दश दिनमा २३ आचारसंहिता उल्लङ्घन
काठमाडौँ, २६ वैशाख । प्रेस काउन्सिल नेपालले छापा र अनलाइन सञ्चारमाध्यममा २३ वटा निर्वाचन आचारसंहिता विपरीतका समाचार प्रकाशित भएको जनाएको छ । निर्वाचन आयोगले निर्वाचन आचारसंहिता अनुगमनका लागि काउन्सिललाई अनुगमनको जिम्मेवारी दिएअनुसार यही वैशाख १५ देखि २५ गतेसम्म अनुगमन प्रतिवेदन आज सार्वजनिक गरेको छ ।
काउन्सिलका अनुसार केही साप्ताहिक पत्रिका र केही अनलाइन समाचार प्रोटलले आचारसंहिता उल्लङ्घन गर्दै आफू निकटका दलको पक्षमा प्रचारप्रसार गरेका छन् । ‘स्थानीय निर्वाचनमा भोट माग्न आए कान काट्ने’ भन्ने जस्ता नकारात्मक प्रवृत्तिको समाचारदेखि काठमाडौँ महानगरका मतदातालाई कसलाई भोट दिनहुन्छ भन्ने मतदाताको उत्तरसम्मका विषयमा एकपक्षीयरुपमा समाचार सम्प्रेषण गरिएको काउन्सिलले जनाएको छ ।
यस्तै मत परिणामको विषयमा समेत कही अनलाइनमा समाचार सार्वजनिक भएको भन्दै काउन्सिलले दल विशेषको पक्षमा प्रचार गर्दा अरू राजनीतिक दललाई गाली गर्ने र होच्याउने गरिएको समेत पाइएको उल्लेख छ ।
यस्तै सामाजिक सञ्जालमा पनि निर्वाचन आचारसंहिताविपरीतका सामग्री प्रचारप्रसार गरिएको काउन्सिलले जनाएको छ । यस्तै दमौली एफएम र एभिन्यूज टेलिभिजनले पनि निर्वाचन आचारसंहिता विपरीतको सामग्री प्रसारण गरेको अनुगमनका क्रममा देखिएको छ ।
काउन्सिलले २५ सञ्चारमाध्यममा ३१ सामग्री र सामाजिक सञ्जालमा दुईवटा निर्वाचन आचारसंहिता उल्लङ्घन भएको भन्दै आवश्यक सचेतता अपनाउन भनेको छ । काउन्सिलका कायमुकायम अध्यक्ष किशोर श्रेष्ठले निर्वाचनको संवेदनशीलतालाई ख्याल गरेर प्रेस स्वतन्त्रताको उपयोग गर्न आग्रह गर्नुभयो ।
नेपाल पत्रकार महासङ्घका अध्यक्ष डा महेन्द्र विष्टले संविधान कार्यान्वयन गर्ने र स्थानीय निकाय गठन गर्ने महत्वपूर्ण अवसरका रुपमा रहेको यस घडीमा निर्वाचन आचारसंहितालाई पालना गर्नु पत्रकार र सञ्चारमाध्यमको प्रमुख कर्तव्य रहेको धारणा राख्नुभयो ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया