प्रसिद्ध समाजसेवी चीरन्जीवीलाल सरावगीको निधन प्रति प्रदेश २ का मुख्यमंत्री लालबाबु राउतले दुःख ब्यक्त गर्नु भएको छ । सामाजिक संजाल माफर्त मुख्यमंत्री राउतले स्व. सरावगी प्रति श्रद्धाञ्जली ब्यक्त गर्नु भएको छ ।

 
नेपाल पत्रकार महासंघ प्रदेश २ का अध्यक्ष दीपेन्द्र चौहानले पनि एक शोक सन्देश जारी गर्दै स्व. सरावगी प्रति श्रद्धान्जली ब्यक्त गर्नु भएको छ । अध्यक्ष चौहानले स्व. सरावगीले पत्रकारितामा संलग्न भएर गर्नु भएको योगदानको समेत स्मरण गर्नु भएको ।

उहाँले सरावगीको अवसानले समाजले बिराट समाजसेवी गुमाउनु परेको उल्लेख गर्नु भएको छ । यसैगरि उपभोक्ता हित संरक्षण मंच प्रदेश २ का अध्यक्ष के.सी.लामिछानेले उपभोक्ताको हक र अधिकार प्रति सदैब चिन्तित रहने ब्यक्तित्वको अवसान भएको उल्लेख गर्नु भएको छ ।

समाजका बिभिन्न सरोरकार समुहमा रहेर समाजलाई नेतृत्व प्रदान गर्नु भएका सरावगीको अवसानले समाजलाई निकै ठुलो क्षती भएको उल्लेख गर्नु भएको छ । उहाँले सरवागी प्रति श्रद्धाञ्जली ब्यक्त गदैै शोक सन्तप्त परिवारजनमा समवेदना ब्यक्त गर्नु भएको छ ।

यसैवीच जनता समाजवादी पार्टी पर्साका अध्यक्ष राजेशमान सिंहले पनि एक शोक बिज्ञप्ति जारी गर्दै स्व.सरावगी प्रति श्रद्धाञ्जली अर्पण गर्नु भएको छ ।  बीरगंजका स्थापीत समाजसेवी स्व. सरावगीको असामयिक निधनले समाज र पार्टीले गम्भिर क्षती ब्यहोर्नु परेको उहाँले उल्लेख गर्नु भएको छ । उहाँले  दुःख को यो घडीमा परिवारजनमा धैर्य धारण गर्ने शक्ति मिलोस भन्नु भएको छ । 

यसैवीच नेपाल भारत सहयोग मंचका  महासचिव बालमुकुन्द खरेलले पनि सरावगीको अवसानले अपूरणीय क्षती पुगेको उल्लेख गर्नु भएको छ ।

नेपाल आदीवासी जनजाती पत्रकार महासंघ प्रदेश २ इन्चार्ज तथा प्रेस संगठन पर्साका संयोजक निरज पिठाकोटेले पनि शोक बक्तब्य जारी गर्दै सरावगीको असामयिक निधनको खबरले स्तब्ध बनाएको उल्लेख गर्नु भएको छ । 

बीरगंजको औधोगिक क्षेत्रको नेतृत्व ,मारवाडी परिषद र लायन्स क्लबको गर्भनर भएर समाजमा दिनु भएको योगदान चीरस्थायी रहने भन्दै मगरले भावपूर्ण श्रद्धाञ्जली ब्यक्त गर्नु भएको छ ।

नेत्रज्योति सघका महासचिव श्याम पोख्रेलले पनि सरावगीको निधनले संघले असल सल्लाहकार गुमाएको भन्दै श्रद्धाञ्जली ब्यक्त गर्नु भएको छ ।

यसैगरि स्व सरावगी प्रति समाजका हरेक संघ संस्थाले श्रद्धाञ्जली ब्यक्त गरेका छन । नेपाल फोटो पत्रकार महासंघ पर्साका अध्यक्ष बिजय चौहानले पनि स्व. सरावगीको निधनले समाजमा अपुरणीय क्षती भएको उल्लेख गर्नु भएको छ ।

स्व. चीन्जीवीलाल सरावगीको ७८ वर्षको उमेरमा उपचारको क्रममा निधन भएको हो । सोमवार राती १२ बजे काठमाण्डौ ग्राण्डी अस्पतालमा उहाँको निधन भएको हो । 

गएको साउन २२ गते उहाँमा कोरोना भाइरसको संक्रमण पुष्टि भएको थियो । संक्रमण देखिएपछि उहाँलाई उपचारकालागि काठमाण्डौ लगिएको थियो ।  

साउन २४ गते गण्डी अस्पतालमा भर्ना हुनु भएका उहाँ भदौ दुई गते कोरोना संक्रमणबाट मुक्त हुनु भएको थियो । 

। मुटु र मृगौलामा जटिल समस्या देखिएपछि उहाँको अति सघन कक्षमा राखेर उपचार गरिएको थियो । उहाको भदौ १५ गते विहान १० वजे काठमाडौं स्थित पशुपति आर्यघाटमा दाहसंस्कार भइरेको छ ।  

वीरगन्जमा २००० सालमा जन्मनु भएका सरावगी समाजसेवीको रुपमा स्थापित हुनुहुन्थ्यो । उहाँ लेवीरगन्ज उधोग बाणिज्य संघको पुर्व अध्यक्ष, मारवाडी परिषदको केन्द्रीय अध्यक्ष, लायन्स क्लवको गभर्नर लगाएत धेरै सामाजिक संघ संस्थाको नेतेत्व गरिसक्न भएको थियो । उहाँका दुई छोरा र एक छोरी हुनुहुन्छ ।