पूर्व भूमिसुधार राज्यमन्त्री रायको हत्यामा उनका सहयोगी सहित दुईजना पक्राउ
सर्लाही । पूर्व भूमिसुधार राज्यमन्त्री रामचन्द्र राय यादवको हत्या अभियोगमा पक्राउ परेका दुई जनालाई प्रहरीले सार्वजनिक गरेको छ।
जिल्ला प्रहरी कार्यालय सर्लाहीले सोमबार साँझ पत्रकार सम्मेलन गरेर पक्राउ परेकाहरूलाई सार्वजनिक गरेको हो। पक्राउ पर्नेमा रायका सहयोगी कविलासी नगरपालिका ३ का २५ वर्षीय राम उजैन राय र छिमेकी चन्द्रनगर गाउँपालिका १ रतनपुरका ४६ वर्षीय वीरेन्द्र राय रहेको जिल्ला प्रहरी कार्यालय सर्लाहीका प्रहरी उपरीक्षक रविन्द्र बहादुर सिंहले जानकारी दिनुभयो ।
मलंगवा नगरपालिका ४ का ८१ वर्षीय पूर्वराज्यमन्त्री रायको साउन ७ गते अन्दाजी साढे १२ बजे राति चन्द्रनगर गाउँपालिका १ रतनपुरस्थित फार्म हाउसमा हत्या गरिएको थियो। रायको उखु काट्ने धारिलो हतियार फर्साले टाउकोको विभिन्न भागमा काटी सुत्ने कोठामा हत्या गरिएको थियो।
मन्त्री रायको हत्याको मुख्य कारण जग्गा सम्बन्धी विवाद रहेको प्रहरीले जनाएको छ। मन्त्री रायले बनाएको दुईकोठे फार्म हाउस मेरो जग्गामा हो भनि छिमेकी वीरेन्द्र रायले पाउने पर्ने माग गर्दै आएको थियो। तर, प्रमाण जुटाउनका लागि वीरेन्द्रले रायका सहयोगी राम उजैनलाई प्रयोग गरेको प्रहरीले जनाएको छ। वीरेन्द्रले सहयोगीलाई झुक्याई उक्त जमिनको नक्साको भिडियो समेत बनाएको प्रहरी उपरीक्षक सिंहले बताउनु भयो ।
मन्त्री रायलाई मारे मात्र जग्गा पाउने दाउमा रहेका वीरेन्द्रले सहयोगीलाई प्रयोग गरेको प्रहरीले जनाएको छ। केही दिन अगाडि वीरेन्द्रले सहयोगी राम उजैनलाई मन्त्री रायको हत्या गरेवापत दुई लाख रुपैयाँ र फार्म समेत बनाई दिन्छु भन्दै प्रलोभन दिएको प्रहरीले जनाएको छ।
वीरेन्द्रको उक्साहट र आर्थिक प्रलोभनमा परी राम उजैनले राय एक्लै रहेको बेला हत्या गरेको प्रहरीले दाबी गरेको छ।
प्रहरीले रायको हत्या गर्न प्रयोग गरिएको धारिलो हतियार फर्सा हत्या गरिएको स्थान भन्दा केही पर बाँसको झाङमा फेला पारेको थियो। हत्या गर्ने समयमा राम उजैनले प्रयोग गरेका हाफ पैन्ट ब्याग भित्र लुकाएको अवस्थामा फेला पारेका छन् भने रगत लागेको गन्जी टुक्रा टुक्रा पारी भकुण्डो जस्तो बनाई फालेको अवस्थामा फेला पारेको छ।
पक्राउ परेकाहरूलाई कर्तव्य ज्यान सम्बन्धी मुद्दामा जिल्ला अदालतबाट १० दिनको म्याद लिई थप अनुसन्धान गरिरहेको प्रहरीले जनाएको छ। यस अघि प्रहरीले घटनासँग सम्बन्धित विभिन्न व्यक्तिहरूको पोलीग्राफी टेस्ट समेत गरेको थियो। राय राप्रपा पार्टीका पूर्व उपाध्यक्ष र हाल केन्द्रीय सदस्य रहनुभएको थियो ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया