सरकारको प्रेस स्वतन्त्रता बिरोधी कामका बिरुद्ध संचारकर्मीहरु सडकमा
जनकपुरधाम १८ बैशाख । नेपाल पत्रकार महासंघ प्रदेश समिति २ ले प्रेस तथा अभिव्यक्ति स्वतन्त्रताका लागि ऐक्यवद्धता र्याली निकालेको छ । जनकपुरको जानकी मन्दिरबाट सुरु भएको र्याली रेल्वे स्टेसनका पुगेर कोण सभामा परिणत भएको थियो ।
रेल्वे स्टेसन आयोजित कोणसभालाई सम्बोधन गर्दै अधिकांश वक्ताहरूले प्रेस स्वतन्त्रताका विषयमा गम्भीर हुन सरकार र सरोकारवालाको ध्यानाकर्षण गराएका छन् । उनीहरुले गणतन्त्रको लागि सडकबाटै राजनीतिक दलहरुको सहयोगी बनेको संचार क्षेत्र आज तिनै दलको हातमा सत्ता र शक्ति पुग्दा लोकतन्त्रको रक्षाको माग गर्दै आन्दोलनमा उत्रिनु परेको चिन्ता ब्यक्त गरे ।
कार्यक्रममा प्रजातन्त्र सेनानी बरिष्ठ पत्रकार राजेश्वर नेपाललीले प्रेस तथा अभिब्यक्ति स्वतन्त्रताको रक्षाकालागि सबै एक हुनु पर्नेमा जोड दिए । उनले सत्तामा जो सुकैहोस जनताको बिश्वास प्राप्त शक्तिलाई कमजोर बनाउन उद्धत रहने बताउदै दुईतिहाईको सरकार प्रेस बिरोधी काममा लागेको बताए
प्रेस काउन्सिलका सदस्य नवल यादवले सरकारले सञ्चारकर्मीलाई स्वतन्त्र भएर काम गर्न नदिएको आरोप लगाए । यस विषयमा संघीय सरकार भन्दा प्रदेश सरकार अझै अगाडि रहेको उनको भनाइ थियो । उनले सञ्चारकर्मी एकजुट हुन नसकेकोले यस्तो परिस्थिति आएको जिकिर गर्दै प्रेस र अभिव्यक्ति स्वतन्त्रताका लागि एक हुन सबै सबै सञ्चारकर्मीलाई आग्रह गरे ।
नेपाल पत्रकार महासंघ प्रदेश समितिका उपाध्यक्ष के.सी .लामिछानेले विद्युतीय कारोबार ऐनका धारा प्रयोग गर्दै सरकारले सञ्चारकर्मीमाथि धरपकड सुरु गरेको प्रति भर्त्सना गर्दै सरकारलाई संचारमैत्री बन्न आग्रह गरे ।
वरिष्ठ पत्रकार रामभरोश कापडीले तथ्यका आधारमा निष्पक्ष समाचार लेख्ने पत्रकारमाथि धरपकड नगर्न चेतावनी दिए । सत्य तथ्य लेख्ने एउटा कलम बन्द गरिए हजारौँ कलम जन्मिने उनको भनाइ थियो ।
नेपाल पत्रकार महासंघ धनुषाका अध्यक्ष अनिल मिश्रले पत्रकारको हक हितकालागि सबै सञ्चारकर्मी एक भएर अगाडि बढ्ने बेला आएको बताए ।
लेखक तथा साहित्यकार रोशन जनकपुरले संच्चारकर्मीले आफ्नै बारे कलम चलाउने अवस्था आएको बताए । सञ्चारकर्मीलाई सरकारले सधैँ शत्रुको व्यवहार गर्ने गरेको स्मरण गर्दै उनले यसको विरुद्ध सञ्चारकर्मी स्वयंले अभियान चलाउनुपर्ने धारणा राखे ।
नेपाल पत्रकार महासंघ प्रदेश समितिका अध्यक्ष दीपेन्द्र चोहानको अध्यक्षतामा भएको कार्यक्रमको संचालन महासचिव किरण कर्णले गरेका थिए ।
जनकपुरको जानकी मन्दिरबाट सुरु भएको पत्रकार हरूको र्याली जनक चोक, शिव चोक, भानु चोक हुँदै रेल्वे स्टेसन पुगेको थियो ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया