बीरगंज १ साउन । 
मकवानपुर र पर्साको वीचमा रहेको चाकोसे झाडीमा जीन्दगीले मृत्युवरण गर्दा लाशका सौदागरहरु उन्मुक्त हाँसो हाँसीरहेका छन । नागरिकको सुरुक्षाको जिम्मा लिएर बसेको प्रहरीले फगत केही रकमप्रतिको आशक्तिमा मृत्युको बिनिमय गरिरहेको छ । अपराधीहरु झन झन अपराधका बरदातलाई अन्जाम दिदै छन । प्रहरी जागेको  त छैन जागे झै गरेको छ । पर्साको पटेर्वा गाउँपालिकाको एउटा वडा सोनवर्षासंग जोडिएको जंगले क्षेत्रमा जेठ १७ गते एक युवाको हत्या भयो । चितवन जिल्लाको पहाडी क्षेत्रका २१ वर्षका ति युवा प्रजा थरका हुन । पटेर्वा सुगौली गाउँका गाँजाका ठुलो कारोवारी सुरज राउत अहिरको गाँजा मकवानपुरको पाहाड बाट बोकेर ल्याउने भरिया मध्यका ति प्रजालाई जंगलमा कुटपीट गरेर मारिएको स्रोतको दावी छ । भर्खर मात्र बिवाह गरेका प्रजा बिरामी थिए । बिरामी भएकै अवस्थामा उनलाई गाँजा बोकेर पर्साको पटेर्वा आउनु पर्ने भयो । वीच जंगलमा चुरे डाडाको दक्षीण फेदीमा अप्ठेरो भएपछि उनले भारि बिसाएका थिए । बिरामी रहेका कारण गा¥हो भएर गाँजा बोक्न नमानेका प्रजालाई सुरज राउतको टोलीले कुटपीट गरेको थियो । कुटाई पछि ज्यानै जोगाउन गाँजाको भारि बोकेका ति युवा केही समय हिडेपछि बेहोस भएका थिए । उनलाई अहिरको टोली लुगींको स्टेचर बनाएर सोनवर्ष भन्दा माथिको पातलवाघाट लगेको थिए । पटेर्वाबाट मोटरसाइकलमा केही मान्छेहरु त्याहा पुगेका थिए । ति युवालाई उपचारकोलागि मोटरसाइकलमा राखेर लान खोज्दा उनको मृत्यु भइसकेको थियो । अहिरको टोलीले प्रजालाई तयही जंगलमा खाल्डो खनेर गाडेको स्रोतको दावी छ । अहिरले चितवको बिकट पाहाडी क्षेत्रमा घर भएका प्रजाको परिवारलाई आफना त्यस क्षेत्रका कामदारहरु मार्फत डेढलाख रुपैया दिएर कतै केही नभन्न भन्दै धम्क्याएका छन । कतै भने गाँजाको केश भएकोले उजुर वाजुर नलाग्ने भन्दै चुप बस्न भनेका छन । अहिरको यो काममा मकवानपुरको लोथर तिरका सेठ र रामकुमार भन्ने मान्छे लागेका छन । यता आफनै कार्य क्षेत्रमा मान्छेलाई मारेर गाड्दा समेत पटेर्वा इलाका प्रहरी कार्यालय र सो मातहतका प्रहरीचौकी बेखवर भएको नाटक गरिरहेका छन । औपचारिक रुपमा थाहा नभएको नाटक गर्ने प्रहरीलाई घटनाको सबै इतिबृतान्त भने थाहा छ । गाँजाको आयात बापत प्रति बोरा आर्थिक नजराना लिने गरेको छ । प्रहरीले १ किलो गाजा आएको थाहा पाउदा मान्छेको ज्यानै गएको कुरा थाहा नपाउने कुरै हुदैन । पटेर्वा सुगौलीका प्रहरी निरिक्षक महेश बस्नेतले भने घटनाका बिषयमा आफूलाई थाहा नभएको र आफू काहा कुनै उजुरी नपरेको बताए ।उनले उजुरी नपरि काहा के भएको छ थाहा नहुने बताए । उनले जिल्लामा पनि उजुरी नपरेको बताए ।  अपराधकर्ममा लागेका मान्छेहरुको संगतमा प्रहरी परेपछि न्याय मर्दै गएको स्थानीयको गुनासो छ । प्रहरी मेरो साथी खुवै चलेको भएपनि त्यसले आम नागरिकको पहुचमा प्रहरी नपुगेको बाठा र अपराधकर्म गर्नेहरुको स्वागत र सत्कारमा प्रहरी भूलेको उनीहरुको बुझाई छ । प्रहरीका हरैया रंगपुर पटेर्वा  सेढवा लगायतका चौकीहरुले गाँजाका तस्करहरुसंग प्रति बोराका दरले रकम असुल्ने गरेका छन । उनीहरुको रकम प्रतिको यही मोहका कारण चार कोसे झाडीमा धेरैले मृत्यु अंगालेका छन ।