बीरगंज महानगरपालिकाका प्रमुख बिजय कुमार सरावगीले लोकतन्त्रको प्रतिफल नागरिकको घर दैलोमा पुर्याउने दायित्व जनप्रतिनिधिमा रहेको बताएका छन ।

टोल बिकास संस्थाको निर्माण अवधारण र अभ्यास सम्बन्धी एक दिने अभिमूखीकरण कार्यक्रमको शुक्रवार बीरगंजमा उद्धघाटन  गर्दै प्रमुख सरावगीले यस्तो बताएका हुन । 

वडाको बिकास आयोजनाको छनौट र त्यसको प्रथामिकता निर्धारणकालागि जनताको सहभागिता सुनिश्चत गर्न आवश्यक रहेको चर्चा गर्दै त्यसकालागि टोल बिकास संस्थाहरु निकै लाभदायी हुने स्पष्ट पारे । 

अहिले योजनाको छनौट आफनै तालमा गरिएको पाइएको छ । नागरिकका गुनासा आउने गरेका छन । आयोजना छनौटको एउटा प्रक्रिया स्थानीय तह संचालन ऐनले निर्दिष्ट  गरेको पनि छ ।

त्यसलाई कार्यान्वयन गर्न नागरिकको सहभागिता गर्न आवश्यक रहेको भन्दै प्रमुख सरावगीले योजना छनौटमा नागरिकको सहभागिता हुदा मात्र तल सम्म लोकतन्त्रको उपलब्धीको अभ्यास भएको ठहर हुने चर्चा गरे ।

बिकास निर्माणका काममा जनताको सहभागिताकोलागि टोल बिकास संस्थाको महत्वपूर्ण भूमिका हुने भन्दै सरावगीले टोल बिकास संस्था वडा कार्यालयको सहयोगी संस्थाको रुपमा रहेको बताए ।

उनले वडाध्यक्ष र सचिवहरुलाई टोल बिकास संस्थाको निर्माण मार्फत बिकास शान्ति र सुरक्षाको वतावरण बनाउने काममा ध्यान दिन आग्रह गरे । 

बीरगंजमा रहेका बिभिन्न टोल बिकास संस्थाले गरेको कामको उदाहरण दिदै प्रमुख सरावगीले नागरिकले लागत सहभागिताको आधारमा  ( जनताको ४० प्रतिशत र महानगरको ६० प्रतिशत) योजना माग्न आएको खण्डमा त्यही योजनालाई पहिलो प्रथामिकतामा राखेर उपलब्ध गराउन सजिलो हुने बताए ।

त्यसरी आउदा पहिलो प्रथामिकता त्यही योजाले पाउछ  प्रमुख सरावगीले भने “यसरी बिकासको काम गर्दा गुणात्मक र तोकिएको भन्दा बढी काम हुन्छ” । 

कार्यक्रममा जनता समाजवादी पार्टी पर्साका अध्यक्ष रामनरेश यादवले टोलबिकास संस्थाहरु सक्रिय भएको ठाउमा आर्थिक सामाजिक तथा सास्कृति सवलता बढी हुने बताए । उनले बिकास माग्ने मात्र होइन बिकास गर्नेकाममा सहभागि हुनकालागि टोलबिकास संस्था प्रभावकारी हुने बताए । 

कार्यक्रममा नेपाल पत्रकार महासंघका केन्द्रीय सदस्य के.सी.लामिछानेले स्थानीय जनताको माँग र दवावलाई ठिक रुपमा सम्बोधन गर्ने माध्यमको रुपमा टोल बिकास संस्थाको महत्व रहेको बताए । उनले समाजको बिकासकालागि त्यहीको समाज जुरुक्क उठन सक्नु पर्ने बताउदै टोल बिकास संस्थाले समस्या जस्को समाधानको पहलकदमी उस्कै भन्ने अवधारणालाई अगिंकार गर्ने बताए ।

जनप्रतिनिधिले बिकासको प्रवाहमा नागरिकलाई समावेश गराउन सक्ने संयन्त्र नै टोल बिकास संस्था भएको बताउदै आफनो समाजको राम्रो र प्रगती चाहने जनप्रतिनिधिले यो काममा सम्बेदशील हुन आवश्यक रहेको बताए । 

बीरगंज महानगरपालिकाको आर्थिक सहयोगमा सहयोगी नेपालको प्राविधिक सहयोगमा बीरगंज महानगरपालिकाको ३२  वटै वडामा ५ सय टोल बिकास संस्थाको निर्माण गरिने सहयोगी नेपालले जनाएको छ । 
वडा कार्यालयको सहयोगीको रुपमा टोल बिकास संस्थाको संरचना खडाहुने बिषयबिज्ञ तवरेज अहमदे बताए । समाजको शान्ति निर्माण , बिभिन्न समस्याको समाधानमा समाजले अनौपचारिक रुपमा काम गरिरहेको हुन्छ त्यसलाई औपचारिकता दिदै बिकास निर्माणका गतिविधिमा पनि नागरिक सहभागिताकोलागि टोलबिकास संस्थाको अवधारणा बिकास भएको अहमदले बताए ।

टोल बिकास संस्थालाई नेपाल सरकार तथा बीरगंज महानगरपालिकाले समेत स्वामित्व लिएको भन्दै अहमदले टोल बिकास संस्थाको निर्माणले समाजको आधारभूत तह सम्म प्रजात्नत्रको उच्च अभ्यास र त्यसको प्रतिफलको पहुच स्थापित हुने बताए । 

पहिलो चरणमा बीरगंज महानगरको वडा नं १ देखी १५ सम्म एक एक वटा टोल बिकास संस्थाको गठन हुने र अन्य वडामा अली बढी संस्थाहरु निर्माण गरिने अर्का बिषय बिज्ञ रितेश त्रिपाठीले बताए ।

पहिलो दिन वडा नं १ देखी १६ का वडाध्यक्ष एवं सचिवको अभिमूखी करणमा सहभागिता रहेको थियो । वडा नं ६ का वडाध्यक्ष ध्रुव नेपालको अध्यक्षतामा भएको कार्यक्रममा वडाध्यक्ष प्रदीप चौरसियाले धन्यवाद ज्ञापन गरेका थिए । कार्यक्रमको संचालन अफरोज आलमले गरेका थिए ।