आदर्शनगरमा रहेको एक गोदाममा सशस्त्र प्रहरीको छापा, ब्यापारीको प्रतिवाद झडपमा परिणत हुदा एक प्रहरी घाइते
वीरगन्ज । वीरगन्ज महानगरपालिकाको प्रमुख व्यापारिक क्षेत्र आदर्शनगरमा रहेको एक गोदाममा सशस्त्र प्रहरी र वीरगन्ज भन्सार कार्यालयको संयुक्त टोलीले छापा मार्ने क्रममा झडप भएको छ ।
राजस्व छलीको समान भण्डारण भएको शंकाका आधारमा गरिएको छापामारीको क्रममा व्यापारी र सुरक्षाकर्मीबीच विवाद चर्किँदा भएको झडपमा एक जना सशस्त्र प्रहरी घाइते भएका छन्।
सशस्त्र प्रहरी प्रस्तावित सीमा सुरक्षा बल तथा वीरगन्ज भन्सारमा कार्यरत सशस्त्र प्रहरी नायव उपरीक्षक विकास अधिकारीका अनुसार विशेष सूचनाको आधारमा टोली गोदाममा पुगेको थियो। खानतलासी सुरु गरेसँगै स्थानीय व्यापारीहरूले आपत्ति जनाएका थिए।
व्यापारीहरूले आफूहरू वैध रूपमा व्यवसाय गर्दै आएको र सबै सामानका बिलबिजक उपलब्ध रहेको दाबी गर्दै सुरक्षाकर्मीले अनावश्यक दबाब दिएको आरोप लगाएका छन्।
त्यसक्रममा आक्रोशित बनेका केही व्यापारीहरूले सशस्त्र प्रहरीमाथि आक्रमण गरेको प्रहरीको भनाइ छ। साथै, ढुङ्गा प्रहारबाट सशस्त्र प्रहरीको प्रयोगमा रहेको गाडीको अगाडिको सिसा समेत फुटेको जनाइएको छ।
छापामारीका क्रममा गोदामबाट ठूलो परिमाणमा सामान नियन्त्रणमा लिइएको भए पनि त्यसको विस्तृत विवरण र परिमाण सार्वजनिक हुन बाँकी रहेको सशस्त्र प्रहरीले जनाएको छ।
हाल सामानको लगत संकलन र मुचुल्का तयार गर्ने प्रक्रिया चलिरहेको र गोदामको स्वामित्वबारे पनि अनुसन्धान जारी रहेको नायव उपरीक्षक अधिकारीले जानकारी दिए।
यसैबीच व्यापारीहरूले भने वैध व्यवसायीलाई समेत तस्करजस्तै व्यवहार गरिएको भन्दै असन्तुष्टि व्यक्त गरेका छन्। बिलबिजक देखाउँदा देखाउँदै पनि सामान जफत गर्न खोजेपछि अवस्था तनावग्रस्त बनेको उनीहरूको भनाइ छ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
तलब नपाएका लहान नगरपालिकाका कर्मचारीको चेतावनी तलब नपाए कडा आन्दोलन
लहान । सिराह जिल्लाको लहान नगरपालिकामा कार्यरत कर्मचारी र शिक्षकहरूलृ विगत चार महिनादेखि तलब पाएका छैनन। तलब नपाउँदा उनीहरुको दैनिकी चलाउनै समस्या भएको गुनासो गर्न थालेका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया