छपकैया तरकारी तथा फलफूल थोक बजार सञ्चालनमा, किसान र उपभोक्ता दुवैलाई राहत मिल्ने
वीरगंज। वीरगंज महानगरपालिकाले वडा नं. २, रेल्वे रोडस्थित छपकैयामा निर्माण गरेको छपकैया तरकारी तथा फलफूल थोक बजार आजदेखि औपचारिक रूपमा सञ्चालनमा आएको छ।
यससँगै वीरगंजमा लामो समयदेखि रहेको व्यवस्थित थोक तरकारी बजारको अभाव अन्त्य भएको छ।
उद्घाटन कार्यक्रममा बोल्दै महानगर प्रमुख राजेशमान सिंहले बजार छपकैया समुदायकै नाम र पहिचानमा निर्माण गरिएको बताउँदै यसको व्यवस्थापनमा स्थानीयवासीको भूमिका निर्णायक हुने उल्लेख गरे।
यो बजार छपकैया वासीकै सम्पत्ति हो। सफा, सुरक्षित र व्यवस्थित राख्न स्थानीय समुदाय अग्रसर हुनुपर्ने उनले बताए ।
उनका अनुसार बजार निर्माण अढाई वर्षअघि नै सुरु गर्ने योजना भए पनि वीपी उद्यानमा रहेका व्यवसायीका कारण ढिलाइ भएको स्मरण गरे।
उद्यानलाई हरित पार्कका रूपमा विकसित गर्दै अव्यवस्थित बजार हटाई छपकैया बजारमा स्थानान्तरण गर्ने तयारी महानगरले अघि बढाइरहेको उनले बताए।
सिंहले ‘वैभव वीरगंज’ अवधारणा प्रस्तुत गर्दै व्यवस्थित बजार, हरित क्षेत्र, सेवा सुविधा सुधार र कानुनको कडाइलाई पहिलो प्राथमिकतामा राखेको स्पष्ट गरे।
कार्यक्रममा पर्साका प्रमुख जिल्ला अधिकारी भोला दाहालले बजार सञ्चालनले किसान र उपभोक्ता दुवैलाई राहत मिल्ने बताए।
अब किसानले सहज ठाउँमा उत्पादन ल्याउन पाउनेछ, उपभोक्ताले व्यवस्थित खरिद गर्न सक्नेछन्, तथा सवारी सञ्चालन पनि सरल हुने दाहालले बताए ।
महानगरका प्रमुख प्रशासकीय अधिकृत अरविन्दलाल कर्णका अनुसार पहिलो चरणमा ७० लाख रुपैयाँ लागतमा बनेको १४ युनिटमा २८ सटर सञ्चालनमा आएका छन्। बजार परिसरमा बिजुली, पानी, शौचालय, ढल निकास र सुरक्षा व्यवस्थासहितका सुविधा उपलब्ध छन्।
आगामी चरणमा थप ७० लाख रुपैयाँ लगानी गरी संरचना विस्तार गर्ने योजनासमेत रहेको कर्णले जानकारी दिए।
उनका अनुसार खुद्रा र थोक कारोबारलाई फरक फरक संरचनामा राखी सञ्चालन गरिने भएकाले व्यवसायीलाई दीर्घकालीन योजनासहित काम गर्न सहज हुने छ। “यसले रोजगारीका अवसर पनि बढाउँछ,” उनले भने।
उद्घाटन कार्यक्रममा सहभागी व्यवसायीहरूले स्थायी संरचना बनेपछि लगानी व्यवस्थापन, भण्डारण सुविधा, गुणस्तरीय बिक्री प्रणाली र किसानसँग सीधा कारोबार सहज हुने विश्वास व्यक्त गरे।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
तलब नपाएका लहान नगरपालिकाका कर्मचारीको चेतावनी तलब नपाए कडा आन्दोलन
लहान । सिराह जिल्लाको लहान नगरपालिकामा कार्यरत कर्मचारी र शिक्षकहरूलृ विगत चार महिनादेखि तलब पाएका छैनन। तलब नपाउँदा उनीहरुको दैनिकी चलाउनै समस्या भएको गुनासो गर्न थालेका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया