सेनाले मिलायो गाउँगाउँमा आगो ताप्ने ब्यवस्था
सीमरा २१ पुस । जिल्लामा चिसो र शीतलहरका कारण जाडो ह्वात्तै बढेपछि जनजीवन प्रभावित बनेको छ ।
जनजीवन प्रभावित भएको भन्दै नेपाली सेनाले दाउरा सहित गाउँमा आगो ताप्ने ब्यवस्था मिलाएको छ ।
जिल्ला वन कार्यलय बाराको समन्वयमा विहिबारबाट दाउरा वितरण सुरु गरिएको चन्दननाथ गण ब्रम्हपुरी बाराका गणपति प्रमुख सेनानी सन्तोष कार्कीले जानकारी दिए ।
क्याप्टेन जुद्ध निरौलाको नेतृत्वमा परिचालित टोलीले विहिबार मात्रै जिल्लाको जितपुसिमरा र कलैया उपमहानगरको बडहर्वा उचिडी, भोडाहा लगायतका दश ठाउँमा दाउरा झार्दै आगो बालेर ताप्ने ब्यवस्था मिलाएको गणपति कार्कीले जनाए ।
जिल्ला वन कार्यालय बारासँगको सहकार्यमा वनबाट केही पैसा नपर्ने र केही पैसा पर्ने खालका दाउरा संकलन गरी विभिन्न गाउँका चोकचोकमा आगो बाली ताप्ने ब्यवस्था मिलाईएको हो । जिल्ला वन कार्यालय बाराले दाउरा वितरण गर्ने जनाएपनी ढुवानी साधन अभावमा गाउँगाउँमा दाउरा पुग्न नसकेको अवस्थालाई मध्यनजर गर्दै सेनाको जनशक्ति र सवारीबाट आगो ताप्ने ब्यवस्था मिलाईएको उनको भनाई छ । त्यस्तै स्थानीय तहहरु संगको समन्वयमा जिल्ला वन कार्यालय बाराले समेत दाउरा वितरण गरिरहेको जनाएको छ ।
चिसो बढेसँगै जनजीवन प्रभावित हुननदिन गाँउपालिका, नगरपालिका र उप˗महानगरपालिकाका विभिन्न स्थानहरुमा दाउरा पठाईएको वन कार्यालयले जनाएको छ । चिसो र शीतलहरवाट प्रभावित हुनसक्ने गरिव विपन्न स्थानिय समुदाय, सुरक्षाकर्मी लगायतलाई दाउरा वितरण गरिएको जिल्ला वनकार्यालयले जनाएको छ ।
पुष २ गते बसेको जिल्ला दैविक प्रकोप उद्धार समितिको बैठकले हरेक गाँउपालिकालाई १ चट्टा, नगरपालिका र उप˗महानगरपालिकलाई डेढ चट््टाका दरमा दाउरा उपलब्ध गराउने निर्णय गरेको थियो । सोही निर्णय अनुसार नै दाउरा वितरण गरिएको जिल्ला वन कार्यालय बाराका प्रमुख भैरवप्रसाद घिमिरेले जानकारी दिए ।
कार्यालयले हालसम्म जिल्ला भरमा २० चट्टा भन्दा बढि दाउरा वितरण गरिसेकेको जनाएको छ । चिसो अझ बढ्दै गएमा थप दाउरा वितरण गरीने भन्दै घिमिरेले मोटो रकम खर्चेर आगो ताप्नुको साटो स्थानिय तहले न्यानो कपडा वितरणमा खर्च गरेको भए उचित हुने सुझाव दिए ।
स्थानीय तहहरुले प्रती चट्टा १४ देखि १६ हजार रुपैँया जिल्ला वनमा तिर्दै आएका छन् ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया