पर्सागढी नगरपालिकाका प्रमुख लोकनारायण यादवले सरुवा भइ गएका लेखाअधिकृत राम कुमार कुशवाहा बिरुद्ध कानूनी बाटो अख्तियार गर्ने बताउनु भएको छ । 

गत आर्थिक वर्षको अन्त्यसम्ममा काम सम्पन्न भएर पेश गरिएका प्रतिवेदन र बिल भर्पाई अनुसारको कागजातको आधारमा दिनु पर्ने भूक्तानी दिन नियतवस आनाकानी गरेकोले कारावहीको प्रक्रियामा जानु पर्ने अवस्था आएको उहाँले बताउनु भयो ।

उहाँले पर्सागढी नगरपालिकाको सभाकक्षमा आयोजना गरिएको पत्रकार सम्मेलनमा पत्रकारको सवालको जवाफ दिदै प्रमुख यादवले पदीय मर्यादाको ख्याल नगर कार्यालयको गाप्यता समेत भंग गरेकोले लेखा अधिकृत कारवाहीको भागीदार भएको बताउनु भयो ।

लेखा अधिकृतको बदनियतका कारण नगरपालिकाले कार्यदेश दिएर सम्पन्न भएका कामहरुको भूक्तानी समेत दिन नसकिएको उहाँले बताउनु भयो। शर्सत अनुदानको १ करोड भन्दा बढी रकम फ्रिज भएको समेत उहाँले जानकारी दिनु भयो ।

शर्सत अनुदानको काम सम्पन्न गरेर बिल भर्पाइ र प्रतिवेदन असार १४ गते नै लेखा प्रमुखलाई बुझाउदा समेत त्यसको भूक्तानी नदिइएको र भूक्तानी दिन नमिल्ने भए त्यसको बिषयमा कार्यालय प्रमुखलाई राय दिनु पर्नेमा त्यो पनि नदिएको उहाँले बताउनु भयो । 

पर्सागढी नगरपालिकाका निमित्त प्रमुख प्रशासकीय अधिकृत भरत यादवले आफू समक्ष लिखित वा मौखिक कुनै पनिरुपमा भूक्तानी दिन नमिल्ने भन्ने राय नआएको प्रष्ट पार्नु भयो । भूक्तानी दिन नमिल्ने भनेर कुनै फाइल पनि फिर्ता नआएको उहाँले बताउनु भयो । 

अधिकृत कुशवहाले सदैव आलटाल गर्नु भयो कहिले बिरामी भए कहिले छोराको जन्मउत्सव छ भन्दै कार्यालय आउनु भएन ,पहिला खाता खोल्न उहाँले अनाकानी गर्नु भयो , पछि सरुवाकोलागि सहमती माग गर्नु भयो उहाँको माँग अनुसार सरुवाको सहमती पनि कार्यालयले दियो ।

लेखा अधिकृत कुशवाहले आफले नै जेठ २३ सरुवा सहमती लिएको बताउनु भयो । उहाँले सरुवा आफैले माागेको बताउनु भयो । उहाँले आफूलाई पर्सागढी बस्नु छैन भन्दै कानून सम्मत सरुवाको आफनो माँग रहेको बताउनु भयो ।

कार्यालय आउदिन भनेका अधिकृत पर्सिपल्ट कार्यालयमा देखा पर्नु भयो र काम गर्छु भन्नु भयो नगरप्रमुख यादवले भन्नु भयो ठिकै छ हामीले सरुवा गर्न खोजेको होइन काम गर्नुहुन्छ भने ठिक छ भन्यौ तर उहाँले काम गर्ने भन्दा पनि अड्काउने काम ज्यादा गर्नु भयो ।

अन्तिम समय सम्म पनि उहाँले काम गर्नुहोला भन्ने हामीलाई लागेको थियो  प्रमुख यादवले भन्नु भयो ३० गते दिउसो २ बजे खाजा खान जान्छु भनेर हिडेपछि उहाँ आउनु भएन मोवाइल स्वीच अफ भयो राती १२ बजे पछि चेक काट्न मिल्ने अवस्था थिएन ।

यसरी धेरै उपभोक्ता समितिहरु अन्य साझेदारहरुले गरेको कामको भूक्तानी दिन नसक्ने अवस्था बन्यो ।  भूक्तानीकालागि  लेखा अधिकृतलाई कुनै दवाव नदिएको उहाँले बताउनु भयो । लेखा अधिकृत कुशवाहाले जे पायो त्यही गराउने कामै नगरि भूक्तानी दिन लागाए पछि आफूले नमानेको दावी गनुृ भयो । 

नगरपालिका संबिधानप्रदत बिधि प्रक्रिया र सम्बन्धित ऐन नियमका आधारमा कानून बमोजिम संचालन हुने भएको हुदाँ कुनै पनि दवावपुर्ण भुक्तानी यहाँ सम्भव नरहेको र कोहि कसैबाट दवाब नभएको नगरप्रमुख यादवले बताउनु भयो ।

कुशवाहालाई संघीय मामिला मंत्रालयले पर्सागढी नगरपालिकाबाट जिल्ला समन्व समिति पर्सामा सरुवा गरेको छ । सरुवा भएपछि आर्थिक हर हिसवा राख्ने सफ्टवेयर सुत्रको पासवर्ड समेत बदली गरेको प्रमुख यादवले बताउनु भयो ।

पासवर्ड बदली भएका  कारण कति रकम फ्रिज भयो अन्य अवस्था के छ भन्ने कुरा थाहा हुन नसकेको र यस बिषयमा प्रमुख जिल्ला अधिकारी र कोष तथा लेखा नियन्त्रण कार्यालय बीरगंजमा जानकारी गराइएको उहाँले जानकारी दिनु भयो । 

कुशवाहाले जेठ २८ मा सरुवा सहमती माग गर्नु भएको थियो । कार्यालयले उहाँको सरुवा प्रति सहमती पत्र सोही दिन दिएको थियो । साउन ५ गते चन ३६ को पत्र अनुसार संङ्घीय मामिला तथा सामान्य प्रशासन मन्त्रालयले कुशवाहालाई अन्यत्र काजमा खटाएको हो ।

कुशवाहाको संलग्नता र समर्थनमा भएको सरुवा प्रकरणमा पर्सागढी नगरपालिकालाई बिभिन्न खालको आक्षेप लगाउनु गलत भएको प्रमुख यादवले बताउनु भयो । 

पत्रकार सम्मेलनमा पर्सागढी नगरपालिकाका प्रवक्ता एवं वडा नं ८ का वडाध्यक्ष किसुनदेव यादवले कार्यालय प्रमुखले सदर नगरेको तोक नलगाएको फाइलहरुको लेखा अधिकृत कुशवाहाले आफूखुशी चेक काटेर वार्गेनिङ सम्म गर्ने गरेको बताउनु भयो ।

लेखा अधिकृतको आचरण घोर भत्र्सना योग्य रहेको उहाँले बताउनु भयो । लेखा अधिकउत कुशवाहाले ३० गते नै केही फाइलहरु सदर गरेर आफैले चेक काटेको कार्यालयले जनाएको छ ।

कार्यालयले पसागढी नगरपालिकामा जात थर र नाताका आधारमा निमित्त प्रमुख प्रशासकीय अधिकृतको नियुक्ति नभएको भन्दै यसको सम्पूर्ण प्रक्रिया आवश्यक ब्यस्थापन मंत्रालयले गरेको जनाएको छ । कार्यक्रमको सहजीकरण भने पर्सागढी नगरपालिकाका नायव सुब्बा गिरीराज कडेलले गर्नु भएको थियो ।