रौतहटको माधव नारायण नगरपालिका, विद्यालय भवन ठेक्कामा अनियमितता, प्रमुख कायस्थ सहित तीन जनाविरुद्ध अख्तियारको मुद्दा
वीरगन्ज । अख्तियार दुरुपयोग अनुसन्धान आयोगले रौतहटको माधव नारायण नगरपालिकामा विद्यालय भवन निर्माणका क्रममा गम्भीर अनियमितता भएको ठहर गर्दै तीनजना पदाधिकारी र ठेकेदारविरुद्ध विशेष अदालतमा मुद्दा दायर गरेको छ।
आयोगका अनुसार, माधव नारायण नगरपालिका–३ सखुअर्वामा निर्माणाधीन देवी माध्यमिक विद्यालय भवनको ठेक्कासम्बन्धी प्रक्रियामा गैरकानूनी कार्य र मिलेमतोपूर्ण चलखेल भएको पुष्टि भएको हो।
मुद्दामा तत्कालीन निमित्त प्रमुख प्रशासकीय अधिकृत प्रलब कायस्थ, लेखापाल रामबलम प्रसाद यादव, र रौतहट एडभटाइजिङ एजेन्सी प्रालिका सञ्चालक अजितकुमार कर्ण प्रतिवादी बनाइएको छ।
अख्तियारका सहसचिव राजेन्द्रप्रसाद पौडेलका अनुसार, आर्थिक वर्ष २०७७/७८ मा विद्यालय भवनको ठेक्का सम्बन्धी बोलपत्र आह्वान र स्वीकृतिको सूचना राष्ट्रिय स्तरको दैनिक पत्रिकामा अनिवार्य रूपमा प्रकाशित गर्नुपर्ने कानुनी व्यवस्था छ।
तर, तीनै प्रतिवादीले आपसी मिलेमतोमा सीमित प्रति मात्र प्रकाशित ‘सिटी पोष्ट राष्ट्रिय दैनिक’ मा सूचना प्रकाशित भएको झुट्टा प्रमाण पेश गरी ठेक्का प्रक्रिया अघि बढाएको पाइएको छ।
प्रेस काउन्सिल नेपालबाट सो पत्रिकामा उक्त सूचना वास्तविक रूपमा प्रकाशित नभएको प्रमाणित भएपछि अख्तियारले यो कार्यलाई भ्रष्टाचारको श्रेणीमा राखेर अनुसन्धान अघि बढाएको हो।
अनुसन्धानका क्रममा प्रतिवादीहरूले झुट्टा विवरणका आधारमा रौतहट एडभटाइजिङ एजेन्सीलाई २ लाख ५७ हजार ९ सय ७० को झुट्टा बिल र भरपाइमार्फत भुक्तानी गरेको प्रमाण फेला परेको अख्तियारले जनाएको छ।
आयोगले प्रतिवादीहरूको यो मिलेमतोपूर्ण कार्यले नगरपालिकालाई आर्थिक हानि पुर्याएको र व्यक्तिगत लाभ लिन खोजेको ठहर गर्दै, भ्रष्टाचार निवारण ऐन, २०५९ बमोजिम सजाय मागदाबी गरिएको आरोपपत्र दायर गरेको हो।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया