नेपाली कांग्रेस पर्साको अधिवेशनमा हस्तीहरु पराजीत भएका छन । शहीद तेज बहादुर अमात्यका पुत्र राजेन्द्र बहादुर अमात्यले महाधिवेशन प्रतिनिधिमा निर्वाचन हार्नु परेको छ ।

नेपाली कांग्रेस पर्साको सभापति रहिसकेकाका शहीद पुत्र अमात्य संबिधान सभाका सदस्य पनि हुन । उनले महाधिवेशन प्रतिनिधिमा चुनाव जित्न सकेनन ।  नेपाली कांग्रेस भित्र उच्च बौद्विक क्षमता भएका दुई जना ता बिद्यावारिधी गरेका डा.भगवान यादव र डा.सुष्मा तिवारी पनि महाधिवेशन प्रतिनिधिमा डिफिटेड हुनु पर्यो ।

ठाकुरराम बहुमुखी क्याम्पसको सहायक प्रमुख भइसकेका नेपाली कांग्रेस पर्साको बहारवाला जिल्ला सचिव रोशन लामिछानेलाई पनि मतदाताले अस्विकार गरिदिए । सामाजिक आन्दोलनको अग्लो कद श्याम पोख्रेलले पनि हार्नु पर्यो । यद्धपी पोख्रेल कुनै खेमामा नभएका कारण हार भोग्नु परेको काग्रेसजनकै बिश्लेषण छ ।

जनप्रतिनिधिको रुपमा काम गर्दै आएका हविव मिया, ध्रुब नेपाल, ब्रहमदेवराउत कुर्मीलाई पनि काग्रेस मतदाताले मन पराएको देखिएन । महाधिवेश प्रतिनिधिमा प्रतिस्पर्धा गर्न उत्रिएका पत्रकार अशोक तिवारीलाई पनि मतदाताले बिजयको शिखरमा पुरयाउन रुची देखाएनन । पुराना काग्रेसी नेता जोखन दास थारुले पनि  हार ब्यहोर्नु पर्यो ।

महिला नेतृहरु रुपा देवी श्रेष्ठ,बिद्या श्रेष्ठ उत्तमा प्याकुरेलपनि अस्वीकृत हुन पुगे । बाहलवाला नगरसभापति भोला कलवारले हार भोग्नु पर्यो ।हरेन्द्र सिंह बिर बहादुर यादव पनि मतदाताको रोजीमा पर्न सकेनन । नेपाली कांग्रेस पर्साले लोकतन्त्रको नाममा गरेको निर्वाचन अभ्यासले पार्टीपंक्ति भित्र तिक्तता बढाउने देखिएको छ ।

अन्तरकलह र अन्तरघातको रिन्तरको श्रृखंलाका कारण लामो समयदेखी पराजयको पीडा भोगेको कांग्रेसले यो निर्वाचनबाट उत्साहको संचार भने गर्न सकेन । नेपाली कांग्रेसमा कार्यकर्ता पंक्तिले काम गर्नेहरुको मूलयाकंन गर्ने भएपनि नेताहरुले पार्टी भन्दा पनि आफना मान्छे बनानउने काम गरेपछि कांग्रेस एकतामा ग्रहण लागेको छ ।

नव निर्वाचित क्षेत्रीय सभापति अरविन्द गुप्ताको धारणा पनि यस्तै छ । एउट प्रश्न मना उब्जेको छ म नेताहरुकालागि  राम्रो कहिले हुन्छु के काम गर्दा हुन्छु गुप्ताले भने यो प्रश्नको जवाफ  कार्यकर्ता पंक्तिबाट त पाए मेरो जित त्यसको जवाफ हो तर नेताहरुले जवाफ कहिले दिन्छन त्यसको प्रतिक्षा छ ।

पार्टीको काम गर्दा नेताको नभइने प्रवृतिका कारण यस्ता प्रश्नहरु उठने गरेका छन । यसको जवाफ समग्रतामा खोजे मात्र पर्सा काग्रेसले जनमताको सम्मान गर्ने वतावरण बन्न सक्छ । बिद्यावरिधी गरेकाहरु अध्यापकहरु चुनाव हार्ने जुन वतावरण बनेको छ यसले काग्रेसको नीति निर्माणमा कस्तो असर पार्ला भन्ने प्रश्न उब्जेको छ ।

डा.तिवारीले सामाजिक संजालमा गर्भमै एउटा राम्रो उद्देस्य लिएर केहि अरु भन्दा राम्रै, स्वच्छ र इमान्दारिताका सपना बोकेर हिड्न खोजेर, संसारमा आउन खोज्नेलाई मार्न खोज्नु हुने सम्पूर्णमा धन्यबाद भनेर लेख्नु भएको छ ।

हेर्दा सामान्य वाक्य जस्तो लाग्ने भएपनि यस भित्रको मर्म भने निकै अर्थपूर्ण छ । हिजोको निर्वाचनमा अन्तरघातको जुन सवाल थियो यो निर्वाचनले त्यसैलाई बल पुर्याउने तर्क स्वयं काग्रेसजनले गरेको देखिन्छ निर्वाचनले जित्नेले संसार जिते जस्तो र हार्नेले सबै गुमाएको जस्तो देखिएकोले अन्तरघातको क्षिद्र बढने बिशलेषण गर्न थालिएको छ । यसको असर आउने निर्वाचनमा देखिने छ ।