वरिष्ठ पत्रकार स्वतन्त्रता सेनानी रिसालको निधन, महासंघ दुःखीत
वीरगंज । नेपाली पत्रकारिता क्षेत्रका मूर्धन्य व्यक्तित्व प्रेस स्वतन्त्रता सेनानी वरिष्ठ पत्रकार भैरव रिसालको ९७ वर्षको उमेरमा निधन भएको छ ।
रिसालको उपचारका क्रममा चैत्र २४ गते आइतबार साँझ काठमाडौंको पुरानो बानेश्वरस्थित फ्रण्टलाइन अस्पतालमा निधन भएको हो ।
वरिष्ठ पत्रकार रिसाल २०७७ सालसम्म नेपाल पत्रकार महासंघ काठमाडौं शाखामा आवद्ध रही महासंघमा सक्रिय हुनुहुन्थ्यो । यस दौरान उहाँले महासंघ भक्तपुर शाखामा सल्लाहकारको भूमिका निर्वाह गर्नुभएको थियो ।
उहाँलाई नेपाल पत्रकार महासंघले २०६४ सालमा ‘प्रेस स्वतन्त्रता सेनानी’ सम्मानबाट सम्मानित गरेको थियो ।
विगत छ दशकदेखि सक्रिय पत्रकारिता गरिरहेका रिसालले वि. सं. २०२० सालदेखि २०४२ सालसम्म राष्ट्रिय समाचार समितिमा काम गर्नुभएको थियो ।
उहाँले हालखबर पत्रिकामा करिव चार वर्ष काम गर्नुभएको थियो भने रेडियो सगरमाथामा कार्यक्रम सञ्चालन गनुभएको थियो ।
स्वास्थ्य अवस्था ठीक भइरहँदा मजदुर दैनिकमा नियमित स्तम्भ लेख्दै आउनु भएका रिसाल लेखन कार्यसमेत गर्नुहुन्थ्यो । उहाँका ‘साधुलाई सुली’ (जेल डायरी), ‘लोग्नेस्वास्नी’, ‘केही मित्रका चिठी’ कृति र ‘भैरवदाइ’ लगायतका पुस्तक प्रकाशित भएका थिए ।
उहाँको निधन प्रति शोक ब्यक्त गर्दै नेपाल पत्रकार महाचसंघले दुःख ब्यक्त गरेको छ ।
उहाँको निधनले नेपाली पत्रकारिता जगत्ले एक जना सिद्धान्तनिष्ठ, परिपक्व, योग्य र अनुभवी पत्रकारलाई गुमाएको छ महासंघले जारी गरेको बिज्ञप्तिमा उललेख छ ।
उहाँको निधनलाई महासंघले पत्रकारिता जगतको अपूरणीय क्षतिको रूपमा लिएको छ ।
उहाँले पत्रकारिता क्षेत्रमा पुर्याउनु भएको योगदानको नेपाली पत्रकारिता जगत्ले सदा स्मरण गरिरहनेछ । स्वर्गीय रिसालका श्रीमती, दुई छोरा र दुई छोरी हुनुहुन्छ ।
नेपाल पत्रकार महासंघ स्वर्गीय रिसालप्रति भावपूर्ण श्रद्धाञ्जली अर्पण गर्दै दिवंगत आत्माको चिरशान्तिको कामना गर्दछ ।
महासंघले बिज्ञप्ति मार्फत शोकको यस घडीमा शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामनासहित गहिरो समवेदना प्रकट गरेको छ ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मेडिकल ब्यवसायी दुर्गा प्रसाई साधारण तारेखमा रिहा
बीरगंज । ‘राष्ट्र, राष्ट्रियता, धर्म संस्कृति र नागरिक बचाउ महाभियानका संयोजक एवं मेडिकल व्यवसायी दुर्गा प्रसाईंलाई अदालतले हिरासतमुक्त गर्न आदेश दिएको छ ।
बसको ठक्करबाट जलेश्वरमा पैदल यात्री साहको मृत्यु
बर्दिवास । महोत्तरी जिल्लाको सदरमुकाम जलेश्वरमा आज बिहान यात्रुवाहक बसले ठक्कर दिँदा एक पैदल यात्रीको मृत्यु भएको छ ।
खेलकुद
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
नवौँ गोलबजार मेयर गोल्डकप फुटबल प्रतियोगितामाअ आज चात्यासा फुटबल क्लब र विराटनगर भिड्ने
गोलबजार । सिरहाको गोलबजार नगरपालिकाद्वारा आयोजित नवौँ गोलबजार मेयर गोल्डकप फुटबल प्रतियोगिताको दोस्रो दिनको खेलमा सलहेश युवा क्लब, सिरहा विजयी भएको छ।
तपाईको प्रतिक्रिया