पर्सा निर्माण व्यवसायी संघ ,बहुमत सदस्यले गरे बेग्लै साधारणसभा, बिवादको चुरो यस्तो छ
वीरगन्ज २९ मंसिर । निर्माण व्यवसायी संघ पर्साको आन्तरिक विवाद सतहमा पोखिएको छ । संघका २ समूहले बेग्लाबेग्लै साधारणसभा गरेर एकअर्कालाई आरोपप्रत्यारोप गरेका छन् ।
जिल्ला अध्यक्ष रामाकान्त चौरसियाको कार्यशैलीप्रति असन्तुष्ट प्रथम उपाध्यक्ष दिवाकर पटेलसहित बहुमत व्यवसायीले आइतबार वीरगञ्जमा बेग्लै साधारणसभा गरेका हुन् ।
प्रथम उपाध्यक्ष पटेलको अगुवाईमा असन्तुष्ट पक्षले वीरगञ्जको पदम पार्टी प्यालेसमा संघको १६ औं साधारणसभा गरेको हो । सहभागी अतिथिले कुनै पनि संस्था लोकतान्त्रिक पद्धतिबाट चल्ने भन्दै नेतृत्वको हैकमवादी शैली नचल्ने बताएका थिए । एक दुईजना व्यक्तिको मनोमानीले संस्था बदनाम हुने भन्दै उनीहरुले संस्थाको उद्देश्य र गरिमा अक्षुग्ण राख्न लोकतान्त्रिक पद्धतिबाट सञ्चालन हुनुपर्नेमा जोड दिए ।
अध्यक्ष चौरसिया पक्षले गरेको साधारणसभा अवैधानिक रहेको दाबी पटेलको छ भने चौरसिया पक्षले आफूहरुले नियमानुसार साधारणसभा गराएको बताएको छ ।
त्यसअघि शनिबार चौरसिया पक्षधरले बीरगंज नगरसभागृहमा साधारणसभा गरेका थिए । उद्घाटनसत्रपछि विवाद भएर स्थगित भएको थियो । चौरसिया पक्षले मनोमानीपूर्ण तरिकाले साधारणसभा गरेपछि संघमा भाँडभैलो भएको आरोप असन्तुष्ट पक्षको छ ।
साधारणसभालाई वीरगञ्ज महानगरपालिका प्रमुख विजयकुमार सरावगी, नेकपाका बसुरुद्धिन अन्सारी, नेपाली कांग्रेस पर्साका सचिव श्याम पटेल, समाजवादी पार्टीका कावा जिल्ला अध्यक्ष रामनरेश यादव, राजपा नेपालका महासचिव शिव पटेल, नेपाल फोटो पत्रकार महासंघका प्रदेश २ अध्यक्ष राम सर्राफ, संघका निवर्तमान अध्यक्ष मोहन यादव, सल्लाहकार रमेश पाण्डेलगायतले शुभकामना दिएका थिए ।
सधारणसभाको अवसर पारेर संघका सल्लाहकार सुमित रौनियार, ध्रुव पटेल, जहुर आलम, साविर अन्सारी, रमेश पाण्डे, रामजनम गुप्तालगायतलाई सम्मानित गरिएको थियो ।
शनीवारको साधारण सभामा भने निर्माण ब्यवसायी महासंघका केन्द्रीय उपाध्यक्ष सुरेन्द्र सिंह, केन्द्रीय महासचिव रोशन दाहाल नेकपाका जिल्ला अध्यक्ष प्रभु हजरा, नेपाली काङ्ग्रेस पर्साका सभापति अजय द्विवेदी, पूर्वसभापति राजेन्द्रबहादुर अमात्य, समाजवादी पार्टी पर्साका अध्यक्ष रामनरेश यादव, प्रदेशसभा सदस्य करीमा बेगम, ज्ञानेन्द्र मिश्र, उमेश सहनीलगायतले मन्तव्य व्यक्त गरेका थिए । यसमध्यका समाजवादी पार्टी पर्साका अध्यक्ष भने दुबै कार्याक्रममा सहभागि हुनु भएको छ ।
के हो विवाद ?
संघको सदस्यता शुल्क ५१ हजार रहेकोमा चौरसियाको नेतृत्वमा १५ हजारमा सदस्यता लिएर बाँकी रकम किस्ताबन्दीमा तिर्ने ब्यवस्था गरिएपछि विवाद सुरु भएको हो । संघको बोर्डमा छलफल नै नगराई आफ्नो पक्ष बलियो बनाउने ध्येयले १५ हजार लिएर ८० जना सदस्य थपेपछि विरोध भएको हो ।
आगामी कार्यकालका लागि अध्यक्षका प्रत्यासी सुरेश पटेललाई सहयोग पु¥याउने उद्देश्यले अध्यक्ष चौरसियाको मिलेमतोमा अवैधानिक तरिकाले सदस्य तोकिएको भन्दै बहुमत कार्य समिति सदस्यले विरोध गरेको बताइएको छ । आइतबार सम्पन्न बहुमत बोर्ड सदस्य र पदाधिकारी सहभागी साधारणसभाले यसअघिको सदस्यता ५१ हजार रुपौयाँ कायम रहने र अब उपरान्त नयाँ सदस्यका लागि ५ हजार एक सय रुपैयाँ निर्धारण गरेको छ ।
आधिकारिक कुन ?
निवर्तमान अध्यक्ष मोहन यादव, प्रथम उपाध्यक्ष दिवाकर पटेल, द्वितीय उपाध्यक्ष हिरालाल पटेल, कोषाध्यक्ष उमेश क्षेत्री, सहकोषाध्यक्ष महताव आलम, कार्य समिति सदस्य राजकिशोर पटेल, फिरोज खान, पारस ठाकुर, प्रेम सर्राफ, सूर्य कोइराला, धुरेन्द्र पटेल, राजु पटेल, लालबाबु पटेल, प्रदीप यादवलगायत १४ जना कार्य समितिहरुको सहभागिता रहेको थियो ।
२१ सदस्यीय कार्य समितिमा १४ जना सदस्य र ४०० साधारण सदस्यमा २२० जना सहभागी भएकाले आफूहरुको साधारणसभा नै आधिकारिक भएको दाबी प्रथम उपाध्यक्ष दिवाकर पटेलले गरे ।
पूर्वअध्यक्षहरु रमेश पाण्डे, साविर अन्सारी, सल्लाहकारहरु सुमित रौनियार, ध्रुव पटेल, जहुर आलमललगायत पनि सहभागी थिए । निर्माण व्यवसायी संघ रौतहटका अध्यक्ष दयाराम साह र बाराका अध्यक्ष सुरेन्द्र जयसवाल पनि साधारणसभामा सहभागी थिए ।
उता संघका नेताहरु राजनीतिक दलका जिल्लाका प्रमुख नेताहरुको सहभागितामा नगरसभा गृहमा भएको कार्यक्रम नै संस्थागत र आधिकारीक भएको दावी चौरसिया पक्षको रहेको छ ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
१२ वर्षिय यादव सात दिन देखी बेपत्ता, खोजीकालागि प्रहरीमा निवेदन
बर्दिवास । आफनो १२ वर्षिय छोरा सात दिन देखी सम्पर्क बिहिन भएपछि एक दम्पतीले खोजी गर्न प्रहरीलाई गुहार लगाएको छ ।
मेडिकल ब्यवसायी दुर्गा प्रसाई साधारण तारेखमा रिहा
बीरगंज । ‘राष्ट्र, राष्ट्रियता, धर्म संस्कृति र नागरिक बचाउ महाभियानका संयोजक एवं मेडिकल व्यवसायी दुर्गा प्रसाईंलाई अदालतले हिरासतमुक्त गर्न आदेश दिएको छ ।
खेलकुद
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
नवौँ गोलबजार मेयर गोल्डकप फुटबल प्रतियोगितामाअ आज चात्यासा फुटबल क्लब र विराटनगर भिड्ने
गोलबजार । सिरहाको गोलबजार नगरपालिकाद्वारा आयोजित नवौँ गोलबजार मेयर गोल्डकप फुटबल प्रतियोगिताको दोस्रो दिनको खेलमा सलहेश युवा क्लब, सिरहा विजयी भएको छ।
तपाईको प्रतिक्रिया