वीरगञ्ज ।  वीरगञ्जको छपकैया  शनिवार  तनावग्रस्त बनेको छ । हनुमानको जन्मजयन्तीको अवसरमा निकालिएको ¥याली इदगाह चौक छपकैयामा  पुग्नेबित्तिकै झडपमा परिणत भएको हो ।

स्थानीय प्रत्यक्षदर्शीका अनुसार हनुमान जयन्तीको ¥याली छप्पैया चोकस्थित इदगाह नजिक पुगेपछि दुई पक्षबीच विवाद सुरु भएको थियो, जसले अन्ततः झडपको रूप लिएको हो ।  प्रहरीले झडपलाई नियन्त्रणमा लिनकालागि केही थान अश्रुग्यास प्रहार गरेको छ ।

शान्ति ब्यवस्था बनाई राख्न प्रशासनले काम गरिरहेको छ । 

दुइ पक्षबिचको झडपले अवस्था तनावग्रस्त बनेपछि जिल्ला प्रशासन कार्यालय पर्साले कर्फ्यु लगाउने तयारी गरेको पर्साका प्रमुख जिल्ला अधिकारी गणेश अर्यालले बताए ।

कुनकुन ठाउँमा कर्फ्यु लगाउने ? त्यसबारेमा अहिले जिल्ला प्रशासन कार्यालयमा छलफल चलिरहेको प्रजिअ अर्यालले बताए । 

झडपको कारण र क्षतिको विवरण लगायत घटनाबारे थप जानकारी आउन बाँकी रहेको छ