निषेधाज्ञाको मोडालिटी परिवर्तन गर्ने विषयमा छलफल शुरु गरेका छौः प्रजिअ तमाङ
पर्साका प्रमुख जिल्ला अधिकारी आस्मान तामाङले निषेधाज्ञाको मोडालिटी परिवर्तन गर्ने विषयमा सरोकारवालाहरुसँग छलफल शुरु गर्नुभएको छ ।
पहिलो चरणमा आज बिहान सञ्चारकर्मीहरुसँग गरेको छलफलमा निषेधाज्ञा कोरोना संक्रमणको चेन ब्रेक गर्ने एक मात्रै उपाय भएपनि यसलाई अब परिवर्तन गर्नेतर्फ आफ्नो सोच भएकोले छलफल शुरु गरिएको बताउनुभयो । उहाँले मान्छेको भीडभाड बढी हुने आवश्यक स्थानहरुमा मात्रै निषेधाज्ञा गरेर अन्य स्थानमा भने स्वास्थ्य सुरक्षाको मापदण्ड सहित खुकुलो बनाउदै लगिने बताउनुभयो ।
पर्सा जिल्लामा आएपछि पहिलो पटक सञ्चारकर्मीहरुसँग गरेको भेटघाटमा प्रमुख जिल्ला अधिकारी तामाङले आफ्नो पहिलो प्रथामिकता नै अहिले पर्सा जिल्लालाई कोरोनामुक्त बनाएर ग्रिनजोनमा ल्याउने र त्यसपछि अन्य शान्ति सुरक्षा, चोरी तस्करी नियन्त्रण, सीमा सुरक्षा र नागरिकलाई सहज सोवा प्रवाहमा केन्द्रीत रहने बताउनुभयो ।
कोरोना संक्रमण रोकथाम र नियन्त्रणका लागि मान्छे मान्छे बीचको सम्पर्कलाई नै रोक्नुपर्ने भएकोले निषेधाज्ञा नै एकमात्रै उपाय भएपनि नागरिकले स्वअनुशासन र स्वास्थ्य सतर्कताको मापदण्ड अवलम्बन गरे यसको चेन ब्रेक हुने र छिट्टै पर्सा जिल्लालाई कोरोनामुक्त बनाउन सकिने बताउनुभयो ।
उहाँले यसको लागि विभिन्न सरोकारवालाहरुसँग छलफल चलाएको पनि बताउनुभयो । उहाँले नागरिकलाई बैंकीङ सेवामा सहज पार्नका लागि आज बैंकर्सहरुसँग पनि आपूmले छलफल गरेको र भोली उद्योगी, व्यवसायी र राजनीतिक दलहरुसँग पनि छलफल गरेर निषेधाज्ञाको नयाँ मोडालिटीमा जान सकिने बताउनुभयो ।
छलफलमा सहभागी सञ्चारकर्मीहरुले निषेधाज्ञाको मोडालिटी परिवर्तन गर्न, गरिब, असहाय नागरिकको जीवकोपार्जन तथा कोरोना संक्रमितहरुको उपचार प्रभावकारी बनाउनुपर्ने सुझाब दिएका थिए ।
कार्यक्रममा प्रमुख जिल्ला अधिकारी तामाङ, प्रमुख प्रशासकीय अधिकृत विनय कुमार श्रीवास्तव, नेपाल पत्रकार महासंघ प्रदेश नम्बर २ का अध्यक्ष दिपेन्द चौहान, प्रेस संगठन नेपाल पर्साका संयोजक नीरज पिठाकोटे लगायत पर्साका सञ्चारकर्मीहरुको उपस्थिति रहेको थियो ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया