बीरगंज १८ बैशाख ।पर्सा प्रहरीले लकडाउनको समयमै रक्सौलबाट बीरगंज आउदै गर्दा स्रोत नखुलेको पैसा सहित पक्राउ गरेको लालबाबु यादवको बारेमा  बीरगंज भन्सार एजेन्ट संघले आफनो दृष्टिकोण सार्वजनीक गरेको छ । 

प्रहरीले, यादवलाई हुण्डी कारोवारीको रुपमा प्रस्तुत गरेकोमा संघले आपत्ती जनाएको छ । प्रहरीको यो दावीलाई खारेज गर्दै संघले यादव  एम .ए .आर .क्लियरिङ् सेवा इजाजत नँ.४०७ का कार्यरत सहायक नेपाली क्लियरिङ् एजेन्ट कर्मचारी भएको प्रष्ट पारेको छ । 

इनर्वा प्रहरी चौकीमा रहेका प्रहरी नायव निरिक्षक जो आफूलाई “सिंघंम ” भनाउन रुचाउछन । तिनै सिंघम बैद्यनाथ दासले पेशा ब्यवसाय गरेर खानेहरुलाई दुःख दिने उपक्रममा यादवलाई फक्राउ गरेको तर्फ संघले जारी गरेको बिज्ञप्तिले संकेत गरेको छ  ।

संघले जारी गरेको बिज्ञप्तिले  ,उनको यो काम प्रहरी संगठनले पाएको अधिकारको दुरुपयोग गरेर पेशा ब्यवसायमा संलग्नहरुलाई हतोत्साहित गर्ने तर्फ लक्षीत रहेको छ भनेको छ। उनले यसो गरेर गलत कामलाई संस्थागत त गरिरहेका छैनन भन्ने पेचिलो प्रश्न पनि संगै उठेको छ । 

पर्सा प्रहरीले समातेर बुझाउने मात्र काम गर्ने हो की त्यो कुरा सहि र गलत पनि छुट्ट्याउने हो । यादव प्रकरणमा कतिपय प्रश्न उठेका छन । त्यसको समुचित अनुसन्धान प्रहरीले गर्न सकेन भने प्रहरीले नागरिकलाई दुःख दिन खोजेको पुष्टि हुन्छ ।

यादवलाई प्रहरीले आफनै घरबाट आइसीपी जाँदा समातेको हो । तर प्रहरीले बनाएको मुचुल्कामा समेत रक्सौलबाट आउदा समातेको गलत मुचुल्का उठाएको बीरगंज भंसार एजेण्ट संघले गम्भिर आरोप लगाएको छ ।

 यसरी मुचुल्का तयार पार्ने प्रहरीको काम प्रति संघले खेद समेत प्रकट गरेको छ । संघले लकडाउन को यो अवस्थामा ज्यान जोखिममा हालेर सेवा दिनेहरुलाई प्रहरीले हातोत्साही गर्ने कुरालाई सच्याउन समेत भंसार एजेण्ट संघले माँग गरेको छ ।

लक डाउन छ ।नेपाल भारतको सीमा पनि लक छ ।  नेपालका बिभिन्न ठाउबाट आएका भारतीय नागरिकलाई सीमामा प्रहरीले रोकेर बीरगंजका बिभिन्न क्वारेन्टिनमा राखएिको छ ।

यस्तो अवस्थामा प्रहरीले नै रक्सौलबाट आउदै गर्दा यादव पक्राउ भनेर समाचार जारी गरेको छ । प्रहरीको यो कदमलेनै प्रहरीको काम शंकाको घेरेमा परेको हो ।

कतिपय सुरक्षा घेरा पार गरेर यादव साच्चै रक्सौलबाट आएका हुन भने पर्सा प्रहरी प्रमुखको नेतृत्व क्षमता , कौशलता र इमान्दारीता माथि गम्भिर सवाल उठेको छ । यि सवालहरुको पर्सा प्रहरीले चित्र बुझ्दो जवाफ दिन नसक्दा सम्म उसको नियतमाथि प्रश्न उठिरहन्छ ।

बीरगंज भन्सार एजेन्टसंघका कार्यवाहक अध्यक्ष निर्मल प्रस्दा कुर्मीले जारी गरेको बिज्ञप्तिमा समास्या समाधानको अपेक्षा राखिएको छ । यस बिषयमा प्रहरी संघ र बीरगंज भन्सारका वीचमा छफल हुने बताइएको छ । अहिले केहीबेरमा हुने छलफलले निकास निकाल्न नसके संघले देशब्पापी रुपमा काम रोक हड्ताल गर्ने तयारी गरेको छ ।

भन्सारबाट आ-आफ्नो मालसमान छुटाउनको लागि बालाजी ईन्टरप्राईजेज प्रालीले ८ लाख, साहिल ट्रेर्डिङ्ग सप्लायर्सले ९० हजार, श्री गणपती सप्लायर्सले १ लाख ५० हजार र एलबी ट्रेडर्सले १ लाख १० हजार गरी कुल ११ लाख ५० हजार रुपैया  यादवलाई दिएका थिए