वीरगञ्ज ७ भदौ  ।
बीरगंजन महानगरले खुला दिशामुक्त अभियानलाई पूनःसंचालन गर्ने भएको छ । बीरगंज महानगरपालिकाका ३२ मध्य २३ वटा वडाहरु खुला दिशामुक्त घोषणा भएका छन । अव ९ वटा वडा खुलादिशामुक्त घोषणा भएमा बीरगंज महानगरलाई नै खुलादिशामुक्त घोषणा गर्ने आधार निर्माण हुन्छ ।

पर्सा जिल्ला नै २०१६ मा खुला दिशामुक्त घोषणा भइसक्नु पर्ने हो । पर्सा र बिभिन्न स्थानीय तह साकिमै रहेको अवस्थामा पटक पटक खुला दिशामुक्त घोषणा तिथि मिति तोकिएपनि घोषणा अनुसारको काम भएको थिएन ।

जनप्रतिनिधि आएपछि  फेरी बीरगंज महानगरलाई खुला दिशामुक्त घोषणा गर्ने समय सीमा तोकिएको छ । जनप्रतिनिधि आएपछिको यो पहिलो प्रतिवद्धता ब्यवहारमा लागू हुने आशा गरिएको छ । 

यही बिषयमा बिहिवार बिहिबार सरोकारवालाहरु बीच छलफल भएको छ । बीरगंज  महानगरपालिकाको  सभाकक्षमा आयोजित उक्त छलफल कार्यक्रममा महानगरपालिकाका बाँकी  रहेका वडाहरुलाई समयमै  खुला दिशामुक्त वडा  घोषणा गर्दै महानगरपालिकालाइ आश्विन भित्र खुलादिशा मुक्त घोषणा  गर्ने निर्णय समेत गरिएको  छ । 

छलफलमा सहभागी रहेका सम्बन्धित वडा अध्यक्षहरुसंग वडामा चर्पि निर्माण नभएका परिवारहरुको आर्थिक अवस्था  बारेमा जानकारी लिदै  पर्साका प्रमुख जिल्ला अधिकारी लोकनाथ पौडेलले असोज मसांत भित्र महानगरपालिकाका सबै वडाहरु खुला दिशामुक्तलाई खुलादिशा मुक्त बनाउने अभियानमा लाग्न  अनुरोध गरे ।

उनले महानगरपालिकालाई ‘महानगरपालिकाकै’ रुपमा पनि चिनाउन खुलादिशा मुक्त बनाउनु पर्ने सबै सरोकारवालाहरुको दायीत्व भएको बताउदै असोज  भित्र सबै परिवारमा चर्पिको व्यवस्थापनको कार्यलाइ अगाडि बढाउन जन प्रतिनिधिहरुलाई अपिल गरे ।

उनले खुलादिशा गर्नेलाई कानुनी कार्यवाहि गर्ने कानुन बनिसकेकोले मंसिर १गते देखि अनुगमन र कानुनी कार्यवाहि अगाडि बढाइने बताइए  ।

कार्यक्रममा सहभागीहरुलाई सम्बोधन गर्दे वीरगञ्ज महानगरपालिकाका प्रमुख प्रशासकीय अधिकृत डा. भीष्मकुमार भूसालले महानगरपालिकाले भदौ दोश्रो हप्तादेखि पुन सुरु  गरेको खुला दिशामुक्त अभियानमा सक्रियरुपमा लाग्न अनुरोध गरे ।

उनले वाकिरहेका वडाहरुमा महिला,युवा,दलित लगायत सबैको समिति गठन गरी चर्पिको औचित्यता बुझाउनु पर्नेमा जोड दिए । जुन घरमा  चर्पी छैन त्याहा यथासिघ्र चर्पि निर्माण गराउने कार्यमा लग्न सबै सरोकारवालाहरुलाई अनुरोध गरे  ।

खुला ठाउमा दिशा गर्ने व्यक्तिलाई कानुनी कार्यवाहि गरिने कानुन भदौ १गतेदेखि लागुभएको बारे सम्पुर्ण नगरवासीलाई जानकारी गराउदै स्वच्छ र सफा महानगरपालिका बनाउने अभियानमा सहयोग गर्न उनले सबैलाई अनुरोध गरेका छन ।

छलफल कार्यक्रममा महानगर  उपप्रमुख सुश्री शान्ति कार्कि,खानेपानी कार्यालय पर्साका प्रमुख डिभिजनल इन्जिनियर धर्मेन्द्र केसरी,यु एन हेवीटाटका केन्द्रिय प्रतिनिधि दुर्गा नेपाल,पर्साका प्रमुख हरि बुढाथोकि,वीरगञ्ल महानगरपालिकाका खानेपाननी तथा सरसफाई शाखाका प्रमुख सुनिल कर्ण लगायत व्यक्तिहरुको उपस्थिति रहेको थियो ।