बीरगंज १३ मंसिर । पर्सा जिल्लामा मुख्य प्रतिस्प्रर्धा बाम गठबन्धन र नेपाली कांग्रेस र मधेशी गठबन्धनका  उम्मेदवार बीच हुने देखिन्छ । २०७० सालको संविधान सभा निर्वाचन ५ वटा निर्वाचन क्षेत्र रहेकोमा ३ वटामा एमाले र २ वटामा नेपाली कांग्रेस बिजयी भएको थियो । २ वटामा नेपाली कांग्रेस बिजयी भएको थियो ।  २०७४ सालको स्थानीय तहको निर्वाचनको मत परिणामलाई हेर्दा संघीय समाजवादी फोरम नेपाल नेपाली कांग्रेस र वामगठबन्धनको त्रिपक्षीय प्रतिस्पर्धाको अवस्था देखिन्छ । 
 

वामगठबन्धनको मत संख्यामा पनि कमजोर छैन त्यो भन्दा बढी बाम गठबन्धनका उम्मेदवारहरु अन्य दलको उम्मेदवारको तुलनामा राजनीतिक रुपमा स्थापित र शक्तिशाली रहेकोले पनि बाम गठबन्धनको जीत सहज रहेको राजनीतिक विश्लेषकहरुको भनाई छ ।
 

बाम गठबन्धन इतरका उम्मेदवारमा नेपाली कांग्रेसले उधोगपती अनिल रुङटालाई अगाडि सारेको छ भने संघीय समाजवादी फोरम नेपालको तर्फबाट जिल्ला अध्यक्ष प्रदीप यादव चुनावी मैदानमा उत्रेका छन । तर उनलाई पनि ब्यवसायीकै रुपमा हेर्ने गरिएको छ । मधेश आन्दोलनका बेलामा तेलको ब्यापार गराएको ,प्रशासनसंग मिलेर आन्दोलन गरेको आदि इत्यादी आरोप उनीमाथि छन ।
 

नेकपा एमालेका उम्मेदवार बिचारी यादव  २०७० सालको संविधानसभा निर्वाचनमा बिजयी भएका थिए । ३ वर्ष ९ महिना सांसद रहदा उनले गरेका कामहरुको स्वेतपत्र नै जारी गरेका छन । उनी वाहेक पर्सामा रहेका अन्य १७ सभा सासदले आफूले खर्च गरेको रकमको फेहरिस्त सार्वजनीक गर्न सकेका छैनन । यस अर्थमा जनताप्रति जवाफदेह र इमान्दार नेताको रुपमा बिचारी यादवको पहिचान बनेको छ ।
 

मधेश केन्द्रीत दलका पनि सासद पर्सा जिल्लामा थुप्रै छन । तिनले पनि आफनो फेहरिस्त सार्वजनीक गर्न सकेका छैनन । जनताको परिमर्कामा सहभागी हुने खोजेको बेलामा सहज रुपमा उपलब्ध हुने नेताको पहिचान भएका बिचारीलाई यस पटक पनि जनताले “बिचार ”गर्ने अवस्था निर्माण भएको छ । 
 

सोझो लप्पन छप्पन नजानेको जनताको हित भन्दा बाहीर आफनो कुनै स्वार्थ नरहेको कुनै दाग नलागेको नेताको रुपमा स्थापित यादवको लोकप्रियता चुलीदो छ । उनीसंगै प्रदेश सभामा “क”का उम्मेदवार रहवर अन्सारी पनि जनताप्रति जवाफदेह रहेका छन । उनी आम मतदातालाई निर्वाचनको बिकृतिको बिरुद्ध मतदान गर्न अपिल गरिरहेका छन ।
 

आजको युवापुस्ताकावीचमा लोकप्रिय र स्थापित रहवर अन्सारी र यादवको जोडी जनताले निकै मन पराएका छन । 

प्रदेश सभा “ख”मा नेकपा एमालेका उम्मेदवार शम्भू गुप्ता सामाजिक जीवनमा निकै क्रियाशिल छन । लामो प्रशासनीक अनुभव भएका गुप्ता यादवकोलागि चुनावको दंगलमा अर्को निष्कलंक छवीका बलिया पिल्लर हुन ।
 

गुप्तासंगै प्रदेश सभाको प्रतिस्पर्धामा उत्रेका कुनैबेलाका उनका सहकर्मी फोरम नेपालका उपाध्यक्ष समेत रहेका लालबाबु राउत गद्धी यो भन्दा पहिला सम्बिधान सभामा सदस्य थिए । सम्बिधान बनाउने बेलामा आन्दोलनमा हिडेका राउत अहिले आफनो नभनिएको त्यही सम्बिधान अन्र्तगत चुनाव लडदै छन । उनले हिजो यस्तो किन गरियो र के पाइयो भन्ने प्रश्नको जवाफ दिनु परेको छ ।
 

सासद रहदा उनले जनताको निम्ती के गरे भन्ने प्रश्नले पनि उनलाई पिछा छोडेको छैन । पर्साको अहिलेको ४ न क्षेत्रमा आफनो संसदीय बिकास कोषको रकम खर्च गरेका राउतलाई प्रदेश सभा “ख”का जनताले के बिकास गर्नु भनेर सोध्दा उनी नाजवाफ हुने गरेका छन । जसले गर्दा प्रदेश सभामा गुप्ताको निष्कलंक छवीले जनताको मनलाई आकर्षित गरेको छ ।
 

राउतलाई मधेश आन्दोलनका एक जना निकै जुझारु युवा ओमप्रकाश सर्राफको उम्मेदवारीले आच्छु आच्छु पारेको छ । त्यसको फाइदा गुप्तालाई हुने देखिन्छ । प्रदेश सभा “ख” कुनै दाग नलागेका नेता गुप्ता मात्र भएको युवा नेता प्रभावकर गुप्ताको भनाई छ ।