बीरगंज २६ भदौ । ग्लोबल विजनश क्लेजको आयोजनामा छोरीको सुरक्षाका बिषयमा अन्तरक्रिया सम्पन्न भएको छ । कार्यक्रममा वक्ताहरुले छोरी सुरक्षाका लागी संघ, प्रदेश र स्थानीय सरकार जिम्मेवार हुनुपर्ने बताएका थिए ।

क्लेजको सभाहलमा आयोजित कार्यक्रममा सरकारले समान्य लाग्ने नियम कानुन समेत बनाउन नसकेकाले महिला सुरक्षित हुन चुनौती बनेको अधिकारकर्मीहरुको भनाई थियो । महिला नेतृ मोनिका सिंहले एसिड, किटनाशक औषधी लगायत अति सम्बेदनशिल वस्तु खरिदका लागी नीति नियम नबनाईदा सजिलै पहुच भएकाले एसिड आक्रमण भएको  बताईन् ।

उनी जस्तै अर्का महिला नेतृ कमला घिमिरेले भने, असुरक्षित भनिएका स्थानहरुमा विजुली बति, सिसि क्यामरा लगायतको उपकरण जडान संगै चोकहरुमा प्रहरी समेत नदेखिने गरेकाले पछिल्लो समय वीरगंजमा यस्ता घटनाहरु बढेको उनको तर्क थियो ।

कार्यक्रममा अधिवक्ता कमल मोहन पोखरेलले कानुनमा एसिड आक्रमणबाट अनुहार नै कुरुप हुने गरेको छ भने ५ लाख जरिवाना र ३ वर्षको कैद जरिवना तोकेको छ भने, शरिरको अन्य भागमा भए २ लाख र डेढ वर्ष कैद सजाए तोकेको जानकारी गराए ।

तर यस कैद जरिवाना पीडितको हकमा निकै थोरै सजाए भएकाले नियम संशोधन गरि यसको कैद सजाय र जरिवाना बढाउनुपर्ने उनको सुझाव थियो । कार्यक्रममा प्रहरी नायब उपरिक्षक आनन्तराम शर्माले कहि कतै जादाँ आउदाँ वा कोही कसैले जिस्काउँदा आफ्नो अभिभावक वा प्रहरीलाई उजुरी दिन आग्रह गरे । मुस्कान बहिनिलाई एसिड प्रहारमा संलग्न भनिएकाहरु पक्राउ परिसकेकाले पीडितले न्याय पाउने उनले बताए ।अपराधीको मनोवल बढेकको भन्दै प्रदेशसभाका सदस्य ओमप्रकाश शर्माले असन्तोष ब्यक्त गरे । 

यसैगरी अर्का सांसद प्रहलाद गिरीले भने, महिला महिलाबाटै पिडित हुने गरेकाले लामो समयदेखी महिला हिंसाको कुरा चलिरहदा पनि निर्कोल हुन नसकेको बताएका थिए ।

प्रदेश सरकारले ल्याएको बेटी बचाऊ बेटी पढाऊ अभियान अन्तर्गत नै प्रदेश सरकारले हरेक छोरा छोरीलाई समान अधिकार दिलाउन खोजेकाले सोही अनुसार हामी आफूहरुले काम गरिरहेको उनको भनाई थियो । प्रदेश दुई मै भएको यस घटनाले प्रदेश सरकार गम्भीर हुँदै तत्काल एसिड पिडित मुस्कान बहिनिको राहतका लागी ५ लाख रुपैयाँ खर्च दिने र उपचारको व्यवस्थापन गरिएको उनले बताए ।

यसैगरी कार्यक्रमका वीरगंज महानगरपालिकाका मेयर विजय सरावगीले एसिड आक्रमण लगतै आफनै  पहलमा ती बहिनिलाई तत्कालै काठमाडौँ पु¥याई थप उपचार गराउन लगाएको बताए । यस्ता घटना हुन नदिन जनचेतनाको खाचो आफुहरुले देखेकाले यसतर्फ इच्छुक विद्यालय, कलेज वा संघ संस्थाका लागी महानगरले प्रशिक्षक उपलब्ध गराउने जानकारी गराएका थिए ।

ग्लोबल विजनस क्लेजका डाईरेक्टर ओम प्रकाश श्रेष्ठले सहजिकरण गरेको कार्यक्रम क्लेजका प्रधानाध्यापक श्रीराम दासको सभापतित्वमा समपन्न भएको थियो ।