जेनजी विद्यार्थीद्वारा प्रधानमन्त्री नियुक्ति र संसद विघटन विरुद्ध सर्वोच्चमा रिट
काठमाण्डौं । काठमाडौं विश्वविद्यालयमा कानुन विषयमा अध्ययनरत दुई युवा विद्यार्थी विपना शर्मा र आयुष बडालले प्रधानमन्त्रीको नियुक्ति र प्रतिनिधि सभा विघटनविरुद्ध सर्वोच्च अदालतमा रिट दायर गरेका छन्।
दुवै विद्यार्थी २८ वर्षभन्दा कम उमेरका जेनजी पुस्ताका हुन्।
रिटमा राष्ट्रपतिद्वारा संविधानको धारा ६१ अनुसार गत असोज २७ गते पूर्वप्रधानन्यायाधीश सुशीला कार्कीलाई प्रधानमन्त्री नियुक्त गरिएको निर्णय संविधानविपरीत भएको दाबी गरिएको छ।
उनीहरूले प्रधानमन्त्रीको नियुक्ति संसदको विश्वासका बिना गरिएको भन्दै उक्त निर्णय र त्यसपछि भएका सबै सरकारी कार्य तथा सूचना असंवैधानिक ठहर गर्न माग गरेका छन्।
रिट निवेदनमा सर्वोच्चका पूर्वन्यायाधीशलाई सरकारी पदमा बस्न नपाइने संवैधानिक प्रावधान उल्लंघन भएको उल्लेख छ। साथै, प्रधानमन्त्रीको नियुक्ति नै असंवैधानिक भएकाले संसद विघटन पनि स्वतः अमान्य हुने र संसद पुनःस्थापना गर्न आदेश जारी गर्न माग गरिएको छ।
विद्यार्थीहरूले “आवश्यकताको सिद्धान्त” गलत रूपमा प्रयोग गरिएको उल्लेख गर्दै, यस्तो सिद्धान्त कानुनी विकल्प नहुँदा मात्र लागू गर्न सकिने स्पष्ट पारेका छन्। उनीहरूले सभामुख र राष्ट्रपति कार्यालयलाई संविधानको धारा ७६ बमोजिम नयाँ सरकार गठन प्रक्रिया सुरु गर्न परामादेश माग गरेका छन्।
सर्वोच्च अदालतमा भदौ २४ गते भएको आगजनीपछि नयाँ मुद्दा दर्ता रोकिएको थियो। अदालतले आजदेखि दर्ता पुनः सुरु गरेसँगै प्रधानमन्त्री नियुक्ति र संसद विघटन सम्बन्धी यो पाँचौँ रिटका रूपमा सर्वोच्चमा मुद्दा दर्ता भएको छ।
तयस्तै अधिवक्ता कृतिनाथ शर्मा पौडेलले मंगलबार सर्वोच्च अदालतमा रिट दायर गर्दै, संविधानको धारा ७६ अनुसार प्रधानमन्त्रीको नियुक्ति प्रक्रिया संसदीय दलको नेताबाट मात्र हुनसक्ने प्रावधानको उल्लंघन भएको बताएका छन ।
उनले धारा ६१ अनुसार राष्ट्रपतिले संविधानको परिधिभित्र रहेर मात्र कार्य गर्नुपर्ने उल्लेख गर्दै, धारा १३२ अन्तर्गत पूर्वप्रधानन्यायाधीशलाई सरकारी जिम्मेवारीका लागि अयोग्य ठहर गरिएको दाबी गरेका छन। अधिवक्ताले यी कदमहरूलाई असंवैधानिक भन्दै, तत्काल अन्तरिम आदेशको माग गरेका छन्।
सर्वोच्च अदालतका प्रवक्ता अर्जुन प्रसाद कोइरालाका अनुसार, अहिलेसम्म छ वटा रिट निवेदन दर्ता भइसकेका छन्, र अरु निवेदनहरू पनि पेश हुने क्रममा छन्। अदालतले यी रिटहरूमाथि अध्ययन गरेर प्रक्रिया अघि बढाउने जनाएको छ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया