जनकपुरधाम । मधेश प्रदेश सरकारका गृह सञ्चार तथा कानुन मन्त्री राजकुमार लेखीले बलात्कारीलाई संरक्षण गर्ने काममा लाग्ने जो कोहीलाई पनि कारवाहीको दायरामा ल्याउनु पर्ने बताएका छन । 

मन्त्रालयमा शुक्रवार पत्रकार सम्मेलनको आयोजना गरि मन्त्री लेखीले यस्तो बताएका हुन । सिराह जिल्लाको नवराजपुर गाउँपालिकामा उक बालिकाको बलात्कार पछि शंकास्पद मृत्यु भएको घटनाका दोषीलाई संरक्षण गर्न स्थानीय अगुवाहरु नै लागेको पाइएपछि गृहमन्त्री लेखी आक्रमक रुपमा प्रस्तुत भएका छन । 

मन्त्री लेखीले स्थानीय प्रशासक सहित पीडितको घरमा पुगेर उनीहरुको गुनासो सुनेका छन । पीडित परिवारले न्यायकालागि गरेको आग्रहलाई मन्त्री लेखीले गम्भिरता पूर्वक लिएका छन ।

 उनले अपराधी जोगाउने काममा आफनै पार्टीका नेता कार्यकर्ता लागेको भएपनि उनीहरुले उन्मुक्ति नपाउने बताएका छन ।

रिंकु सदा बलात्ककार प्रकरणमा बलात्कारको आरोप लागेकाहरुलाई बचाउन स्थानीय सामाजिक अगुवाले दुई लाखमा सौदा गरेको कुरालाई मन्त्री लेखीले अक्षम्य भनेका छन ।

समाजले न्यायकालागि काम गर्नु पर्नेमा अन्यायीहरुलाई संरक्षणमा लिप्त हुनु सभ्य समाजकालागि कलंक हुने उनले बताए । 

बलात्कार र हत्या जघन्य अपराध हो मन्त्री लेखीले भने “  यस्तो जघन्य अपराधिक घटना मिलाउन, पञ्चायती गरि लाख दुई लाख लिएर चुप लाग भनेर पीडितलाई दवाव दिनु सर्वथा अनुचीत रहेको छ” ।

उनले घटनाका बारेमा सत्य तथ्य सूचना दिनु पर्ने नागरिक दायित्वबाट स्थानीयहरु चुकेको बताएका छन । अपराधीक घटना लुकाउन स्थानीयहरु पनि लागेको देखियो मन्त्री लेखीले भने “मानव अधिकार पत्रकार सुरक्षा निकायलाई घटनाको बारेमा सूचना दिनु पर्नेमा प्रहरीलाई मिलाएर घटना स्थानीय रुपमै सामसुम पार्नु खोज्नुले समाज पथभ्रष्ट  भएको बताए ” ।

मन्त्री लेखीले जसले जसरी अपराधी जोगाउने प्रयास गरे पनि त्यो सफल नहुने ठोकुवा गरे । उनले आरोपीतलाई  जोगाउन शक्तिको दुरुपयोग गर्न खोज्ने पंचहरुलाई समेत कानुनको दायरामा ल्याइने बताए। मन्त्री लेखीले सामाजिक न्यायकालागि कसैसंग सम्झौता नहुने बताउदै  पीडितले न्यायको अनुभूती गर्ने वतावरण बनाइने बताए । 

मन्त्री लेखी संगै रहेका मधेश प्रदेशका प्रहरी प्रमुख लालमणी आचार्यले प्रहरी निरिक्षकको नेतृत्वमा एक विशेष टोली खटाइएको र छिट्टै अपराधी सम्म पुग्ने गरि काम भइरहेको बताए ।

उनले  छिट्टै अपराधी सहित प्रहरी उपस्थित हुने बताए । आचार्यले अपहरण पछि सामुहिक बलात्कार गरेको घटनालाई ढाकछोप गरि पंचायती गरि मिलापत्र गर्न दवाब शृजना गर्ने ८ जना बिरुद्द उजुरी दर्ता भएको बताए ।  

अपहरण गरि सामुहिक बलत्कार गरि हत्या गरेको घटनालाई पंचायती गरि मिलापत्र तथा लेनदेन गर्न खोजेको कसुरमा पुरक मुद्दा दायर गरिएको र आरोपित हरुको खोजी कार्य भइरहेको आचार्यले बताए । 

 पत्रकार सम्मेलनमा गृह सञ्चार तथा कानुन मन्त्रालयका सचिव उद्वव प्रसाद रिजाल सहितको उपस्थिति रहेको थियो ।