बीरगंज ४ बैशाख । 
बैशाख १ गते बीरगंजको छपकैयामा रहेको यतिम खानाको आश्रय स्थलमा बस्दै आएका तीन जना भारतीय मुस्लिम धर्मप्रचारकमा कोरोनाको संक्रमण पुष्टि भएपछि मध्य तराईमै गम्भिरता ब्याप्त भयो । कोरोना संक्रमण रोकथामको कमाण्ड पोष्ट पर्साले छपकैया  क्षेत्रलाई सोही दिन शिल गर्यो ।

बीरगंज महानगरपालिकाले सबै वडाहरुलाई रकम बिनियोजन गरेर राहत बितरणको जिम्मेवारी वडा स्तरमा हस्तान्तरण गरेको छ । सर्वदलीय सयन्त्र मार्फत नामावली संकलन गर्ने र राहत बितरण गर्ने जिम्मेवार वडामै छ । ति वडाहरुमा राहत बितरण पनि भएको थियो ।

तर आइतवार देखी शिल भएको क्षेत्रमा फेरी पनि खाद्यन्न अभाव भएको कुरा संचार माध्यम र केही नेताका बिज्ञप्ति र अन्र्तवार्ता  मार्फत सार्वजनीक गरिए । 

संकटको बेलामा हो नेतृत्वको इमानको परिक्षा हुने । वास्तवमा उ जनताप्रति कति जिम्मेवार र जवाफदेह छ भन्ने कुरा संकटको बेलामा पुष्टि हुन्छ । सार्वजनीक संचार माध्यमको उपयोग गरेर बिभिन्न माँगहरु तेस्र्याउनेहरुकालागि त्यही नै उनीहरुको काम भन्ने बुझाई हुन सक्छ ।

असहज परिस्थितिमा  आफनो ज्यानलाई जोखिममा हालेर जनसेवामा समर्पित हुने नेतृत्व नै जनाताको असली मित्र हुन्छ । अहिले बीरगंज महानगरका प्रमुख बिजय सरावगीले आफूलाई जनताको असल मित्रका रुपमा प्रस्तुत गर्नु  भएको छ ।

महानगरको प्रमुखले निर्देशन दिएकै भरमा धेरै काम हुन सक्छ । तर काम ठिक रुपमा भएको छ की छैन भन्ने कुरा सुनिश्चित गर्न र नागरिकलाई उत्साह र उत्प्रेरणा भर्न आफै कार्यस्थलमा कुद्नुले यो कुराको पुष्टि गरेको छ । 
तीन जना कोरोना संक्रमीत फेला परेपछि बीरगंज महानगर निकै जोखिममा परेको छ त्यसको प्रमुखको नाताले आफना नागरिकको जीवन रक्षाकालागि अप्नाउनु पर्ने सर्तकर्ता लिनु पर्ने निर्णयका सन्दर्भमा सरावगीले देखाउनु भएको सुझबुझले नागरिकलाई राहत महशुस भएको छ । 

वीरगंज महानगरपालिकाको वडा नम्बर २ आज मा करिब १५ सय परिवारलाई पुग्ने एक ट्रक खाद्यान्न सामग्री लिएर आफै जानुभएको दुश्यले पनि यो कुरा स्थापित गरेको छ ।

कोरोना संक्रमित व्यक्ति वडा नम्बर २ को एक मस्जिदमा भेटिएसँगै त्यस क्षेत्र गएको आइतबारदेखि सिल हुँदा त्यहाँ खाद्यान्न तथा अतिआवश्यक वस्तुको अभाव भएको थियो ।

आफ्ना नागरिक समस्यामा रहँदा आफू हेरेर बसिरहन नसक्ने भन्दै खाद्यान्न वडा कमिटीको जिम्मा लगाउन मेयर सरावगी आफैँ त्यस ठाउँमा पुग्नुभएको हो ।

वडा नम्बर २ का साथै त्यसआसपासका वडाहरु ३ र १६ का केही क्षेत्र पनि सिल गरिएको छ । स्थानीय प्रशासनले कोरोना संक्रमण फैलन नदिन त्यस ठाउँलाई सिल गरे पनि अतिआवश्यक खाद्यान्न तथा दैनिक उपभोग्य वस्तुको वितरण नमिलाउँदा यहाँका मानिसहरु भोकभोकै पर्न थालेका थिए ।