राजपाको आन्दोलनमा नेपाल संघिय समाजवादी पार्टीद्वारा समर्थन
वीरगञ्ज, १ असार ः नेपाल संघिय समाजवादी पार्टीले पनि राजपाको आन्दोलनमा समर्थन गर्दै आन्दोलनमा जाने घोषणा गरेको छ । मधेसी जनताले अधिकार पाई नसकेको र चुनावमा जाने वातावरण नबनेकोले आन्दोलनमा जाने निर्णय गरिएको पार्टीले जनाएको छ । बुधबार सम्पन्न भएको पार्टीको केन्द्रिय कमिटिको बैठकको निर्णय सार्वजनिक गर्न बिहिबार वीरगञ्जमा आयोजित पत्रकार सम्मेलनमा पार्टीका अध्यक्ष रिजवान अन्सारीले अधिकार प्राप्तीको आन्दोलनबाट पछि हटेर चुनावमा जान नसकिने निष्कर्ष बैठकले निकालेको जानकारी गराए ।
राष्ट्रिय जनता पार्टीको आन्दोलन जायज भएको ठहर पार्टीले गरेको बताउँदै उनले आन्दोलनको समर्थन गर्ने बताए । ‘हामी उत्पिडित जनताको अधिकारको लागि आन्दोलनमा छौं, अहिले नै मुद्धाहरु सम्झौता गरेर सत्ता र चुनावमा जाँदैनौं ।’ अन्सारीले भने ‘अधिकार प्राप्तीको आन्दोलनमा ६० जनाले ज्यान गुमाए, करौडौंको क्षति भयो । हामी मधेसी जनतालाई विश्वास घात गर्न सक्दैनौं । ’ संविधान संशोधन मार्फत मधेसी जनताको माग सम्बोधन गरेर सबैलाई समेटेर चुनाव गराउन उनले आग्रह गरे ।
‘आन्दोलन हुन्छ, सहमति र सम्झौता गर्छन अनि लागु गर्दैनन् ।’ अध्यक्ष अन्सारीले भने ‘सरकारको रवैया दुरगामी असर पार्ने खालको छ । हामी अहिले आन्दोलनबाट पछि हट्ने अवस्थामा छैनौं ।’ मधेसको माग सम्बोधन भए मात्र मधेसमा चुनावको वातावरण बन्ने भन्दै उनले संविधान संशोधन गरेर मधेसको माग सम्बोधन नगरिए सम्म मधेसमा चुनाव हुनै नसक्ने ठोकुवा गरे । पूर्व गृह राज्य मन्त्री अन्सारीले आन्दोलनरत दल सबै मिलेर एउटै मोर्चा बनाउनुपर्नेमा पनि जोड दिए । ‘अहिले बल प्रयोग गरेर चुनाव गर्न त सकिन्छ । तर त्यसले दिर्घकालमा नेपालको हित गर्दैन । राष्ट्रियतामा नै आघात पुग्छ ।’
उनले भने ‘मधेसको माग सम्बोधन गर्दै सरकारले सबैलाई समेटर चुनाव गर्नुपर्छ, जबरजस्ति चुनाव गराए मुलुक झन ठूलो द्वन्द्वमा फस्छ । ’ संघीय समाजवादी फोरम नेपालका अध्यक्ष उपेन्द्र यादवलाई धोकेबाज र गद्दारको संज्ञा दिँदै अध्यक्ष अन्सारीले भने, ‘उपेन्द्र यादवले मधेसलाई पटक÷पटक धोखा दिएका छन्, पहिलो मधेस आन्दोलनमा पनि उनले धोका दिएका थिए । अहिले पनि सत्ताको स्वाद चाख्न उनले मधेस र मधेसी जनतालाई धोखा दिएका छन्, उनिबबाट मधेसी जनता अब सजग रहनु पर्छ ।’
नेपाल पत्रकार महासंघ पर्सा शाखा अध्यक्ष श्याम वञ्जाराको अध्यक्षतामा आयोजित पत्रकार सम्मेलनमा नेपाल संघीय समाजवादी पार्टीका उपाध्यक्ष राजकुमार यादव, केन्द्रीय सदस्य नथुनी कुशवाहा, अखिलेश यादव, लालबाबु राम, विष्णु सिंह पर्सा जिल्ला अध्यक्ष मोहम्मद सरिफ आलम लगायतको उपस्थिति रहेको थियो । कार्यक्रमको सहजीकरण सञ्चारकर्मी आरसी यादवले गर्नुभएको थियो ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया