा दिने प्रयत्न गर्दैछ जसले गर्दा उनको चित्त दुख्यो । लामो समय सम्म पार्टीमा संगठीत भएर काम गर्दा उनले कुनै स्वार्थ ब्यक्त गरेकी थिइनन । केही मागीनन पनि । ब्यूटी पार्लर चलाई सामाजिक संस्था चलाएर दुई पैसा आम्दानी गरेर महिला मंच चलाईन । मंचको अगुवाईमा धेरै महिलाहरुलाई सिलाई कटाई तालिम दिलाएर आत्म निर्भर बनाइन । उनलाई संगठनमा आवद्द हुदाको लामो समय सम्म मानसम्मान पाएको अनुभव भएको थियो । तर पछिल्लो समयमा पार्टीको ब्यवहारले उनको राजनीतिक जीवनप्रति गम्भिर प्रश्न उठाईदिएको छ । उनलाई लागेको थियो पहाडी होस की मधेशी मधेशमा जन्मे पछि सबै मधेशी हुन जस्तो लागेको थियो तर आफै संगठीत पार्टीको ब्यवहारले उनको मथिङ्गललाई हल्लाइदिएको छ ।
लामो समयको राजनीति जीवन सदभावना हुदै राजपामा पुगेकी घिमिरेले पार्टी त ब्यपार जस्तो ठान्ने अवस्था सृजना भएछ । त्यो ब्यापारमा मैले अंकको कुरा गरिन कति चाहिन्छ लाख करोड कति करोड ?भनेकी थिए तर मैले पैसाको कमीले तिम्रो भएन भन्न नआउ समेत भनेकी थिए । तर त्यत्रो अफर गर्दा पनि अवसर मैले पाइन । पार्टीले जसलाई दिएको छ त्यो पनि पैसामा नै दिएको हो । पैसा चाहिने भएकोले पनि मुटुमा ढुङ्गा राखेर मैले पनि पैसा दिन्छु भन्नु परेको हो उनले स्पष्ट पारिन । पार्टी मेरो नै थियो नी, पार्टीले मूल्याकंन नगरेकोले जुन बिधि पार्टीले अप्नायो मैले पनि त्यही अफर गरेकी हु । पार्टीको कामै खरिद बिक्र्री गर्ने भएपछि म संग अर्को बिकल्प पनि थिएन । तर मूल्याकंन नगर्ने पैसा आफनो इमान बेच्नेका वीचमा रहनुको आवश्यकता पनि छैन ।
तपाईको प्रतिक्रिया