गाउँमा आएको सिंहदरबारको निगरानी गर्न जिम्मेवार र जवाफदेही पत्रकारिता गर्नुपर्छ : काउन्सिल सदस्य चौंलागाई
वीरगन्ज, २४ माघ । प्रेस काउन्सिलका सदस्य गोविन्द चौंलागाईले सञ्चार माध्यम र संचारकर्मीहरुले अहिले गाउँ गाउँमा आएको सिंहदरबारको गतिविधिको निगरानी गर्नुपर्ने बताउनुभएको छ ।
वीरगन्जबाट प्रकाशित हुने पर्दाफास दैनिकको नवौं बार्षिकोत्सवको अवसरमा आयोजित कार्यक्रमको उदघाटन गर्दै उहाँले नेपालमा विभिन्न चरणको आन्दोलनले जनताको अधिकार स्थापित गरेको बताउदै त्यसको सही कार्यान्वयनका लागि अहिले सिंहदरबार गाउँ गाउँमा आएकोले त्यसको निगरानी गर्न आवश्यक रहेको औल्याउनुभयो ।
नेपाल पत्रकार महासंघका केन्द्रीय सदस्य समेत रहनुभएका काउन्सिलका सदस्य चौलागाईले व्यावसायिक पत्रकारिताले मात्रै देशको परिवर्तन र विकास सम्भव भएकोले अहिले गाउँमा आएको सिंहदरबारले काम गरेको छ की छैन भन्ने निगरानी गर्नुपर्ने बताउनुभयो । पत्रकारहरु पनि देशको नागरिक नै भएकोले पत्रकारलाई पनि कानुन लाग्ने हुँदा पत्रकारहरुले आफ्नै नैतिक बन्धनमा रहेर जिम्मेवार र जवाफदेही पत्रकारिता गर्न उहाँले आग्रह गर्नुभयो ।
पत्रकार आचार संहिताको दायरामा रहेर भाषा छनौटमा पनि संवेदनशील भएर पत्रकारिता गर्न उहाँले आग्रह गर्नुभयो । पत्रिका प्रकाशन आर्थिक दृष्टिकोणले निकै कठिन भएको र गुनासोहरु पनि धेरै रहेकोले त्यसको सम्बोधनका लागि प्रेस काउन्सिलले प्रयास गरिरहेको बताउनुभयो । मापदण्ड पुगेका र निरन्तर पत्रकारिता गर्नेहरुलाई महासंघको सदस्यता दिनुपर्नेमा पनि चौंलागाईले जोड दिनुभयो ।
पर्दाफास दैनिक पत्रिकाका प्रकाशक एवं प्रवन्ध निर्देशक राघव साहको अध्यक्षतामा भएको कार्यक्रममा संविधानसभा सदस्यहरु, विचारी यादव, राजकुमार गुप्ता, जयप्रकाश थारु, प्रद्युम्न चौहान, नेकपाका पर्सा इन्चार्ज रामचन्द्र साह, पर्सा अध्यक्ष प्रभु हजरा, पर्साका सहायक प्रमुख जिल्ला अधिकारी ललित बस्नेत, प्रेस संगठन नेपालका केन्द्रीय सदस्य वृजलाल पासवान, पर्सा अध्यक्ष नीरज पिठाकोटे, अनेरास्ववियुका केन्द्रीय सदस्य प्रभाकर गुप्ता, शिवम साह, नेपाली कांग्रेस पर्साका सचिव श्याम पटेल, कानुन व्यवसायी संघका केन्द्रीय सदस्य प्रमोद साह लगायतको उपस्थिति रहेको थियो ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया