नेपाली कांग्रेसले प्रादेशीक जनसंख्याको अनुपातमा साँसदको सुची बुझायो
काठमाडौँ।नेपाली कांग्रेसले प्रादेशिक जनसंख्याको अनुपातमा समानुपातिक सांसदको नामावली निर्वाचन आयोगमा बुझाएको छ।
कांग्रेसले यो अभ्यास जनसंख्याको अनुपातमा अवसर माग गर्नेहरूका लागि असल अभ्यासको मानकका रूपमा स्थापित हुने दाबी गरेको छ।
उसले कुल १ सय १० सिटलाई प्रादेशिक जनसंख्याको अनुपातमा बाँड्दा बागमती प्रदेशबाट २२, मधेश प्रदेशबाट २१, कोसीबाट १८, लुम्बिनीबाट १७, गण्डकीबाट ११, कर्णालीबाट १० र सुदूरपश्चिमबाट १० जना उम्मेदवार कांग्रेसको समानुपातिक सूचीमा समेटिएका छन्।
केही प्राविधिक झन्झटका कारण कांग्रेसले मंगलबार बिहान निर्वाचन आयोगमा समानुपातिक उम्मेदवारको बन्दसूची बुझाएको हो। पार्टी सभापति शेरबहादुर देउवाको डिजिटल हस्ताक्षरलाई आयोगले मान्यता नदिएपछि सूची बुझाउन ढिलाइ भएको कांग्रेसले जनाएको छ।
पार्टी प्रवक्ता डा. प्रकाशशरण महतका अनुसार बन्दसूची सोमबार रातिसम्म तयार भइसकेको थियो। तर हस्ताक्षरसँग सम्बन्धित प्राविधिक समस्या समाधान गर्न समय लाग्दा मंगलबार बिहान मात्रै सूची बुझाइएको हो।
“केही प्राविधिक विषय मिलाउनुपर्दा ढिलाइ भयो, मंगलबार बिहान आयोगमा बन्दसूची बुझायौँ,” उनले भने।
निर्वाचन आयोगले दलहरूलाई पुस १३ र १४ गतेसम्म समानुपातिक उम्मेदवारको सूची बुझाउन समय दिएको थियो। कांग्रेसले तोकिएको समयमै शुल्क तिरेर भौचर काटे पनि बन्दसूची भने मंगलबार बिहानमात्रै बुझाएको हो।
डिजिटल हस्ताक्षर अस्वीकृत भएपछि कांग्रेसका मुख्यसचिव कृष्णप्रसाद पौडेल मंगलबार बिहान सभापति देउवाको महाराजगञ्जस्थित निवास पुगेर बन्दसूचीमा हस्ताक्षर गराएका थिए। त्यसपछि सूची आयोगमा बुझाइएको पार्टीले जनाएको छ।
यसपटक कांग्रेसले २०६४ साल यता समानुपातिकतर्फबाट सांसद बनेका कुनै पनि व्यक्तिलाई सूचीमा नसमेटेको छ। पार्टीले पाँच प्रतिशतभन्दा बढी जेन–जी पुस्ताको प्रतिनिधित्व रहेको दाबी पनि गरेको छ।
उम्मेदवार छनोटमा संस्थापन पक्षलाई ६० प्रतिशत र इतर पक्षलाई ४० प्रतिशत भागबन्डा मिलाइएको कांग्रेसको भनाइ छ। क्षेत्रीय वितरणतर्फ बागमती प्रदेशपछि मधेश प्रदेशबाट दोस्रो बढी प्रतिनिधित्व परेको छ, जसलाई अर्थपूर्ण रूपमा हेरिएको छ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सशस्त्र प्रहरी पर्सा द्वारा संचालीत विपद् स्वयंसेवक परिचालन विस्तारित तालिम समापन
वीरगंज । सशस्त्र प्रहरी बल नेपाल १३ नम्बर हेडक्वार्टरले संचालन गरेको “विपद् स्वयंसेवक परिचालन विस्तारित तालिम ” समापन भएको छ ।
आचार संहिता पालना नगरे नागरिकमा पत्रकारिता प्रतिको विश्वास घट्ने वक्ताहरुको चेतावनी
वीरगन्ज । पत्रकारिता क्षेत्रमा कार्यरत सञ्चारकर्मीहरूले आचारसंहिताको पालना नगरेसम्म पत्रकारिताले आर्जन गरेको विश्वास र साख गुम्ने जोखिम बढ्दै गएको बताएका छन् ।
खेलकुद
वीरगञ्ज प्रिमियर लिगको तेस्रो संस्करणको ट्रफि सार्वजनिक
वीरगन्ज । वीरगञ्जमा ‘टिम आदर्शनगर’ को आयोजनामा हुने वीरगञ्ज प्रिमियर लिगको तेस्रो संस्करण (बीपीएल–३) ट्रफी सार्वजनिक गरिएको छ ।
प्रधानमन्त्री कप क्रिकेटः सुदूरपश्चिम प्रदेशलाई हराउदै मधेस प्रदेश पाँच विकेटले विजयी
वीरगञ्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत आजको खेलमा मधेस प्रदेश पाँच विकेटले विजयी भएको छ ।
तपाईको प्रतिक्रिया