गैर नागरिकहरुले मिति गुज्रिसकेका खाद्यान्नहरुमा फेरि नयाँ मिति हालेर बजार पठाउने र नेपाली उपभोक्ताको धन र  स्वास्थ्यमा  गम्भिर खेलवाड गरेको कुरा प्रकाशमा आएको छ ।

१९ असोजमा प्रहरीले वीरगञ्ज महानगरपालिका– १० आदर्शनगरस्थित एएसटी प्रालिको तीनवटा गोदाममा छापामारि गरि म्याद गुज्रेको सामान बरामद गर्यो । 

गोदाममा ५ लाख ९६ हजार ६ सय ६० रुपैयाँको म्याद नाघेका सामाग्री भेटिएको उपभोक्ता हित संरक्षण कार्यालयले जनाएको छ । गोदाममा लोटस ४९ कार्टुन, जिएसएम क्लासिक एक्स पी १६ कार्टुन, लिलि स्टार एक्सपी ४ कार्टुन, एसएम म्याजिक एक्सपी २३ कार्टुन, आल्मुनियम पेस्ट २८ ड्रम, क्याल्सियम प्रोपिनेट पाउडर ( विस्कुट पाउरोटीमा प्रयोग गरिने ) १७ बोरा फेला परेको थियो ।

बरामदी मुचुल्कामा प्रा.ली.को प्रतिनिधिका रुपमा नेपाली नागरिकता लिन सफल भारतीय नागरिक पवन भंगेरियाले हस्ताक्षर गरेका छन । भंगेरीया कम्पनीका तीन साझेदार मध्य एक हुन । 

१५ असोजमा काठमाण्डौको वाफल र कालिमाटी गोदाममा  छापामारी गर्यो । आयान डिस्टिब्युटर्सले मिति गुज्रिएका सामानमा नयाँ मिति हाल्दै बजारमा पठाइरहेको छ भन्ने पुष्टि भयोे ।

म्याद गुज्रिएका  सामानमा नयाँ मिति हालेर पठाएको आरोपमा विशाल ग्रुपसँग सम्बन्धित आयान डिस्ट्रिब्यूटर्सका सन्चालक पुष्पा अग्रवाल, रोनक बोथ्रा कारवाहीमा छन् । बोथ्रा त अहिले हिरासतमा नै रहेका छन् ।  बोथ्रा भारतीय नागरिक हुन । 

असोज १८ मा प्रहरीले कलंकीमा एउटा पाँचतले घरमा छामापारी गर्यो ।  पाँच तले यो घरमा पनि त्यस्तै पहिले मिति गुज्रिएका सामानमा नयाँ मिति हालेर बजारमा पठाउने काम गरिएको भन्ने पुष्टि भयो । प्रहरीले मुख्य ब्यक्ति अनिल बंका सहित सात जानालाई समातेर तत्काल छोड्यो ।

अनिल बंका पनि भारतीय नागरिक हुन । एउटै प्रकृतिको केशमा प्रहरीले दुई खालको नीति लियो  । बोथ्रालाई थुन्नु र बंकालाई छोडनुको पछाडी प्रहरी र बंकावीचको सेटिङनै कारक हो । 

 वीरगञ्ज महानगरपालिका– १० आदर्शनगरस्थित एएसटी प्रालिका  मालिक प्रवीण बंका हुन ।केही वर्ष पहिला बीरगंजको एक औधोगिक घरानामा जागीर गर्ने भारतीय नागरिक बंकाले  उच्च राजनीतिक घरानीयासंगको सम्बन्ध र आर्थिक नजराना दिएर नेपाली नागरिकता हत्याएका छन ।

मुलत उनी  भारतीय नागरिक नै हुन । उनका अर्का साझेदार सुमित अग्रवाल पनि भारतीय नागरिक हुन । भारत बिहारको मुज्जफरपुरमा सैलुन संचालनको पृष्ठभूमी भएका पवन भंगेरिया पनि नेपाली नागरिकताको प्रमाणपत्रधारी भारतीय हुन ।

उनले मेशीनरी पार्टको ब्यपारमा राजस्व छलेर करोडौ कमाए पछि नातेदार समेत रहेका प्रवीण बंका मार्फत अखाद्य बस्तु बेचेर  नेपाली उपभोक्ताको स्वास्थ्यसंग खेलवाड गर्दै आइरहेका छन । उनले नेपाली उपभोक्ताको स्वास्थ्य प्रतिकूल हुने बस्तुको ब्यापार मात्र गरेका छैनन आर्थिक रुपमा नेपालीलाई कमजोर समेत बनाउदै छन । 

व्यावसायीहरु उपभोक्ता अधिकारप्रति संवेदनशील छैनन् । व्यापारीले अखाद्य वस्तु बजारमा ल्याएर नागरिकको स्वास्थ्यमा खेलवाड गरेका छन् । नेपाल डम्पिङ साइट बनेको छ ।

 नियमकारी निकायले उपभोक्ताले अनुभूति गर्ने गरी काम गरेको छैन । गुणस्तरीय वस्तु र सेवा दिएका छैनन् । वस्तुको लेबललाई राम्रो बनाउनुपर्नेमा गराइएको छैन ।

भ्रमपूर्ण विज्ञापन गरेर सामग्री बिक्री गरेका छन् । आयातकर्ता र उद्योगीहरुले आफ्नो कानुनी दायित्व पूरा गरेका छैनन् । कानुनले नगर्न भनेका काम गरेका छन् ।  

व्यापारीले दबाब दिएर उन्मुक्ति पाउँदै आएका छन् । नियमकारी निकायमाथि पनि राजनीतिक दबाब छ । म्याद सकिएको सामानमा रिलेबलिङ गर्ने र बजारमा पठाउने समूह कानूनको दायरा भन्दा बाहिर रहनुले त्यही कुरा देखाएको छ ।