चैत्र १३,  भारतले आफ्ना छिमेकी देश पाकिस्तान र बङ्लादेशसँगको सिमाना बन्द गर्न सक्ने शनिबार चेतावनी दिएको छ ।आतङ्ककारी गतिविधि र शरणार्थी नियन्त्रण गर्नका लागि ती दुइदेशसँगको सिमानामा बन्द गर्नुपर्ने भारतको भनाइ छ ।

भारत,२२ माघ : भारतको गोवा र पञ्जावमा विधानसभा निर्वाचन सम्पन्न भएको छ । गोवामा ४० सिटका लागि भएको निर्वाचनमा ८३  प्रतिशत मत खसेको छ भने पञ्जाबमा १ सय १७ सिटका लागि भएको निर्वाचनमा ७० प्रतिशत मत खसेको भारतीय संचारमाध्यमले जनाएका छन् । फेब्रुअरी र मार्च महिनामा हुने भनिएका ५ राज्यको निर्वाचन मध्ये ती राज्यमा मतदान भएको हो । गोवामा विहान ७ बजेबाट मतदान सुरु भएको हो भने पञ्जाबमा भोटिङ मेसिन बिग्रिएकाले ८ बजे मात्र मतदान सुरु भएको थियो । दिल्ली केन्द्रित मानिएका अरविन्द केजरीवालको आम आदमी पार्टीले पहिलो पटक गोवा र पञ्जावको चुनावमा भाग लिएको छ । पञ्जावमा सिरोमणि अकाली दल र भारतीय जनता पार्टीको गठबन्धन तथा कंग्रेस र आम आद्मी पार्टीबीच मुख्य प्रतिस्पर्धा रहेको मानिन्छ । गोवामा पनि भाजपा, कंग्रेस, आमआद्मी पार्टी र महाराष्ट्रवादी गोमांतक पार्टी नेतृत्वको गठबन्धन बीच प्रतिस्पर्धा हुने बताइएको छ ।  उत्तर प्रदेश, मणिपुर र उत्तराखण्डमा पनि निर्वाचनको तयारी भइरहेको छ । पाँच राज्यमै निर्वाचन सकिएपछि मार्च ११ मा मतपरिणाम आउने बताइएको छ । 

माघ ६ /भारतीय स्वतन्त्रता आन्दोलनका शिर्ष ब्यक्तित्व “बापु” महात्मा गान्धीको तस्बिर भएको चप्पल अनलाइन सप अमेजनमा सार्वजनिक भएको छ । चप्पलमा गान्धीको फोटो आएपछि भारत रुष्ट भएको छ । भारतको राष्ट्रिय झण्डा भएको डोरम्याट बेच्न बन्द गनुपर्ने आवाज उठेको केही दिनमै गान्धीको तस्बिर भएको चप्पल पनि सार्वजनिक भएको हो ।