बीरगंज २५ कार्तिक । पर्साको चुनाव क्षेत्र नं १ को प्रदेश सभा “क”का बामगठबन्धन उम्मेदवार रहवर अन्सारीले रोग पत्ता लागेपनि डा.नराम्रो भए उपचार ठिन नहुने बताए । शनिवार साँझ बीरगंजको मुर्लीमा आयोजीत चुनावी सभालाई उनी सम्बेधन गर्दै थिए । उनले चुनावमा बिकृति बढेको प्रति चिन्ता ब्यक्त गरे । भोज चलेको छ  पैसा खर्च भएका छन चुनाव भडकिलो बनाइदै छ । यसका कारण तपाईको मत प्रभावीत भयो भने भोली अनर्थ हुने भन्दै उनले नागरिकलाई गोप्य मतदान हुने भएकोले सहीरुपमा सदुपयोग गर्न अपिल गरे । 

उनले चुनावको मैदानमा आएका उम्मेदवारहरुको चरित्र ,प्रवृति र बिचाराधारा हेरेर मत हाल्न समेत आग्रह गरे । मुर्लीका युवाहरु रहवरलाई सुन्न उल्लेख्य रुपमा सहभागि भएका थिए । जव रहवरको नाम संचालकले उच्चारण गर्थे युवाहरु उनको सम्मानमा ताली पिट्थे । युवारुमा रहेको उनको यो क्रेजले उनलाई चर्चित उम्मेदवारको रुपमा स्थापित त गरेको छ नै शालीन रुपमा कुनै पनि दललाई आलोचना नगरिकका वीचमा आफना एजेण्डाहरु मन्त्रमुग्ध पार्ने शैलीमा उनले रख्ने गरेका छन जसको  हुने गरेको छ । उनले जनतालाई अपिल गरे म गलत छु भने भोट नदिनुहोस तर मेरो आग्रह छ उनले भने “तपाईको अमूल्य भोट गलतलाई नपरोस” । 

चुनाव क्षेत्र नं १ को प्रदेश सभा “ख” बामगठबन्धन अन्र्तगत नेकपा एमालेका उम्मेदवार शम्भू गुप्ताले भोटलाई बन्दुक सग तुलना गरे । बन्दुक, सेना प्रहरीले पायो भने जनताको रक्षा गर्छ तर गलत मान्छेले पायो भने जनताको बाँच्न पाउने अधिकारमै धावा बोल्ने उनको तर्क थियो । गुण्डा, मवालीको हातमा बन्दुक भयो भने आम मान्छेको अमन चयन अप्ठयारोमा पर्ने उदाहरण दिदै उनले मत रुपी बन्दुकको प्रयोग सही ठाउमा गर्न अपिल गरे । उनले जनताको भोट बन्दुकको गोली जस्तै एक पटक निस्के पछि फिर्ता नहुने भन्दै भोट दिदा समाजमा देखिएको बिकृति समेत अन्त्य हुने गरि दिन आग्रह गरे ।

उनले बिकासकालागि राष्ट्रीय राजनीतिक शक्तिको आवश्यकतामा जोड दिए । राजनीतिक शक्ति र सत्ता बिकासकालागि आवश्यक भएको तथ्यलाई अरुले भन्न नसकेको उनको टिप्पणी थियो । उनले बिकास र समृद्धिको सपना पुरा गर्ने शक्ति बामपन्थ बाहेक अरु नभएको ठोकुवा गरे । 

कार्यक्रममा प्रतिनिधि सभाका उम्मेदवार बिचारी यादवले आफनो बारेमा जनतालाई जानकारी रहेको बताए । म कुन धरातलबाट आएको हु सबैलाई थाहा छ । यादवल आफू ३ वर्ष ९ महिना सासद रहदा बीरगंज महानगरको वडा नं १२ र १३ मा गरेका कामहरुको बारेमा जानकारी गराएका थिए । उनले सुरजी देवी माविमा २५ लाख रुपैयामा भवन निर्माण गरेको कब्रगाहमा ४० लाखको लागतमा पर्खाल लगाएको ,कृष्णमन्दीरमा १० लाख रुपैया लगाएको जानकारी दिए । 

कार्यक्रममा रहवर अन्सारीले बिचारी यादवको आचरण भ्रष्ट भएको प्रमाणीत भए राजनीति छाडने चुनौती दिदा के युवा के बृद्ध सबैले उनलाई तालीले साथ दिएका थिए । शम्भु गुप्ताले अन्सारीलार्ए गोलाकार भित्रको हसिया हथौडामा भोट हाले जिताउन अपिल गरे । यादवले गुप्ता र अन्सारी गतिशिल, जनताको आवश्यकता बुझेका युवा उम्मेदवार भएकोले उनीहरुलाई जिताउन आग्रह गरे ।

आफूलाई भोट नमागेका नेताहरुको एक अर्का प्रतिको सम्मान भाव उनीहरुको आवश्यकताको बारेमा ब्याख्या गरेको देख्दा जनता उत्साहित भएका थिए । गोपाल महतोको अध्यक्षतामा भएको कार्यक्रममा माओवादी केन्द्रका नेता हरिमण्डल लगायतका नेताहरुले मन्तब्य ब्यक्त गरेका थिए ।