लैङ्गिक हिंसा न्यूनिकरण एंवम पीडि़त सहायता सम्बन्धी कानून बनाउने मुख्यमंत्री राउतको प्रतिवद्धता,बीरगंजमा पुर्नस्थापना केन्द्र बन्ने
प्रदेश २ का मुख्यमंत्री लालबाबु राउत गद्धीले लैङ्गिक हिंसा न्यूनिकरण एंवम पीडि़त सहायता सम्बन्धी प्रदेश सरकारले कानून बनाउने प्रतिवद्धता ब्यक्त गर्नु भएको छ ।
शनिवार बीरगंजमा जिल्ला प्रहरी, लेडिज सर्कल र मेपुटी मेयर क्लबले लैङ्गिक हिंसा न्यूनिकरण एंवम पीडि़त सहायता एकिकृत प्रयासको अपरिहार्यता सम्बन्धी अन्तरक्रिया कार्यक्रमलाई सम्बोधन मुख्यमंत्री राउतले यस्तो बताउनु भयो ।
उहाँले लैङ्गिक हिंसा न्यूनिकरणका सम्बन्धमा पर्सा प्रहरीले लिएको पहलकदमीलाई आठै जिल्लामा पुर्याउने बताउनु भयो । मुख्यमंत्री राउतले उेन बनाएर लैङ्गिक हिंसा न्यूनिकरण एंवम पीडि़त सहायताका सम्बन्धमा दीर्घकाल सम्म सेवा प्रवाहको ब्यवस्था मिलाउने बताउनु भएको हो ।
उहाँले शिक्षाको अभावमा महिलाहरु हिंसा परेको चर्चा गर्दै महिलाहरुको आत्मबल बलियो बनाउनकालागि नै बेटी पढाई बेटी बचाईको अभियान संचालन गरिएको बताउनु भयो ।
उहाँले बैदेशीक रोजगारीमा गएका पुरुषहरु तेश्रो लिगी समुदायका ब्यक्तिहरु पनि ंिहंसामा परेको उहाँको भनाई थियो ।
महिंला हिसा न्यूनिकरणको लागि शिक्षामा जोड नदिएसम्म परिवर्तन ल्याउन नसकिन बताउँदै मुख्यमन्त्री गद्दीले शिक्षाको अपरिहार्यता औल्याए ।
हुन त अशिक्षित समाजमा मात्रै होइन शिक्षित समाजमा पनि हिंसाको घटना हुने गरेकोले महिला हिंसा न्युनिकरण गर्न शिक्षाको साथसाथै चेतनाको जरुरी पनि रहेको बताउनु भयो ।
उहाँले आर्थिक निर्णय पनि महिलाले लिन पाउने आधार निर्माण भयो भने महिला हिंसा न्यूनिकरण हुने उहाँको भनाई छ ।
पर्साका प्रमुख जिल्ला अधिकारी आस्मान तमाङको अध्यक्षतामा भएको कार्यक्रममा जिल्ला प्रहरी कार्यालय पर्साका उ्रहरी उपरिक्षक गंगा पन्तले कार्यपत्र प्रस्तुत गर्दै लैगिंक हिंसामा परेका महिलाहरुले भोग्नु परेको पीडाको बारेमा प्रकाश पार्नु भएको थियो ।
उहाँले समस्यामा परेका महिलाहरुको उद्धार, संरक्षण लगायतका बिषय राज्यको दायित्व भित्र रहेको चर्चा गर्दै सबै जिम्मेवार निकायको एकिकृत प्रयास आवश्यक रहेको बताउनु भयो ।
उहाँले लैगिक हिंसामा परेका महिलाहरुमा पर्ने प्रभावको चर्चा गर्दै साइको सोसिइल काउन्सेलिङको समेत ब्यवस्था गर्नु पर्नेमा जोड दिनु भयो ।
प्रदेश सांसद ओमप्रकाश शर्माले जिल्ला प्रहरी कार्यालयमा रहेको थुनुवा कक्षाको बिस्तार गर्नु पर्ने जरुरी रहेको बताउनु भयो । उहाँले भन्नुभयो हाम्रो प्रहरी कार्यालयको एउटा थुनुवा कक्षमा १५ देखी २० जना राख्ने गरिन्छ । त्यसलाई म अत्याचार नै भन्छु । त्यही भएर यसतर्फ हामी सबैको ध्यान जान पनि जरुरी रहेको छ ।’’
कार्यक्रममा आफ्नो धारणा राख्ने क्रममा प्रदेश सांसद रमेश कुर्मीले पीडित सहायताको लागि आफ्नो एक महिना बराबरको तलब सहयोग गर्ने प्रतिबद्धता जनाएका थिए ।
कार्यक्रम मै वीरगंज महानगरपालिकाका मेयर विजय कुमार सरावगीले पीडित सहायताको लागि महानगरको तर्फबाट रु ५ लाखको चेक पर्सा प्रहरी प्रमुख प्रहरी उपरिक्षक गंगा पन्तलाई हस्तानान्तरण गर्नु भएको थियो ।
उहाँले महिलाहरुकोलागि पूर्नस्थापना केन्द्र निर्माणकालागि महानगरले जिल्ला प्रहरी कार्यालय छेउमा रहेको जमिन उपलब्ध गराउने समेत उहाँले प्रतिवद्धता जनाउनु भयो ।
उहाँले भन्नु भयो “पीडामा परेका महिलाहरुलाई सेवा दिनकालागि पूर्नस्थापना केन्द्र निर्माण हरेक स्थानीय तहको जिम्मेवारी हो अहिले एक्लैले नसके पनि सहकार्य गरौ र यो कामलाई सम्पादन गरौ ” ।
यस्तै पीडित सहायताको लागि पर्साको विभिन्न पालिकाहरुले पनि सहयोग गर्ने प्रतिबद्धता जनाएका छन् । जगरनाथपुर गाउँपालिकाका प्रमुख जालिम मियाले ३ लाख ५० हजार , पटेर्वा सुगौलीका प्रमुख हरिनारायण चौधरीले ३ लाख रुपैया उपलब्ध गराउने प्रतिवद्धता जनाएका छन ।
कार्यक्रममा प्रदेश सांसद, पालिका प्रमुख, उप–प्रमुख, पत्रकार लगायतको सहभागिता रहेको थियो ।
कार्यक्रमको सहजीकरण पोखरिया नगरपालिकाकी उप–प्रमुख सल्मा खातुनले गर्नु भएको थियो ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया