बीरगंज । बिन्दवासीनी गाउँपालिकाको दुषीत राजनीतिको मूल्य त्यहाका बिद्यार्थीले चुकाउनु परेको छ । सरकार संचालनमा सक्षमता पूर्वक काम गर्न नसकेपछि बिन्दवासीनीको राजनीति दुषीत भएको हो ।

गाउँपालिकाका प्रमुख प्रमोद तिवारी शिक्षा क्षेत्रबाट सेवा निवृत अधिकृत हुन । शिक्षामा उनको दख्खल र ज्ञान निकै छ भन्ने सामान्य अनुमानको ठिक बिपरित उनले हासिल गरेको बिज्ञयताले नै शिक्षा क्षेत्रमा समस्या आएको बताउन थालिएको छ ।

विन्दवासिनी गाउँपालिका – २ बहुअर्वा भट्ठास्थित श्री राधाकृष्ण चौरसिया माध्यमिक विद्यालय ,झौवागुठी स्थित माध्यामिक बिद्यालय र गर्दौल स्थित माध्यामिक बिद्यालयका स्वास्थ्य तथा विज्ञान विषय शिक्षक सहित गाउँपालिका भर २० जना शिक्षकको सरुवा भएको छ । बहुवर्वा भाठामा बिद्यार्थीले शिक्षक सरुवाको बिरोध गर्दै आएका छन ।

पठनपाठनको विषयलाई लिएर विरोधमा उत्रेका विद्यार्थी र प्रहरीबिच झडप हुँदा आधा दर्जन विद्यार्थी घाइते भएका हुन् । घाइते बिद्यार्थीहरुलाई उपचारकोलागि बीरगंज ल्याउदै गरिएको छ । सो क्रममा विद्यार्थी र प्रहरीबीच झडप हुँदा कृष्ण मुखिया, विशाल कुमार यादव, अरबिन्द पटेल, निरज यादव, खेम बहादुर गोढ र अनुराग कुमार यादव घाइते भएका हुन्।  

शिक्षक सरुवा भयो समस्या

नेपाल राष्ट्रिय माध्यामिक बिद्यालय गर्दौल , झौवागुठी र बिद्यार्थीहरु श्री राधाकृष्ण चौरसिया माध्यमिक विद्यालय बहुवर्वाभाठका बिद्यार्थीहरु आन्दोलीत भएका हुन ।

गर्दौल माध्यामिक बिद्यालयमा स्थायी नियुक्तिका शिक्षकले प्रधानाध्यापकको जिम्मेवारी निर्वाह गरिरहेको ठाउमा गाउँपालिकाले धर्मेन्द्र चौवेलाई प्रधानाध्यापक बनाएर पठाएको छ ।

चौवे शिक्षक महासंघका गाउँपालिकाका अध्यक्ष हुन । उनी गाउँपालिकाका अध्यक्ष प्रमोद तिवारी नजिकका मानिन्छन । उनी राहत शिक्षक हुन । यद्धपी चौवे आफै प्राधानाध्यापकको जिम्मेवारी लिन इज्छुक नरहेको स्रोतले जनायो । उनले शिक्षक महासंघको अध्यक्षको जिम्मेवारीमा बसेर अनैतीक काम गर्न नहुने भन्दै पन्छिन खोजेका छन ।

गाउँपालिकाले बटसौराको प्रथामिक बिद्यालयमा त्याहा कार्यरत पाण्डेय थरका प्रधानाध्यापकलाई सरुवा गरेर गाउँपालिका अध्यक्षका निकट मानिने तिवारी थरका शिक्षकलाई प्रधानाध्यापकको रुपमा सरुवा गरेको छ ।

सरुवाका यि केही दृष्टान्त हुन । यही सरुवाका कारण बिन्दासिनीको शिक्षा क्षेत्रमा समस्या पैदा भएको छ । गाउँपालिका अध्यक्ष प्रमोद तिावरी भने शैक्षीक क्षेत्रको सुधारकालागि सरुवा गरिएको दावी गर्छन ।

उनले पुराना शिक्षकको सरुवा र नयाँ डाइनामिक शिक्षकहरुको पठाउने काम काम गरेर सुधार गर्न खोज्दा बिद्यार्थी उचालेर समस्या सृजना गरिएको आरोप लगाए । उनले बहुवर्वा भाठा स्थित बिद्यालयको बिज्ञान तथा कम्युटर ल्याव तोडफोड समेत गरिएको बताए ।

उनले बिद्यार्थी उचालेर शैक्षीक क्षेत्र सुधारको कामलाई अवरोध गर्न खोजिएको बताए । उनले बिद्यार्थीलाई कुनै कुटपीट नभएको बताए । बरु उल्टै आफनो कार्यालयका सहयोगी घाइते भएको बताए । बिद्यार्थीले हानेको ढुङ्गा लागेर कार्यालय सहयोगी घाइते भएको बताए तर उनले नाम भने बताउन चाहेनन ।

अध्यक्ष तिवारीले बिद्यार्थीहरुले लगाएको पट्टी नक्कली भएको दावी गरे । उनले बेटाडिन लगाएर सेतो पट्टी बाँधेको दावी गर्दै प्रहरीले कुनै लाठीचार्ज नगरेको दावी गरे ।

बिद्यार्थी के भन्छन

बिद्यार्थीले भने गाउँपालिका र बिद्यालय प्रशासकलाई गम्भिर आरोप लगाएका छन । उनीहरुको आरोप सही हो भने बिन्दवासीनी गाउँपालिकाको शिक्षाको अवस्था निकै नाजकु र गैरजिम्मेवार रहेछ भन्न सकिन्छ ।

बिद्यालयले परिक्षा शुल्क लिन्छ तर बिद्यार्थीले परिक्षामा उत्तर पुस्तिका आफै लिएर आउनु परेको गुनासो गरेका छन । उनीहरुले परिक्षाको नाममा उठेको पैसा बिद्यालय प्रशासकले खाने गरेको आरोप लगाएका छन ।

बिद्यार्थीको खाजाको पैसा समेत बिद्यालय प्रशाकसले खाएको उनीहरुको गुनासो छ । यसमा गाउँपालिकाका शिक्षा शाखाका प्रमुखले पनि भाग पाउने उनीहरुको आरोप छ । १ सय ८० दिनको खाजाको पैसाको निकासा हुने गरेको भएपनि ३० दिन मात्र खाजा खुवाउने गरेको बिद्यार्थीको आरोप छ ।

किन गएका थिए बिद्यार्थी गाउँपालिका

बिद्यार्थी पढाई नभएको गुनासो सुनाउन गाउँपालिका गएका थिए । तर उनीहरुको गुनासो त सुनिएन प्रहरी लाठी बर्सायो । बालिग नभएका बिद्यार्थीमाथि प्रहरीको यो र्ववरता मानव अधिकार बिरोधी हर्कत भएको अधिकारर्कीहरुको टिप्पणी छ ।

माँगको सम्बोधनकालागि प्रर्दशन गर्नु नारा लगाउनु धर्ना गर्नुलाई छुट नै छ तर निर्दोष बिद्यार्थीलाई लाठी हानेर घाइते बनाएर मानव तथा वाल अधिकारको गम्भिर उल्लंघन गरिएको छ ।

लाठीचार्ज गर्न आदेश दिने कमाण्डर बिरुद्ध कारवाहीको माँग गरेर अधिकारकर्मीहरुले राष्ट्रिय मानव अधिकार आयोगमा उजुरी हाल्ने तयारी समेत गरेका छन । बिद्यार्थीले आफनो बिद्यालयमा अध्यापन गराउदै आएका शिक्षकहरुले पढाएको आफूहरुले बुझने गरेको उहाँहरु राम्रो भएकोले सरुवा नगर्न माँग गर्न आएका बताए ।

उनीहरुले प्रधानाध्यापक नचाहिने उनले राम्रो काम गर्न नसकेकोले हेडमास्टर फेर्न माँग गर्न आफूहरु गाउँपालिकामा आएको बताए । स्थानीय सरकार समक्ष आफना माँग लिएका गएका बिद्यार्थीहरुमाथिको यो लाठीचार्ज निकै शर्मानाक रहेको छ । बिद्यार्थीका माँगहरु सुन्न सक्ने धैर्यता गुमाउन निरंकुश चरित्र प्रर्दशीत गर्नु मात्र हो ।