वीरगञ्ज १४ साउन । 
पाँच महिना भयो कार्यपालिकाको बैठक भएको छैन धोविनी गाउँ कार्यपालिका सदस्य मगनी देवीले पत्रकारहरुका सामु गुनसो गरिन ।  गाउँपालिकाको काम कसरी हुन्छ हामीलाई जानकारी हुदैन उनले भनीन ।

उनले आफूहरुलाई गोरुको रुपमा प्रयोग गरिएको बताइन । आवश्यक परेको बेला मात्र जोत्ने । उनले  गाउँकार्यपालिकाको अध्यक्ष र कार्यकारी प्रशासकीय अधिकृतले मनलाग्दी गरेको भन्दै असन्तोष ब्यक्त गरिन । 

मगरी देवी मात्र हैन  गाउँपालिकाका उपाध्यक्ष पारसनाथ कुर्मीले समेत केही भेउ नपाउदा रहेछन । नगरसभाले नीतिगत निर्णय त ग¥यो उनले भने त्यो निर्णयहरु कसरी कार्यान्वयन भए या भएका छैनन त्यो मलाई समेत जानकारी छैन । उनले गाउँपालिका अत्यन्तै अपारदर्शी रुपमा चलेको बताए । 

कार्यपालिकाका सदस्य बिकर्माजित प्रसाद कलवारले  गाउँपालिकामा हुने गतिविधिको बारेमा आफूलाई  केही जानकारी नदिइएको बताए । करोडौंको वजेट आएको छ भनेर सुनिन्छ उनले भने  कहाँ कसरी खर्च गरिरहेका छन्, थाहा नै हुँदैनन् ।  गाउँपालिकाका प्रमुख, प्रमुख प्रशासकीय अधिकृत कसैले पनि समन्वय नगरेको उनको भनाई छ ।

वीरगञ्जमा सोमबार पत्रकार सम्मेलनकै आयोजना गरेर धोविनी गाउँपालिकाको १० जना कार्यपालिका सदस्यहरुले गाउँ प्रमुख सुरेश कुर्मी र प्रमुख प्रशासकीय अधिकृत सरोज चौधरीको गतिविधिका बारेमा असन्तुष्टि जनाएका छन् । उनीहरुले आर्थिक अनियमितता भएको भन्दै सम्बन्धीत निकायलाई छानवीन गर्न समेत माग गरेका छन । 

१३ जना कार्यपालिका सदस्य रहेको गाउँपालिकाका उपाध्यक्ष पारसनाथ कुर्मीसहित १० सदस्यले अध्यक्ष र प्रमुख प्रशासकीय अधिकृतले अरुलाई वाइपास गरेर मनोमानी गरिरहेको आरोप लगाए ।

गाउँपालिकाले कृषिको  विकासका लागि आर्थिक वर्ष ०७४र७५ मा २ करोड वजेट छ्टेयाएका थियौं । कहाँ कसरी खर्च गर्ने सल्लाह नै नगरी खर्च गरिसकेछन् । बोर्ड बैठकमा छलफल नै गरिएन उपाध्यक्ष कुर्मीले भने अन्य विकासका बजेट खर्च गर्दा पनि कार्यपालिकाको बोर्ड बैठकमा प्रस्तुत गरिएको छैन ।

गाउँपालिकामा अनियमितता भएको दावी गर्दै उनीहरुले अख्तियार दुरुपयोग अनुसन्धान आयोग, जिल्ला समन्वय समिति पर्सा र प्रदेश सरकारलाई छानबिनको माग गर्दै उजुरीसमेत दिइसकेको बताएका छन् ।

तर, गाउँपालिकाका अध्यक्ष सुरेश कुर्मीले भने गाउँपालिकामा बोर्ड बैठकबाट भएको निर्णय अनुसार नै वजेट खर्च भएको बताएका छन् । परिषद कहिले र कसरी गर्ने भनेर कुरा चल्दै थियो ।

एक्कासी उहाँहरुले पत्रकार सम्मेलन गरेको कुरा आयो, उनले भने, पक्ष विपक्षको कुरा हो, खर्च सबै पारदर्शी ढंगले भएको छ, सबै काम जनताकै लागि भएको हो । बिल भर्पाइसमेत सार्वजनिक हुन्छ । गाउँपालिकाले अहिले सम्म आर्थिक वर्ष ०७५÷०७६ को गाउँ सभा भने गर्न सकेको छैन ।

केही दिनअघि मात्रै सोही गाउँपालिकाका लेखा प्रमुख र नायब सुब्बा १ लाख १० हजार घुस रकमसहित पक्राउ परेका थिए ।