स्वर्गीय गोपाल गिरी क्रियाशील पत्रकारिता पुरस्कारबाट पत्रकार देवकोटा पुरस्कृत
वीरगन्ज । यस वर्षको स्वर्गीय गोपाल गिरी स्मृति क्रियाशील पत्रकारिता पुरस्कार वीरगन्जका पत्रकार गोविन्द देवकोटा लाई प्रदान गरिएको छ।
लामो समयदेखि सामाजिक, राजनीतिक तथा आर्थिक क्षेत्रका समस्याबारे निरन्तर कलम चलाउँदै आएका देवकोटालाई नेपाल पत्रकार महासंघ पर्सा शाखाको निर्णयअनुसार नगद ५१ हजार रुपैयाँसहित उक्त पुरस्कार प्रदान गरिएको हो।
पुरस्कार वितरण समारोहमा मधेस प्रदेशका भूमि व्यवस्था, कृषि तथा सहकारी मन्त्री श्याम पटेलले पत्रकार देवकोटालाई सम्मान गरेका हुन्।
पुरस्कार ग्रहणपछि प्रतिक्रिया दिँदै देवकोटाले स्वर्गीय गोपाल गिरीको नाममा स्थापित पुरस्कारले आफूलाई थप जिम्मेवार र समाजप्रति अझ प्रतिबद्ध भएर पत्रकारिता गर्न प्रेरित गरेको बताए।
उनले भने, “मैले करिब तीन दशक समाजका लागि पत्रकारिता गरेको छु। यो पुरस्कारले मलाई अझै गम्भीर र उत्तरदायी भएर कलम चलाउन हौसला दिएको छ।”
नेपाल पत्रकार महासंघ पर्सा शाखाका अध्यक्ष ओमप्रकाश खनालको अध्यक्षतामा सम्पन्न कार्यक्रममा मन्त्री पटेलले पत्रकारितामा प्रशिक्षणको खाँचो औँल्याए।
पछिल्लो समय राजनीतिक दलसँगै मिडियाहरू पनि बढ्दै गएको उल्लेख गर्दै उनले मिडिया समाजको ऐना भएकाले यसको विस्तार सकारात्मक भए पनि समाचार सम्प्रेषणमा आचार संहिताको पालना आवश्यक रहेको बताए।
विशेषगरी मधेस क्षेत्रमा पत्रकारहरूका लागि नियमित तालिम आवश्यक रहेको उनको भनाइ थियो। “जसरी राजनीतिक दलका कार्यकर्तालाई प्रशिक्षण दिइन्छ, त्यसरी नै पत्रकारलाई पनि व्यावसायिक प्रशिक्षण दिन जरुरी छ,” मन्त्री पटेलले भने।
उनले मधेसको मिडिया क्षेत्रलाई बलियो र गुणस्तरीय बनाउन प्रदेश सरकारको तर्फबाट आवश्यक सहयोग गर्न तयार रहेको प्रतिबद्धता पनि जनाए।
कार्यक्रममा सहभागी वक्ताहरूले केही सञ्चार माध्यमले आधारभूत पत्रकारिताका सिद्धान्तसमेत पालना नगरेको भन्दै चिन्ता व्यक्त गरे।
समारोहमा नेपाल पत्रकार महासंघका केन्द्रीय सचिव अशोक तिवारी, कोषाध्यक्ष रामकृष्ण अधिकारी, पूर्व केन्द्रीय सचिव दीपेन्द्र चौहान, पर्साका प्रमुख जिल्ला अधिकारी भोला दाहाल लगायतले आ–आफ्ना धारणा राखेका थिए।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया