जसपाका हवारीको उम्मेदवारी रद्ध गर्न माँग गर्दै उजुरी, अल्पसंख्यकमा मुस्लिम नपर्ने (सूची सहित)
बीरगंज महानगरपालिकाको कार्यपालिका सदस्यकोलागि अल्पसंख्यकको सूची अन्र्तगत उम्मेदवारी दिएका जसपाका उम्मेदवार खैरुदिन हवारी धोवी बिरुद्ध निर्वाचन कार्यालयमा उजुरी परेको छ ।
उनको उम्मेदवारी खारेजीको माँग गर्दै नेकपा एमालेका तर्फबाट उम्मेदवारी दिएका अजय कुमार गुप्ताले उजुरी दिएका हुन ।
कार्यपालिकाको दलित वा अल्पसंख्यक सदस्यमा उम्मेदवारी दिएका धोबी , अल्पसंख्यक कोटा भित्र नपर्ने भएकाले उनको उम्मेदवारी खारेजको माग गर्दै गुप्ताले बुधबार निर्वाचन अधिकृतको कार्यालयमा उजुरी दर्ता गराएका हुन् ।
गुप्ताले २०७४ बैशाख ११ गते प्रकाशीत राजपत्रमा अल्पसंख्यक समुदायको सूची प्रकाशीत भएको र त्यसमा मुस्लिम समुदाय त्यो सूचीमा नरहेकोले हवारीको उम्मेदवारी खारेजीको माँग गर्दै उजुरी दिएको बताए । अल्पसंख्यकको सूचीमा “धोबी” सूचीकृत छ ।
हवारीले आफनो नागरिकतामा भएको नाममा धोवी समेत रहेकोले अल्पसंख्यकमा पर्ने दावी सहित उम्मेदवारी दिएको स्रोतको भनाई छ ।
प्रमुख निर्वाचन अधिकृत धर्मराज पौडेलले हवारी विरुद्ध उजुरी परेको जानकारी दिदै सो बारेमा कानुन बमोजिम निर्णय हुने बताए ।
वीरगन्ज महानगरपालिकाको ८ जना कार्यपालिका सदस्य चुन्नका लागि मङगलबार मनोनयन दर्ता गरिएको हो । ५ महिला सदस्य पदका लागि १० जनाको र ३ दलित वा अल्पसंख्यक पदका लागि ६ जनाको गरि कुल १६ जनाको उम्मेदवारी परेको प्रमुख निर्वाचन अधिकृत पौडेलले जानकारी दिए ।
कार्यपालिका सदस्य चयनका लागि मतदान भने जेठ २० गते शुक्रबार हुनेछ । शुक्रबार हुने मतदानमा नवनिर्वाचित मेयर , उपमेयर , ३२ वटै वडाका वडा अध्यक्ष र सदस्य गरि १६२ जनाले मतदान गर्नेछन् ।
कुल जनसंख्याको ०.५० प्रतिशतभन्दा कम जनसंख्या भएको समुदायलाई सरकारले अल्पसंख्यकको सूचीमा राखेको छ । जसअनुसार नेपालका एक सय २५ मध्ये ९८ जाति अल्पसंख्यक सूचीमा परेका छन् । नेपालको गृह मन्त्रालयको प्रस्तावअनुसार मन्त्रिपरिषद्को बैठकले अल्पसंख्यक समुदायको टुंगो लगाएको हो ।
स्थानीय तहको निर्वाचनमा प्रतिनिधित्वको प्रयोजनका लागि मात्र अल्पसंख्यक समुदाय तय गरिएको हो । गाउँकार्यपालिका तथा नगरकार्यपालिका सभामा दलित वा अल्पसंख्यकको उपस्थितिको प्रावधान अनिवार्य गरिएको छ ।
९८ मध्ये करिब १५ जाति भने दलितअन्गर्तत नै पर्ने भएकाले उनीहरूले अल्पसंख्यकअन्तर्गत नभई दलितअन्तर्गत नै आरक्षणको सुविधा पाउनेछन् ।
सरकारले सार्वजनिक गरेको अल्पसंख्यक जातिको सूचीमा शेर्पा, सोनार, घर्ती (भुजेल), कलवार, कुमाल, हजाम (ठाकुर), कानू, राजवंशी, सुनुवार, सुढी, लोहार, तत्मा (तत्वा), खत्वे, धोबी, माझी, नुनिया, कम्हार, दनुवार, चेपाङ (प्रजा), हलुवाई, राजपुत, कायस्थ, बढई, मारवाडी, सतार (सन्थाल) छन् । त्यसैगरी, झाँगड (धागर), बाँतर (सरदार) बरई, कहर, गनगाई, लोध, राजभर, थामी, धिमाल, भोटे, बिन, गडेरी (भेडियार), नुराङ, याक्खा, दराई, ताजपुरिया, थकाली, चिडिमार, पहरी, माली, बंगाली, छन्त्याल, डोम, कमर, बोटे, ब्रह्मु (बरामो), गाइने, जिरेल, दुरा, बादी, मेचे, लेप्चा, हलखोर ,घले ,यक्ख्खा,कुलुङ ,बढई,लोध,लगायत अल्पसंख्यक जातिको सूचीमा परेका छन् ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया