वीरगंज महानगरको बजेट पुनः निर्माणतर्फ संशोधन, सहिद असहाब आलमका परिवारलाई ५ लाख सहयोग
वीरगंज । वीरगंज महानगरपालिकाले चालु आर्थिक वर्ष २०८२र८३ को बजेटलाई संशोधन गर्दै नगर पुनःनिर्माणलाई प्राथमिकतामा राख्ने निर्णय गरेको छ।
शनिबार सम्पन्न विशेष अधिवेशन (विशेष नगर सभा) ले गत भदौ २४ गतेको आन्दोलनपश्चात ध्वस्त बनेको महानगरको संरचना पुनः निर्माण गर्ने प्रस्ताव सर्वसम्मतबाट पारित गरेको हो।
गत महिनाको २४ गते सचेत युवाहरू (जेनजी) नेतृत्वको आन्दोलनले महानगर कार्यालय भवनसहित सम्पूर्ण संरचना खरानी बनेपछि नगरवासीलाई सेवा प्रवाहमा गम्भीर समस्या आएको थियो।
यही पृष्ठभूमिमा नगरसभाले ३ अर्ब २२ करोड ४८ लाख रुपैयाँको पूर्व बजेट संशोधन गरी करिब ३० करोड रुपैयाँ पुनःनिर्माणमा खर्च गर्ने निर्णय गरेको हो।
संशोधित बजेटअन्तर्गत प्रशासनिक भवन निर्माण, सवारी साधन तथा मेसिनरी उपकरण खरिद, कम्प्युटर, ल्यापटप, प्रिन्टर, फर्निचर जस्ता आवश्यक सामग्रीको व्यवस्था, गाडी भाडा, बिजुलीबत्ती, कार्यालय मर्मत लगायतका कार्य प्राथमिकतामा पर्नेछन्।
महानगर प्रमुख राजेशमान सिंहले विशेष अधिवेशनमा बजेट संशोधन प्रस्ताव प्रस्तुत गर्दै नगरको सेवा प्रवाहलाई पुनःस्थापना गर्न बजेट पुनःसंयोजन अपरिहार्य भएको बताए।
यसैबीच, विशेष अधिवेशनले आन्दोलनका क्रममा काठमाडौंमा प्रहरीको गोली लागी शहादत प्राप्त गरेका वीरगंज–१२ का युवा असहाब आलमको परिवारलाई पाँच लाख रुपैयाँ सहयोग गर्ने निर्णय पनि सर्वसम्मत पारित गरेको छ।
यो निर्णयले एकातिर शहिद परिवारलाई सम्मान गर्ने सन्देश दिएको छ भने अर्कोतर्फ पुनःनिर्माणलाई प्राथमिकतामा राख्दै नगरलाई चाँडै सेवा–सुगम अवस्थामा फर्काउने प्रतिबद्धता जनाएको छ।
सम्बन्धित शीर्षकहरु
सीमापारी/अन्तराष्ट्रिय
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पत्रकार कर्णमाथि भएको आक्रमणप्रति महासंघको गम्भीर ध्यानाकर्षण, दोषीमाथि कडा कारबाहीको माग
जनकपुरधाम । नेपाल पत्रकार महासंघ मधेश प्रदेश समितिले पत्रकार राजेश कर्णमाथि भएको शारीरिक आक्रमणप्रति गम्भीर ध्यानाकर्षण जनाउँदै घटनाको तीव्र निन्दा गरेको छ।
मधेश प्रदेश प्रहरी प्रमुख डीआईजी थपलियाको निर्देशन, अपराध नियन्त्रणमा कुनै सम्झौता हुँदैन
वीरगन्ज। मधेश प्रदेश प्रहरी प्रमुख डीआईजी गोविन्द थपलियाले मातहतका प्रहरी अधिकृतहरूलाई संगठनको अनुशासन र अपराध नियन्त्रणमा पूर्ण प्रतिबद्ध रहन कडा निर्देशन दिएका छन्।
खेलकुद
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
वीरगंज युनाइटेडलाई टाइब्रेकरमा हराउँदै प्रतिभा युवा क्लब फाइनलमा प्रवेश
ठोरी ।स्व. रामबहादुर श्रेष्ठको स्मृतिमा जारी चौथो ठोरी गोल्डकप–२०८२ अन्तर्गत हिजो सम्पन्न दोस्रो सेमिफाइनल खेलमा आयोजक प्रतिभा युवा क्लब बिजयबस्तीले वीरगंज युनाइटेडलाई रोमाञ्चक टाइब्रेकरमा पराजित गर्दै फाइनलमा स्थान सुनिश्चित गरेको छ।
तपाईको प्रतिक्रिया