बीरगंजको नारायणी अस्पतालमा उपचारकालागि भर्ना भएका कोभिड संक्रमीतलाई जनशक्ति अभावमा आवश्यक सेवा दिन नसकिएको अस्पतालले जनाएको छ ।

अस्पतालमा भर्ना भएका बिरामीहरुलाई आवश्यक सेवा दिन बिरामीका आफन्त कुरुवाका रुपमा रहनुलाई अस्पतालले ब्यवस्थापन गर्न सकिएको जनाएको छ । 

अक्सिजन सिलिण्डर बोक्नकालागि दुई जना कर्मचारी छन उनीहरुले काम गर्दा गर्दै नभ्याएपछि बिरामीका आफन्तले नै सिलिण्डर  बोक्नु पर्ने अवस्था आएको अस्पतालका चिकित्सक प्रवक्ता डा. सरोज रोशन दासले बताउनु भयो ।

उहाँले बिरामीका कुरुवा रहनु स्वास्थ्यको मापदण्ड बिपरित भएपनि त्यसलाई ब्यवस्थापन गर्न नसकिएको प्रष्ट पार्नु भयो । बिरामीलाई सेवा दिन आवश्यक जनशक्तिको माग गरिएको छ तर त्यो आपूर्ती भएको छैन डा. दासले भन्नु भयो  करुवा ब्यवस्थापन नहुदा कोरोना भाइरसको संक्रमण निरन्तर बढने देखिन्छ यो त संक्रमणको साइकल नै बने जस्तो छ ।

मृत्यु भएको बिरामीका आफन्त घर फर्किन्छ त्यहा स्वास्थ्य मापदण्ड कति पालना भएको हुन्छ भन्न सकिदैन उहाँले भन्नु भयो कतिपय केश त्यही गाउँ ठाउँबाट आएको हुनाले पनि संक्रमणको जोखिम निकै बढेको छ । 

नारायणी  अस्पतालमा इमरजेन्सी सहितका तीन बल्कमा कोभिड संक्रमीतहरुको उपचार भइरहेको छ । हरेक बल्कमा तीन जना स्टार्फ नर्स एक जना चिकित्सकले  २४ घण्टा सेवा दिइरहेका छन ।  अन कल चिकित्सकको (बोलाउदा आउने ) सेवा पनि उपलब्ध छ । त्यो संगे डा.सरोज रोशन दासले समेत २४ घण्टा सेवा दिइरहनु भएको छ । उहाँसंगै अन्य चिकित्सक पनि सेवामा संलग्न छन । 

यति हुदा पनि दक्ष जनशक्तिको अभाव रहेको डा. दासको भनाई छ । प्रदेश सरकारले उपलबध गराउने भनेको जनशक्ति अहिले सम्म  अस्पतालनमा नआएको उहाँले बताउनु भयो । 

कोभिड एक्सन टिमका संयोजक तथा जिल्ला समन्वय समिति पर्साका अध्यक्ष नेक महम्मद अन्सारीको नेतृत्वमा गएको  टोलीसंग कुरा गर्दै डा .दासले नारायणी अस्पतालले कोभिड बिरामीलाई दिने उपचारमा आफूहरुसंग भएको दक्षता र उपलबध स्रोत र साधनको भरपुर उपयोग गरिएको जानकारी दिनु भयो । कोडि एक्सन टिमले नारायणी अस्पतालमा कुरुवाहरुको उपस्थितिका बिषयमा खवरहरु सार्वजनीक भएपनि चासो लिदै स्थलगत अनुगमन गरेको थियो ।

कोभिड संक्रमीत बिरामीका आफन्तको कर बलले पनि कुरुवालाई रोक्न नसकिएको चिकित्सक डा. दासले बताउनु भयो ।  बिरामीलाई आफन्तले सेवा गर्ने  सामाजिक परम्परा रहि आएको चचा गर्दै डा.दासले यो कुरा निकै भावनात्मक हुने भएकोले पनि बिरामीका आफन्तलाई रोक्न नसकिएको उहाँले बताउनु भयो ।

जनशक्ति अभाव र भावनात्मक लगाव वा सेवा गर्नु पर्ने दायित्वका कारण बिरामीका कुरुवा अस्पताल भित्र रहेको उहाँले बताउनु भयो । उहाँले कुरुवा रहने कुरा संक्रमणको उच्च जोखिम हो भन्ने कुरा पनि उत्तिकै सत्य रहेको चर्चा गनुृ भयो ।

टिमले कुरुवा ब्यवस्थापन चुनौतीपूर्ण भएपनि उहाँहरुले अपनाउनु पर्ने सुरक्षा सर्तकर्ता पनि नदेखिएको प्रति डा.दासले त्यसमा सुधार गर्न सकिने बताउनु भयो । बिरामीका कुरुवाले फेसशिल्ड , मास्क, ग्लोबस लगाउने वतावरण बनाउन टिमको तर्फबाट तबरेज अहमदले सुझाव दिनु भएको थियो । टोलीमा श्याम पटेल, संजीव मिश्र , अमित अग्रवाल लगायतको सहभागिता रहेको थियो ।