‘मधेसमा काठमाडौंले हेरेजस्तो कमजोर छैन एमाले’
केही समययता म प्रदेश–२ का विभिन्न गाउँ घुमिरहेको छु। विभिन्न जिल्लाबाट साथीहरुले खबर पनि सुनाउँछन्। चुनाव मज्जाले लागेको छ। राजपाको सहभागिता पछि मतदानको प्रतिशत पनि राम्रै हुने देखेको छु।
प्रदेश–२ मा कांग्रेसले आफ्नो स्थान सुनिश्चित गर्छ। ऊ नै पहिलो दल हुन्छ। मधेसवादी दलहरुको विभाजनले पनि उसलाई फाइदा पुगेको छ। छाडेर मधेसवादी दलमा गएका उसका धेरै स्थानीय नेता, कार्यकर्ता पार्टीमा फर्किसकेका छन्।
कांग्रेसले मधेस र मधेसीलाई चिढ्याउने काम गरेन। छुचो बोलेन। बरु, साथै लिएर अघि बढ्न खोज्यो। त्यसको लाभ पनि उसले पाउन सक्छ। पार्टीभित्रैको असन्तुष्टि सम्बोधन गरेर समीकरण मिलाउन सक्यो भने अघिल्लो २ चरणमा भएको स्थानीय निर्वाचनको क्षतिपूर्ति उठ्छ।
नेकपा एमालेको हकमा ऊ मधेस विरोधी पार्टी भयो, संविधान संशोधनमा सघाएन भन्ने जुन चर्चा काठमाडौंमा छ, त्यसले यता खासै प्रभाव पारेको छैन। पहिलो कुरा, धेर–थोर जेजस्तो भए पनि उसको संगठन छ। एमालेको एउटा गज्जब लागेको पक्ष के भने उसले उम्मेदवार छनोटमा बढो ध्यान दिएको छ। एमालेले जित्न सक्ने उम्मेदवारहरुको छनोट गरेको छ। चुनावको घोषणसँगै एमालेले चुनावी अभियान पनि आक्रामक रुपमा सञ्चालन गर्यो। त्यसैले एमाले मधेसमा पत्तासाफ हुन्छ भन्ने हल्ला सत्य होइन।
एमाले, राजपा र संघीय समाजवादी फोरमबीच त्रिकोणात्मक प्रतिस्पर्धा हुन्छ। राजपा संगठित हुन नपाउँदै चुनावको सामना गर्दैछ। टिकट वितरणमा पनि असन्तुष्टि देखा परेको छ। फोरमले अलि अगाडिदेखि नै तयारी गरेकाले उसको माहौल पनि राम्रै देखिन्छ। तर, संविधान संशोधनमा बलियो गरी उभिन नसकेको भन्ने कुराले केही असर पर्ला।
बरु, संविधान संशोधन असफल भए पनि चुनावमा आए, उनीहरुसँग पुग्दो संख्या थिएन, विकल्प पनि थिएन भनेर राजपाले सदाशयताको मत पाउन सक्छ। यो भेगमा विजय गच्छदार नेतृत्वको मधेसी जनअधिकार फोरम लोकतान्त्रिकको खासै प्रभाव छैन। दलगत भोट बढाउने बाहेक लोकतान्त्रिकले थप प्रभाव पार्न सक्दैन।
माओवादीको प्रचार आक्रामक देखिए पनि, अध्यक्ष प्रचण्ड आफैं सक्रिय भए पनि उसले चमत्कार गर्छ जस्तो लाग्दैन। माओवादीको संगठन पनि कमजोर छ। आगामी दिनका चुनावका लागि जनाधार बनाउने कामसम्म भएको हो।
यस भेगमा दलभन्दा पनि व्यक्तिगत प्रभाव कस्तो छ? त्यसले नतिजा उल्ट्याउँछ। उम्मेदवारको व्यक्तित्व हेरिन्छ। समाजमा कत्तिको भिजेको छ? कत्तिको सहयोगी छ? जितेपछि के–के गर्न सक्छ आदि। व्यक्तिगत प्रभावमै केही सय मत यताउता हुनसक्छ।
जातिगत आधारमा पनि मतदान हुन्छ। प्रभावशाली व्यक्तित्व भयो भने उसले आफ्नो जातिको भोट तान्न सक्छ। चुनाव खर्चिलो बन्दै गइरहेको छ। आर्थिक पक्षले पनि चुनावी नतिजामा प्रभाव पार्न सक्ने देखिन्छ।
(कुराकानीमा आधारित)सभारः नेपाल लाइभ डट कम
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया