मधेश प्रदेशका मुख्यमन्त्री सिंहको भावुक सम्बोधनसँगै राजीनामा घोषणा, यादव मुख्यमन्त्री बन्ने बाटो खुल्यो
जनकपुरधाम। मधेश प्रदेशका मुख्यमन्त्री सतिशकुमार सिंहले शुक्रबार प्रदेश सभा बैठकमा भावुक सम्बोधन गर्दै मुख्यमन्त्री पदबाट राजीनामा घोषणा गरेका छन्। सिंहले राजनीतिक दबाब र परिस्थितिले आफूलाई यो निर्णय लिन बाध्य पारेको बताएका छन।
सिंहले संसदमा भने, “म आत्मसम्मानका साथ जनताको हितमा यो निर्णयमा पुगेको हुँ। जनधनको सुरक्षा नै मेरो पहिलो प्राथमिकता हो।”
सिंहले यसअघि सामाजिक सञ्जालमार्फत पनि राजीनामा घोषणा गरेका थिए। उनले तत्कालीन अवस्थामा धनजनको क्षति हुनबाट रोक्नका लागि सामाजिक सञ्जालमार्फत राजीनामाको घोषणा गरेको स्पष्ट पारेका छन्।
मुख्यमन्त्री सिंहले पार्टीभित्रबाट नेतृत्वकै असहयोग र अपमानका कारण आफूले यस्तो निर्णय लिनुपरेको बताएका छन। उनले राज्यमन्त्रीहरूको नियुक्ति र बर्खास्तगी पार्टी निर्देशनअनुसार गरे पनि पार्टी नेतृत्वले आफूलाई खलनायकका रूपमा चित्रित गरेको बताए।
उनले आफैं मुख्यमन्त्री रहेको अवस्थामा पार्टीको ससदीय दलले आफूलाई कुनै जानकारी नदिई सरकारबाट फिर्ता हुन निर्देशन दिएको भन्दै असन्तोष प्रकट गरे। सिंहले संसदमा आफ्नो कार्यकालमा गरेका कामहरूको फेहरिस्त प्रस्तुत गर्दै जनप्रतिनिधिको भूमिकामा गर्व व्यक्त गरे।
सिंहको राजीनामा घोषणा भएपछि संसदमा तय गरिएको विश्वासको मतको प्रस्ताव स्थगित गरिएको छ। राजीनामाको घोषणा गरेपछि विश्वासको मतसम्बन्धी कार्यसूची हटाइएको सभामुख रामचन्द्र मण्डलले बैठकमा जानकारी गराए। सभामुख रामचन्द्र मण्डलले सिंहलाई संविधानको धारा १६९ अनुसार प्रदेश प्रमुख समक्ष लिखित रूपमा राजीनामा बुझाउन निर्देशन दिएका छन।
सिंहको राजीनामापछि मधेश प्रदेशमा नयाँ सरकार गठनको बाटो खुलेको छ। दलहरूबीच भएको सहमति अनुसार नेपाली कांग्रेसका संसदीय दलका नेता तथा प्रदेश अध्यक्ष कृष्ण यादव मुख्यमन्त्री बन्ने सम्भावना बलियो बनेको स्रोतहरूले जनाएका छन।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया