नेकपा एमाले पर्सा भित्रको कारवाही काण्डका बारेमा नेताहरुको धारणा क्रमश सार्वजनीक हुदै छ । नेकपा एमालेका ठोरी गाउँपालिका कमिटीका अध्यक्ष खगेन्द्र श्रेष्ठले आफ्नो सामाजिक संजालको पेजमा प्रतिक्रिया लेख्दै नेतृत्वलाई तथ्यमा आधारित रहेर बहस गर्न चुनौती दिएका छन ।

उनले गाउँपालिका कमिटी बहसकालागि तयार रहेको र त्यसले निकाल्ने निष्कर्ष वा निर्णय स्वीकार्य हुने उल्लेख गर्दै कथित “पदाधिकारी ”बैठकको हवला दिदै सार्वजनीक गरिएको कारवाही काण्डलाई अस्वीकार गरिएको संकेत गरेका छन ।

उनले लामो प्रतिक्रिया लेख्दै पार्टी सम्पूर्ण एकताको आधार हुनु पर्नेमा ब्यक्तिवादी प्रवृति हावी भएको उल्लेख गरेका छन । पार्टीले एउटा प्रक्रिया र पद्धतीको घुम्ती पार गरेर निष्पक्ष रुपमा कार्य सम्पादन गर्नु पर्नेमा अहिले लहड, आवेग र प्रतिशोध लिने प्रवृतिको माध्यम बन्न पुगेको भन्दै अध्यक्ष श्रेष्ठले चिन्ता ब्यक्त गरेका छन ।

उनले प्रश्न गर्दै भनेका छन के माथिल्लो कमिटी भनेको तलको कमिटीलाई कार्यवाही अथवा स्पस्टिकरण सोध्नका लागि मात्र हो कि तलको कमिटीको पनि कुनै कुरा सुनुवाइ गर्नकालागि हो ?

स्थानीय चुनाबमा तल्लो कमिटीका केही जिम्मेवार नेताहरुबाट अन्तर्घात हुँदा कार्वाहीको मांग गर्दा झन बढुवा भएको प्रसंगलाई स्मरण गर्दै उनले पार्टीको लोकतान्त्रिक चरित्र समाप्त पारिएको बताएका छन ।

उनले नेतृत्वलाई सोधेका छन “ बिना दोस कसैलाई सनक चलेको भरमा कार्वाही अथवा स्पस्टिकरण किन र के को लागि कामरेड ? ” । उनले ठोरी गाउँपालिकाको नेतृत्व सम्हाले देखी आजको मिति सम्म कुनै नेता कार्यकर्ताबाट अध्यक्षले सहि गरेन भन्ने आवज आयो भने त्यही दिन बाट राजीनामा दिन सक्ने उल्लेख गर्दै बिना कारण मेरो राजनीतिक यात्रालाई रोक्ने कोसिस किन हुदैछ भनेर प्रश्न गरेका छन । श्रेष्ठले झै एमालेका अनेकौ नेता कार्यकर्ताले प्रतिक्रिया जनाई रहेका छन ।

अहिलेको कारवाही काण्ड पार्टीको स्थापित बिधि प्रक्रिया भन्दा बाहिरबाट प्रतिशोध साध्नकालागि भएको भन्दै एमाले भित्र तिब्र असन्तुष्टि बढेको छ ।

नेकपा एमालेको केन्द्रीय नेतृत्वले समेत पर्साको नेतृत्वको कामलाई बेठीक भनेको एमालेका एक नेताले बताएका छन । एमाले भित्र अहिलेका जिल्ला अध्यक्ष जयप्रकाश थारुको नेतृत्वको क्षमता कमजोर रहेको भन्दै एमालेको पर्सा जिल्ला कमिटीको बिघठनको माँग चर्को रुपमा उठन थालेको छ ।

शनिवार जिल्ला सचिवालय कमिटीको बैठकले पार्टीका जिल्ला सचिव एंव छिपहरमाई गाउँपालिकका अध्यक्ष मनोज गुप्ता, पर्सा जिल्ला सचिवालय सदस्य एवं सखुवा प्रसौनी गाउँपालिका अध्यक्ष यसवन्त यादव, गाउँपालिका कमिटी अध्यक्ष एवं वडा अध्यक्ष वासुदेव महत्तो थारु, जिल्ला कमिटि सदस्य ताजदिन अंसारी, जिल्ला कमिटी सदस्यहरु इमरान हुसेन, मंजूर आलम, पवन तिवारी, सुबास साह कानु, वीरेन्द्र साह कानु, रामप्रित महतो थारु र अमानत अंसारीलाई पार्टीको साधारण सदस्य समेत नरहने गरी कारवाही गरेको सार्वजनीक भएको थियो । त्यही बैठकका हवला दिदै पार्टीका केन्द्रीय सदस्य प्रभु हजरा र प्रदेश कमिटी सदस्य बसरुदिन अन्सारीलाई पार्टीको साधारण सदस्यबाट निष्काशनकोलागि प्रदेश तथा केन्द्रमा सिफारिश गर्ने निर्णय गरेको थियो ।

सचिवालयको बैठकले पार्टीको निर्देशन विपरित काम गरेको भन्दै २६ लाई स्पष्टीकरण सोधेको छ । यसरी स्पष्टीकरण सोध्नेमा वीरगञ्ज महानगर कमिटिका उपाध्यक्ष महेश दास, नरेस टिवडेवाल, आमोद यादव, वीरगञ्ज महानगरपालिका वडा नंं. १७ का वडा अध्यक्ष संजिब बहादुर छत्कुली, विश्वराज कुर्मी, जितेन्द्र पटेल, सम्सुदिन अंसारी, सुनिल कुशवाहा, रामबाबु साह, प्रमोद यादव, महादेव साह कलवार, इनरदेव चौधरी, रामनाथ चौधरी, रामराज यादव, जिल्ला कमिटि सदस्यहरु हरिनारायण चौधरी, रामेश्वर साह कानु, फरिन्द्र कुशवाहा, जितेन्द्र साह कलवार, नाजिर मियाँ, गौरी शंकर साह कानु, महेन्द्र साह कलवार, विनोद साह कानु, विश्वेश्वर यादव, कुरान अलि, फुलमहमद मियाँ, रियाजुल मियाँ, र ठोरी गाउँपालिका कमिटिका अध्यक्ष खगेन्द्र बहादुर श्रेष्ठसहित पालिका कमिटीलाई पनि स्पषटीकरण सोधेको छ ।